سچی بصیرت بارے کجھ وچار

جان ایل۔ مورگن ولوں

لکھاری دا وچار

امید کیتی جاندی اے پئی ایہہ چار نقطے چنگی بصیرت رکھن والے بندے لئی اہمیت رکھدے ہوون گے۔فیر وی بنیادی طور تے ایہہ کرسچن سائنس دے اوس طالب علم نوں مخاطب کردے نیں جنہے ایہہ سکھیا اے پئی ساریاں شیواں وچ اوہ الٰہی قانون پائے جاندے نیں جنہاں دے نال ساہنوں ضرور اتفاق کرنا چاہیدا اے۔میری بیکر ایڈی دی بصیرت روحانی تے سائنسی دونویں سی۔اوہدی کتاب، سائنس تے صحت آیتاں دی کنجی دے نال،وچ پائیاں جان والیاں تعلیماں خاص لو دیاں اصطلاحواں وچ نئیں، بلکہ عملی طور تے عمل لئی، فہم لئی اکھیاں کھول دیاں نیں۔جیس نظریے نال ایہہ نکتے لکھے گئے نیں اوہ ایہدے صفحے 561: 16۔20 دے ایس بیان وچ پایا جاندا اے: ”یوحنا نے انسانی تے الٰہی اتفاق ویکھیا، جیہڑا یسوع وچ ظاہر ہوئیا سی، جد الوہیت حیاتی تے ایہدے اظہار نوں انسانیت وچ من دی اے تے اوس حیاتی دے بارے انسانی نظریے تے سمجھ نوں گھٹ کردی اے جیہڑا آپ رب اے۔“

روحانی ترقی تے الٰہی شفا دے مرحلے دونویں اصل وچ بصیرت دیاں سرگرمیاں نیں۔لو، اْچے نظریے، شعور، سچیائی تے جھوٹ وچ فرق کرنا، روحانی سمجھ لئی عام تشبیہاں نیں۔ اصلی بصیرت ایہہ ظاہر کردی اے پئی ”جتھے ایہناں نوں آکھیا جاندا سی پئی تسی میرے لوک نئیں او، اوہ جیوندے رب دے پتر آکھوان گے۔“ (ہوسیع1باب10 آیت)۔

ایہہ نقطے جیہڑے عمل نال اجاگر ہوئے نیں، کرسچن تے سائنسی بصیرت دی مشق رکھن والے طالب علماں لئی صلاحواں دے طور تے پیش کیتے گئے نیں۔ایہناں دا مقصد تشریحی نئیں اے، بلکہ ایہہ انفرادی کھوج لئی بنیاد دے طور تے کم کر دے نیں۔

جان ایل۔ مورگن

ایلمڈن سیفرون والڈن

مئی 1963 ایسیکس، انگلینڈ

ایس کتاب وچ ورتے جان والے مخفف:

S. & H. سائنس تے صحت

Ret. ماضی دے خیال تے خود شناسی

CSH. کرسچن سائنس ہیمنل

سیان سب کجھ ویکھن والی اے، جیہڑی لامحدود نوں ظاہر کردی تے ذہانت دی لو لیاؤندی اے۔ایہہ اوہ لو اے جیہڑی ہر اوس بندے نوں چمکاؤندی اے جیہڑا جگ وچ آؤندا اے۔

سیان مینوں وکھاؤندی اے پئی بصیرت روحانی لو اے، نہ کہ مادی عضو۔ ایسے لو دے نال ساریاں شیواں دا مطلب تے معنی ظاہر کردیاں ہوئے، میں جان دا واں پئی بصیرت ویچار دی لو اے۔ ایہہ مادی شکلاں وچ معلومات حاصل کرنا نئیں، نہ ای مادے نوں ویکھن دی کوشش اے۔ سیان ”ڈوہنگیاں تے لْکیاں گلاں“ نوں ظاہر کردی اے ”جیہڑیاں اکھیاں نے نئیں ویکھیاں“۔ ایس سیان نوں رکھدیاں ہوئے میں جان دا واں پئی مَیں ویکھ سکدا واں کیوں جے میں اثر دی بجائے وجہ نال ویکھدا واں۔

میری بصیرت توں کجھ لْکیا ہوئیا نئیں، کیوں جے سیان اوہ ویچار پیش کردی اے جیدی مینوں ہر لمحے نوں ویکھن لئی لوڑ پیندی اے۔ سیان دی بصیرت ہمیشہ توں سر گرم تے انتھک رہئی اے، تے ایہہ ”سیان دیاں لیاقتاں دی باقاعدہ مشق“* نوں طلب کردی اے۔میں ایس بصیرت دی مشق ذہین دید وچ، لبھن وچ، غور کرن وچ، اصلی ویچاراں نوں ویکھن دی تاہنگ وچ کیتی جتھے حساں بس مادے اْتے غور کردیاں نیں۔ میرا ویکھنا پوری طراں چوکس تے حاضر دماغ سی، کیوں جے ایہہ سیان دی موجودگی اے۔

سیان میری بصیرت نوں بناؤندی اے، ایہنوں اپناؤندی، قابو کردی تے ایہدے اْتے حکمرانی کردی اے۔ تے کدی ایہنوں نظر دی مشینری دے حوالے نئیں کردی۔ جو کجھ میں اپنیاں اکھیاں نال غلط ویکھدا واں اوہ اصلی بصیرت دے محدود فہم دے علاوہ کجھ نئیں، اوہ سچ مچ الٰہی نظارے دے غلام نیں، تے اوہ اوس سیان دے تابعدار نیں جیہڑی سب کجھ ویکھدی اے۔

سائنس تے صحت 121:17۔24

سائنس تے صحت 284:28۔32

سائنس تے صحت 263:32۔12

سائنس تے صحت 485:4۔5

* سائنس تے صحت 487:6۔12، ایم ایچ سائنس تے صحت 488:23۔24

سائنس تے صحت 572:19۔12

سائنس تے صحت: 151:20۔28

روح ہستی دا کلا اصلی تصور اے، جیہڑا انسان دے نظریے توں ذرا فرق اے تے ہمیشہ ایہنوں ٹھیک کردا رہندا اے۔ نظریے نوں ٹھیک کرنا روح دا کم اے، ایس لئی روحانی شفاف نظری، ساریاں شیواں دی شناخت کردیاں ہوئے جیویں پئی اوہ اصلی نیں،میرے لئی فطری اے۔

روح دے راہیں میں ساریاں شیواں نوں ٹھیک طور تے، صاف، ٹھیک، واضح، روحانی طور تے ویکھدا واں۔ ایہہ مینوں فہم دیندی اے تاں جو میں اک ویچار تے دوجے ویچار دے وچکار، تے سچ تے جھوٹ دے وچکار فر ق کر سکاں۔ روح دی ایہہ وڈیائی مینوں تصور، ادراک، دانشمندی دیندی اے۔ ایہہ میرے فہم دیاں اکھیاں کھول دی اے۔ ایہہ مینوں وکھاؤندی اے پئی کیہ اصلی اے تے کیہ غیر اصلی اے۔

روح دی واضح نظر مینوں غلطیاں تے کوتاہیاں توں انھا نئیں کردی۔بلکہ میں ایہناں نوں ہور واضح ویکھدا واں، پر غیر اصلیت دے طور تے۔ میں بس چنگیائی تے سچیائی نوں اصلی من دا واں، تے اینج میری اکھ اک اے۔ مثبت طور تے میں اصلی، چنگیائی تے سچیائی نوں ویکھدا واں۔ روح وچ، چنگی بصیرت فطری اے، تے ایہہ غیر متغیر اے۔

کیوں جے روھ ہمیشہ اصلیت نوں آشکار کرن والی اے ایس لئی میری بصیرت ہر روز تیزی نال واضح ہْندی جاندی اے۔ میں خوشی نال پرانے خیالاں تے جھوٹیاں صلاحواں نوں غائب ہْندیاں ویکھدا واں۔ روح نویں ویچاراں، سچے، نویں خیالاں نوں جنم دیندی اے، تے اینج میری بصیرت وچ نویں انسانیت نوں جنم دیندی اے۔

ایہہ روح ای اے جیہڑی ویکھن والا کم کر دی اے، نہ کہ بدن، تے روح دیاں حساں ناقابل تسخیر تے کامل نیں۔ میرا اندازہ ہمیشہ مثبت ہْندا اے، کدی منفی نئیں ہْندا کیوں جے میری بصیرت روحانی اے۔

سائنس تے صحت 264:13۔15

سائنس تے صحت 476:32۔4

سائنس تے صحت 502:9۔14

سائنس تے صحت 281:28۔30

سائنس تے صحت 323:32۔6

سائنس تے صحت 505:20۔22

سائنس تے صحت 582:1۔2

سائنس تے صحت 586:3۔6

متی 6باب 22 آیت

جان روحانی حس دی لیاقت اے، جیہڑی مینوں اندر دی بصیرت یا روحانی ادراک دیندی اے۔ ایہہ بدیہی جان دا فہم اندر والی فکر تے ویکھنا اے، تے ایہہ پورے طور تے غیر حواسی اے۔جو کجھ میں ویکھدا واں اوہدی اصلی شناخت تے فطرت نوں ظاہر کردیاں ہوئے ایہہ میرے کردار دے نظریے نوں وسیع کردی اے۔

جان دی مداخلت دے پاروں میں بے گناہ انسان دے اندر نوں پاپ دے بہروپ دے پاروں ویکھدا واں۔ میں ظاہر نوں اصل دے نال گڈ مڈ نئیں کردا۔ میں علامتاں توں اگے خیالاں دی اصلیت نوں ویکھ سکدا واں۔ جد میری بصیرت اجاگر ہْندی اے تے علامتاں بدل جاندیاں نیں۔

جان دیاں حساں جسمانی اعضا دے راہیں نئیں بلکہ روحانی فہم دی مشق دے راہیں کم کردیاں نیں، جیویں پئی موسیقی دی تعریف بدنی حسی اعضاء دے پاروں نئیں بلکہ موسیقی دیاں حساں دے راہیں کیتی جاندی اے۔ایہنوں سمجھن نال بصیرت دے ناں دے اعضاء معمول دے مطابق ہور تیز ہو جان گے، کیوں جے جان ساڈی مشق وچ تبدیلی دا نقطہ اے۔

جان فہم اْتے فوقیت رکھدی اے۔ ایس لئی میں حسی طور تے کسے بندے نوں نئیں ویکھدا نہ ای میں اصلی شناخت لئی باہر والی صورت نوں ویکھن دی غلطی کردا واں۔ فہم تے خودی دے پردے جان دے بارے میری بصیرت نوں وگاڑدے نئیں، پر یقیناً میں اوہ ویکھدا واں ”جو اکھ نے نئیں ویکھیا۔“ جان وچ، میری بصیرت خود غرض ”میں“ نال کدی تعلق نئیں رکھدی، بلکہ بے غرضی نال نظر رکھدی اے، جیویں سورج بلدا اے۔

روحانی سمجھ دی بصیرت دے راہیں میں ہمیشہ فہم دیاں شیواں نوں جان دے خیالاں وچ بدل دیندا واں۔جو کجھ مینوں ویکھن دی لوڑ اے اوہ مین مطابقت تے فوری توجہ نال ویکھدا واں، کیوں جے میری شناخت کامل بصیرت نال ہوئی اے۔

جان دی سْکی دھرتی مینوں ثابت قدمی، خود اعتمادی تے خود یقینی دیندی اے۔ ایس لئی میں جان دا واں پئی میں کون واں تے میں غیر مضطرب آں، تاں جو میں غیر ارادی طور تے، مستقل مزاجی دے نال تے سکون دے نال ویکھ سکاں۔ میری سْکی دھرتی نال، میری بصیرت دائمی، مستقل، تصادم توں پاک، تے فانی یقین دے پاروں بے محل اے۔ میری نظر مایوسی یا پریشانی توں دور اے، پر رب وچ وسدی اے۔

جان باہر والی شے نوں اندر والی شے دے نال، سجے نوں کھبے دے نال برابر رکھدی اے۔اپنے اندر دی بادشاہی توں شروع کردیاں ہوئے، میں ”ایس دھرتی نوں ساڈے پیو دی بادشاہی بناؤن“ دا کم کرن دی کوشش وی کردا واں۔ جو کجھ میں اپنیاں مادی حساں دے راہیں ویکھدا واں ایہنوں روحانی حسان دے نال ہم آہنگ ہونا چاہیدا اے۔ روحانی ادراک میری بصیرت اے؛ ایہدی مشق میری نظر اے۔

سائنس تے صحت 91:16۔21

سائنس تے صحت 214:5۔8، 26۔1

سائنس تے صحت 263:28۔31

سائنس تے صحت 315:11۔20

سائنس تے صحت 258:21۔24، 31۔1

سائنس تے صحت 585:9۔11

اصول اک وڈھا، غیر شخصی نظریہ پیش کردا اے جیدے وچ میں کسے حد تیکر اونج ای ویکھدا واں جیویں رب ویکھدا اے۔میں غیر شخصی طور تے ہر کسے نوں کامل اصول دے کامل ویچار دے طور تے ویکھدا واں۔ میں انسان نوں اوس روپ نال ویکھدا واں جیہڑا اصلی اے۔”اوہ جیہڑا“ نئیں بلکہ ”جیہڑا کہ“ (سائنس تے صحت 475:5، 19۔22ویکھو)۔میں ویکھدا واں پئی انسان دی ہر صفت رب دی اک خوبی اے، تے ایہہ پئی اوہدے عملی الٰہی اصول دے بغیر انسان دا کوئی وجود نئیں۔ میں ویکھدا واں پئی نہ بھیڑا انسان نہ چنگا انسان الٰہی شبیہ تے صورت اے، کیوں جے انسان اپنے الٰہی اصول وچ ای پایا جاندا اے۔

کوئی ذاتی احساس میتھوں انسان دی الوہیت نئیں لْکاؤندا؛ انھے بندے دی کوئی مرضی مینوں اوہ ویکھن توں نئیں روکدی جو کجھ اصول میتھوں مانگ کردا اے۔ میرے ذاتی فیصلے تے تعصب میرے نقطہ نظر اْتے قابو نئیں رکھدے تے اینج میری اوس قطی تشخیص نوں نئیں روکدے جیہڑے اصول مینوں دیندا اے۔

اصول دا نقطہ نظر مینوں وکھاؤندا اے پئی ہر شے کامل انصاف تے برابری تے راستبازی دی حکمرانی ہیٹھاں اے۔ میریاں اکھیاں لئی پچھان دا معیار ”کون ٹھیک“ نئیں بلکہ ”کیہ ٹھیک“ اے۔ ایس لئی میں غلطی اْتے غور نئیں کردا، تے جو کجھ مینوں غلط وکھالی دیندا اے میں اوہنے غیر شخصی طور تے جھوٹ ای من دا واں۔

کیوں جے میں جان دا واں پئی اصول ای کلا ”میں“ واں،ایس لئی میری نظر خود کار فائدے، یا ویر یا احساس کمتری دے راہیں نئیں وگڑدی۔ میں ”بصیرت دی پہاڑی“* نال ویکھدا واں۔ میں اوہناں دی خاطر ای ٹھیک خایل تے عمل ویکھنا پسند کرداواں۔

میری بصیرت دا کم ہم آہنگی دے نال بصیرت دے الٰہی اصول دی نگرانی وچ ہْندا اے، کیوں جے سارے خیالاں دی قوت تے کارکردگی اوہناں دے حکمران اصولاں وچ وسدی اے۔

زبور 36: 9

یوحنا 5: 19

ماضی دے ویچارتے خود شناسی 76:23۔26

سائنس تے صحت 330:13۔15

سائنس تے صحت 300:28۔32

سائنس تے صحت 560:22۔30

* سائنس تے صحت 561:8۔9

سائنس تے صحت 304:16۔19

حیاتی لامحدود اہلیت دا قانون اے۔ایس لئی جنہاں میں اپنی بصیرت نوں روحانی، ذہنی تے بدنی طور تے ورت دا واں اوہنی ای ایہہ مضبوط تے واضح ہْندی جاندی اے۔ ”جیدے کول وی بوہتا اے اوہنوں ہور دِتا جاوے گا تے اوہدے کول بوہتا ہو جاووے گا“ (متی 25: 29)۔ الٰہی نظر دے قانون موجود نئیں۔ میرے لئی ساریاں شیواں نوں آسانی نال ویکھنا کوئی اوکھا نئیں کیوں جے انسان ”الٰہی توانائی دی غیر محرک حرکت“اے۔ میری نظر ہمیشہ بشاش رہندی اے کیوں جے ایہہ حیاتی دے نویں پن دا اظہار اے۔

میں جان دا واں پئی میری نظر سِدھی پیو کولوں آؤندی اے۔ ایہہ پیدائش توں شروع نئیں ہوئی تے نہ ای ایہہ عمر دے نال مْک جاندی اے۔ایہہ دائمی، لازوال، ہمیشہ نویں، خود نوں نواں کرن والی تے باقاعدگی نال بحال ہون والی اے۔میں خوش واں پئی ہْن میرے کول کامل نظر اے۔

حیاتی وڈھا دین والا اے، ایس لئی میری بصیرت فراخدل تے قابل ستائش اے۔ میرا ظاہری پن کدی کمینہ یا دوجیاں وچ دلچسپی رکھن والا نئیں اے، بلکہ ایہہ ہر بندے وچ الٰہی انفرادیت نوں مضبوطی دیندا اے۔حیاتی وچ میری بصیرت کھْلی تے ظاہر پرست اے۔ ایہنوں باہر نوں راہنمائی دِتی جاندی اے تاں جو میں ہر تھاں تے چنگے طریقے نال رب نوں لبھاں تے ویکھاں۔ حیاتی دے ننگے پن وچ، میں نویاں سچیائیاں، رب تے انسان دے بارے نویں پہلوواں، نوں جان دا واں اوہنوں لاگو کرن دے نویں طریقیاں نوں ویکھن تے اوہناں دی حوصلہ افزائی کرن نوں تیز واں۔ میری بصیرت پچھاں مڑ کے کدی نئیں ویکھدی، بلکہ ایہہ لگاتار اگاں نوں ٹر دی اے۔

سائنس تے صحت 380:32۔1

سائنس تے صحت 516:4۔8

سائنس تے صحت 262:14۔16

سائنس تے صحت 264:13۔15

سائنس تے صحت 507:28۔29

سائنس تے صحت 561:16۔20

سچیائی۔ میں کیویں ویکھ رہیا واں؟ میں کنہوں ویکھ رہیا واں؟ میں کیہ ویکھ رہیا واں؟ اصل وچ، میں بس رب دی شبیہ تے صورت نوں ویکھدا واں، کیوں جے انسان سچیائی لئی اک شفافیت اے۔

میرا وذن میرے سچ دی محبت نال، خیال دے بارے شعوری بیداری توں اگے ودھ دا اے، تے ایسے لئی میں انسان نوں رب دا پتر، یا رب دا اظہار من دا واں۔ ”انسان“ وچ ہر شے دے بارے میں سچیائی شامل کیتی، ایس لئی میں اسمانی اہمیت لئی وڈھے تے نکے دونواں نوں پچھان دا واں۔ میری توجہ لامحدود حد والی اے۔

میرا ویکھنا، روحانی ہوون دے ناطے، ہمیشہ سچیائی دا حوالہ ہْندا اے، تے ایس گل اْتے دھیان دیندا اے جیہڑی سچی تے الٰہی اے۔ایہہ فضول تجسس وچ نئیں کھِلر دا، بلکہ ایہناں ساریاں کماں اْتے ثابت قدم رہندا اے جیہڑے قابل قدر نیں۔

میں ویکھ رہیا واں پئی بس اک بندہ ای اے، تے ایسے پاروں میں سمجھدا واں پئی اک بندہ داچنگا پن ای اوہدے لئی چنگا اے۔میں اپنے بھرا دی لوڑ نوں ویکھن لئی چھیتی تے ذہنی تے روحانی طور تے ایہنوں فراہمی دینا واں، تاں جو میری انسانی بصیرت پوری تے صحتمند رہوے۔میں انسان نوں بے عیب، سِدھا تے رب نوں پسند کرن والا ویکھدا واں۔ مینوں سچیائی نوں ویکھن دی مشق کرنا پسند اے، کیوں جے اصلی بصیرت ویکھن نوں تے ویکھن والے دونواں نوں برکت دیندا اے۔میں کسے دی عدالت یا تنقید نئیں کردا، پر سچیائی نوں رب دے اپنے طریقے نال غلطی دے نال نبڑن دی اجازت دینا واں۔

اصل وچ، میری مردانگی وچ بندہ تے بْدھی دونویں شامل نیں،بالکل سانویں۔ میرا مردانگی نوں ویکھنا چنگے دور دے نظارے وچ ظاہر ہْندا اے، خلاصہ تے غیر اخلاقی سچیائی نوں واضح تے مستقل طوت تے ویکھدیاں ہوئے۔بْڈھی دے بارے میرا نقطہ نظر نیہڑے دے طورت تے ظاہر ہْندا اے، کیوں جے میں گھر نوں کھلیاں سچیائیاں وچ لیاؤنا واں، تے ایہناں دیاں تفصیلاں وچ ایہناں نوں ویکھ سکدا واں، جیویں پئی عملی طور تے سکون نال میرے اْتے لاگو ہْندیاں نیں۔ میری مردانگی سیان دے نال، میری بْڈھی نوں احساس دے نال ویکھدی اے۔ یہ دونویں نقطہ نظر (”اکھیاں“) اک نیں، کیوں جے میرے اندر ڈر تے فہم و فراست نال بنھے ہوئے نیں۔

(انجیلاں وچ، انھیاں نوں شفا دین دے ہر کیس دے نال ”تْو پتر داؤد“ دا حوالہ پیش کیتا جاندا اے۔ داؤد نے مردانگی تے بْڈھی نال ویاہ، ظاہری نظریاں تے اندر دے تصور دی نوعیت نال کیتی سی۔ ایس شادی دی ایہہ روحانی سرگرمی ای انسانی تے الٰہی داؤد دی کلید اے، جیہڑی ساڈی بصیرت نوں کھول دی اے۔)

سچ وچ، میں پتر واں، یا اخذ شدہ واں۔ ایس لئی ایہہ میری میراث اے پئی رب دا نظارہ کراں۔ایہہ کوئی فانی وارث مینوں نئیں دے سکدا تے نہ ای ایہدے بغیر مینوں رکھ سکدا اے۔

پیدائش 32: 30

پیدائش 33: 10

سائنس تے صحت 295:16۔24

متی 7:1تا5

سائنس تے صحت 518:15۔19

سائنس تے صحت 593:4۔5

محبت مینوں اپنے ای محبوب وانگر ویکھدی اے۔ الٰہی ماں، محبت، مینوں کامل تے پورے طورے تے تصور کردی اے۔ میں ایس الٰہی تصور دی عکاسی کردا واں تے ایہنوں من دا واں، تے ایس لئی حامل واں تے محبت وچ ساریاں نوں ویکھدا واں۔

”ہمیشہ توں موجود محبت دی لو ساریاں نوں چمکاؤندی اے۔“ * میں ویکھدا واں پئی ہر خیال پر سکون ہْندا اے۔ کدی مایوس یا ناکام نئیں ہْندا، کدی تناؤ وچ نئیں آؤندا، تے ایس لئی میرا وژن ”عمل وچ رہندا اے“۔ **تے میں سکون وچ تے مطمین واں۔ محبت دا نقطہ نظر غیر جانبداری، معافی، استحکام دا متمنی اے۔ جیویں پئی شیکسپیئر دے کول اے۔

”۔۔۔محبت محبت نئیں اے

جد ایہہ بدل جاندی اے تے کون بدل جاندی اے

یا ہٹان والے یا موڑن والے نال مْڑ جاندی اے

ایہہ اینج نئیں اے، اک مستقل نشان اے،

ایہہ آزمائشاں نوں ویکھدی اے، تے کدی ڈولدی نئیں۔“

میں روحانی بے گناہوں دی نظر نال ویکھدا واں تے کوئی بریائی نئیں ویکھدا، کیوں جے اسی رب دی موجودگی وچ آں۔میں انسان نوں پیار وچ ویکھدا واں تے نا کاملیت دے سارے احساس، سارے ڈر تے ناپسندیدگیاں نوں مٹا دینا واں۔ میں محبت دے احسان دی نظر نال ویکھدا واں تے انسان دے سارے رنگ تے خوبی نوں ویکھدا واں۔ ایس نظریے وچ رب دی فطرت دی پوری پچھان اے۔ایس لئی میں شکریہ دی نظر نال ویکھدا واں، کیوں جے رب دی شان پوری تھاں نوں بھر دیندی اے۔ اک مشکور نقطہ نظر دے نال میں اپنی پوری کائنات نوں ماں سمجھدا واں تے تقدیس دی خوبصورتی دا اظہار کردا واں۔

”میں رب دی محبت نوں کائنات تے انسان نوں گھیرے وچ لے کے، سارے خلا نوں گھیرے وچ ویکھیا، تے ایس الٰہی محبت نے اپنے شعور نوں ایس حد تیکر گوا دِتا پئی میں مسیح ورگی شفقت دے نال ہر شے نوں پیار کیتا۔الٰہی محبت دے ایس احساس نے خیالاں دے اظہار نوں تقدیس دا حسن آکھیا، اوہ کمال جنہے شفا دتی تے دوبارہ پیدا کیتا تے ایہناں ساریاں نوں بچایا جنہاں نے میری مدد کیتی۔ (مسز ایڈی توں منسوب۔ گلبرٹ سی کارپینٹر، جونیئر، سی ایس بی دے راہیں شائع کیتے ہوئے ”جنرل کلیکنیہ“ وچوں)

سائنس تے صحت 248:3۔4

سائنس تے صحت 260:7۔12

* سائنس تے صحت 503:14۔15

** سائنس تے صحت 519:25

سائنس تے صحت 577:19۔27

چار رویے

ست متراف لفظ بصیرت دے بارے سچیائیاں پیش کردے نیں، پر ایہدے توں وی بوہتے اہم چار رویے نیں جنہاں دے نال اسی ویکھن دی مشق کردے آں۔

ایہہ اوہ چار نکتے نیں جنہاں نال اسی ویکھدے آں:

کلام

سچیائی دا مکاشہ اے، تے ایہہ میری سچیائی نوں ویکھن تے جانن دی تاہنگ نوں تحریک دیندا اے۔

مسیح

سچیائی دا شعور اے، تے ایہنوں مہیا کردا اے، تے ایسے پاروں میں سچیائی دے نقطہ نظر نوں لبھدا واں تے اپنانا واں۔

مسیحت

سچیائی نوں ہر درجے وچ ظاہر کدی اے، تے ایسے طراں میں فطری طور تے سچیائی دی بالادستی نوں سمجھدا واں۔

سائنس

سچیائی دی تعبیر رب دے طور تے کرد ی اے، تے ایسے طراں انسان عمل وچ الٰہی نظر آؤندا اے۔

ایہہ چار رویے، میری تلاش، میری کھوج، میری آزمائش، میرا وجود، ”سچیائی دی روح“ دی طاقت نال یا الٰہی سائنس دی طاقت نال پیدا ہوئے نیں (یوحنا 16: 13)۔ ایس لئی میں ویکھدا واں تے جان دا واں پئی ایہہ روح ای اے جیہڑی ویکھدی اے، جیہڑی میری اندر غیر معمولی تے ابدی طور تے ظاہر ہْندی اے۔

پیدائش 13:14:”۔۔۔رب نے ابراہام نوں آکھیا اپنیاں اکھیاں چْک تے جیس تھاں توں کھلوتا ایں اوتھوں شمال تے جنوب تے مشرق تے مغرب ول نظر کر۔“جتھے کتے وی میرا شعور ہوسکدا اے، میں اوتھوں الٰہی احاطہ یا کیلکولس دے چار نقطہ نظر اْتے نظر رکھ سکدا واں۔ اصلی بصیرت روحانی حساب کتاب اے تے روحانی نظر تے استدلال ویکھن نوں طبعی بناؤندا اے تے ہم آہنگ کر دا اے۔

بصیرت بارے پہاڑی وعظ

الٰہی کیلکولس تے اصلی بصیرت دے وچکار ایس تعلق دے بارے میں اک روشن خیال پہاڑی وعظ وچ پایا۔ ایتھے روح یا سچیائی دا لہجہ رکھن والے ہر حصے وچ (اکا استثناء دے نال) ویکھن، آکھیاں یا بصیرت دا حوالہ اے۔ ایس توں علاوہ بصیرت دے بارے سارے سِدھے حولے ایہناں حصیاں وچ پائے جاندے نیں ہور کتے وی نئیں۔ دوجے لفظاں وچ، روحانی حساب کتاب، سچیائی تے ایمان وچ، ہستی دیاں اصلیتاں دی واضح روحانی سمجھ اے تے اصلی بصیرت ایہدا نتیجہ ہْندا اے۔

کلام حیاتی وچ میری راہ ظاہر کردا اے، مینوں اوہ راہ وکھاؤندا اے جیدے اْتے مینوں ٹرنا چاہیدا اے، تے میرے ہر قدم نوں واضح کر دا اے۔ ایس لئی میں لو وچ ایمان تے اعتماد دے نال ٹر دا واں؛ مَیں ہنیرے وچ، غیر یقینی وچ یا پریشانی وچ نئیں ہوسکدا کیوں جے ”جیہڑی راہ اوہ ٹردا اے اوہ اوہنوں جان دا اے، تے مَیں اوہدے نال ٹراں گا“ (کرسچن سائنس ہیمنل۔ گیت نمبر 148)۔

کلام مکاشفے نال پتہ چلدا اے پئی انسان روحانی ذہن والا اے تے مادی دا نئیں اے۔ ایس لئی میں فطری طور تے خدائی بصیرت توں مزا لینا واں، خیالاں نوں پڑھ دا واں مادے نال نئیں۔ ایس لئی میری بصیرت لفظی توں متاثر اے، اک ودھن والے پیمانے اْتے اے۔ کلام وچ، میری بصیرت اصلیت نوں ویکھن تے جانن دی تاہنگ کردی اے۔ ”میریاں اکھیاں کھول دے تاں جو میں تیری شریعت دے عجیب کماں نوں ویکھاں“ (زبور 119: 18)۔

مسیح رب دا مثالی اے، تے الٰہی صورت وچ انسانی نظر وچ انسان نوں ای لبھدا اے۔ مسیح دا نظریہ انسان دے بارے ساڈے تصور نوں بدل دیندا اے، تاں جو اسی انسان نوں سچیائی لئی اک شفافیت دے طور تے ویکھئے۔ جیویں یسوع نے رب لئی اک باری دے طورتے کم کیتا۔جنہے مینوں (بندے نوں) چنگی طراں ویکھیااوہنے باپ نوں ویکھیا اے۔ (یوحنا 14: 8تا10 ویکھو)اسی مسیح دے رنگاں والی عینک نال ویکھدے آں۔

پر ایہہ مسیح نور لو دی تجدید تے مستحکم نئیں اے: ایہہ متحرک تے عملی اے، کیوں جے سچیائی دا لازمی طور تے ساڈیاں غلط فہمیاں اْتے اثر پیندا اے۔ایس لئی مسیح دا نظریہ بس ساڈیاں اکھیاں ای نئیں اے: ایہہ میرا ڈاکٹر تے مینو ں شفا دین والا، دوبارہ بناؤن والا، بحال کرن والا تے تجدید کرنا والا اے۔

ایہہ مسیحی نظریہ لامحدود نوں غیر متنازعہ دا ترجمہ دس دا اے، تاں جو میں حیاتی دیاں نکیاں نکیاں تفصیلاں وچ الوہیت نوں ظاہر کراں۔ سچیائی دی لو نال ہر شے چمکدی تے بدل جاندی اے۔

مسیحت اصل استعمال وچ مسیح دا نقطہ نظر اے، سیان دیاں لیاقتاں دا استعمال۔ (سائنس تے صحت 487: 6۔9 ویکھو) میں اندر دیاں اکھیاں نال کیہ ویکھیا سی، ہن میں باہروں نظر آؤنا واں۔ ”میں تیری خبر کن نال سنی سی پر ہن میری اکھ تینوں ویکھدی اے“ (ایوب 42:5)۔

مسیحت وچ، مینوں سچیائی دے ہر پہلو اْتے کرنا پسند اے۔ فیر وی میں ایہہ وی جان دا واں پئی اصل وچ، میں ایہناں دی مشق کر رہیا واں۔ ایہہ لیاقتاں تے خوبیاں ہر اک اپنی اپنی حیثیت نال اپنے آپ نوں ظاہر کردیاں نیں،کیوں جے میرا ویکھنا بس اصلیت دی عکاسی اے۔

مسیحت وچ، بصیرت باہر دے نال اندروں تعلق رکھدی اے۔ایس لئی میں آپ جاذب نئیں آں، یا اپنے معاملیاں وچ غرق نئیں آں، پر اک ای منصوبے وچ سارے خیالاں دے باہمی تعلقاں تو واوا واقف آں، تے مَیں دلچسپی تے حیرت تے ساریاں دی تعریف دے نال ویکھدا آں۔(سائنس تے صحت 516:4۔8ویکھو)۔

مسیحت وچ ثبات، جھوٹ یا سچ یا ناراضگی دا ثبوت شامل اے۔ میں جتھے وی ویکھدا واں مینوں پتا اے پئی خدائی محبت شفا دیندی اے تے نویں مخلوق بناؤن تے بچان لئی کم کر رہئی اے۔ ایس میں جو کجھ ویکھ رہیا واں ایہدوں توں کدی وی مایوس نئیں آں، کیوں جے میں سچیائی دی بالادستی توں بوہتا واقف واں۔

سائنس ہستی دی سائنس اے، تے سائنس دا رویہ ایہدی کاملیت دے پلیٹ فارم دے مطابق اے۔ میری بصیرت اسمانی بھلیائی دیاں غیر متزلزل اصلیتاں وچ رہندی اے۔

رب دیاں اکھیاں اجیہیاں پاک نیں پئی بدی نوں نئیں ویکھ سکدیاں تے اوہ کج رفتاری اْتے نگاہ نئیں کرسکدا۔ (حبقوق 1:13۔ دیکھو) ”تے رب نے جو کجھ بنایا سی سارے اْتے نگاہ کیتی تے ویکھیا پئی بوہت چنگا اے“ (پیدائش 1:31)۔ ”ایس سائنس وچ، اسی انسان نوں رب دی صورت تے شبیہ وچ لبھدے آں۔ اسی ویکھدے آں پئی انسان کدی وی اپنی روحانی دولت تے اپنی ہمیشہ دی ہم آہنگی توں محروم نئیں ہوئیا“ (سائنس تے صحت 548:5۔8)۔

سائنس دے نقطہ نظر وچ، اسی خوشی نال آکھدے آں، ”میں ویکھ رہیا واں!“ میری سوچ تے نقطہ نظر اصول دے مطابق اے۔ میں ویکھ رہیا واں، یا بلکہ میں ایہنوں ویکھدا واں۔ ”یسوع نے سائنس وچ اک کامل بندہ ویکھیا۔۔۔“ (سائنس تے صحت 476:28۔8 ویکھو)۔

سائنس تعبیر اے تے ہر شے دی وضاحت دیندی اے۔ سب کجھ صاف تے واضح اے، تے ہوون دا کوئی مسئلہ نئیں اے۔میری نظر وچ، ایس لئی کوئی تناؤ، کوئی شدت، کوئی وجو نئیں جتھے میرا وجود ہے اے ایہہ ایہدے توں اگے روحانی نتیجہ اخذ کرن توں مجبور نئیں ہْندا۔ ایہہ اسمانی سائنس اے جیہڑی مینوں ویکھن تے سمجھن دی لوڑ دی ہر شے نوں ظاہر کردی اے تے ایہدی ترجمانی کردی اے۔میری بصیرت بیشک رب دیاں ڈوہنگیاں شیواں وچ وڑھے گی، پر ایہہ دانشمندی والی کوشش نئیں اے۔ ایہہ فطری روحانی احساس اے۔ (سائنس تے صحت258: 31۔ 1ویکھو)۔ ایس لئی میری بصیرت، جدوں کدی لبھدی اے، تے ہمیشہ سکون وی ہْندا اے۔

”بلکہ جیویں لکھیا اے اونج ای ہوئیا پئی جیہڑیاں شیواں نہ اکھیاں نے ویکھیاں نہ کناں نے سنیا نے بندے دے دل وچ آئیاں۔ اوہ ساریاں رب دے اپنے پیار کرن والیاں لئی تیار کر دتیاں۔ پر ساڈے اْتے رب نے اوہناں نوں روح دے راہیں ظاہر کیتا کیوں جے روح ساریاں گلاں نوں بلکہ رب دیاں تہہ والیاں گلاں نوں وی لبھ لیندا اے۔ کیوں جے انساناں وچوں کون کسے انسان دیاں گلاں جان دا اے سوائے انسان دی اپنی روح دے جیہڑی اوہدے اندر اے؟ ایسے طراں رب دے روح دے علاوہ کوئی رب دیاں گلاں نئیں جان دا“ (1 کرنتھیوں 2:9۔11)۔