جرمنی وچ کرسچن سائنس

فرانسس تھربر سیل ولوں

آرپیڈ ڈی پازتھورے دی حیاتی دی اک تصویر

اوریجنل لونگ ائیر دا مجموعہ

میری بیکر ایڈی دا عجائب گھر

پہلا لفظ

جرمنی وچ کرسچن سائنس دیاں تعلیماں نوں فروغ دین دیاں اپنیاں کوششاں بارے ایس کتاب وچ فرانسس تھربر سیل دا اپنا بیان کئی وریاں تیکر پڑھن والیاں لئی حوصلہ افزائی دا وسیلہ بنیا رہیا۔

لونگ ایئر ہسٹوریکل سوسائٹی ولوں جرمنی وچ کرسچن سائنس نوں شائع کرن دی ذمہ داری خاص کر کے ایس لئی وی مناسب اے کیوں جے جرمنی وچ مسز سیل دے مشن وچ میری بریچر لونگ ایئر ای سی جیہڑی بوہتی ذمہ دار سی۔ مسز لونگ ایئر اوہ ہی ”بْڈھی“ نیں جنہاں دا ذکر تعارف وچ کیتا گیا اے۔

ایس کتاب نوں شائع کرن دے بارے سارے جملہ حقوق میری ایف باربر ولوں لونگ ایئر فاؤنڈیشن نوں دِتے گئے نیں۔قریباً دو دہائیاں تیکر مسز باربر ایس کتاب نوں شائع کرن تے ونڈن لئی بہت پر جوش سی۔

لونگ ایئر ہسٹوریکل سوسائٹی

میری بیکر ایڈی داعجاب گھر

تعارف

1896وچ اک میں ایک افریقی خانوادے نے پورے جگ دی سیر کرنا شروع کیتی۔ اوہناں نوں گھلے ہوئے الوداعی تحفیاں وچوں اک میری بیکر ایڈی دی لکھی ہوئی سائنس تے صحت آیتاں دی کنجی دے نال دی اک کاپی سی۔ بوہت چِراں بعد بْڈھی تے بچے ڈریسڈن، جرمنی وچ سردیاں وچ اوس شہر دی موسیقی تے آرٹ دا مزا لین لئی رک گئے۔ ایہناں سکون والے مہینیاں وچ اوس عورت نے سائنس تے صحت دی غور نال پڑھائی کیتی۔ اوہنوں ایہدے نال خاص لگاؤ سی، تے سماجی طور تے جیدے نال وی اوہدی ملاقات ہوئی اوہنے ایس زبردست کتاب بارے تے ایہدے وچ پائی جان والی سچیائی دے بارے اوہناں نال گل کیتی۔

1897وچ بہار دے شروع ہْندیاں ای اوہ نیویارک دی بندر گاہ اْتے اْتردیاں ہوئے امریکہ پرت کے ٹر گئے۔ اگلے اتوار دی صبح اوہناں نے سیکنڈ چرچ آف کرائسٹ، سائینٹسٹ، نیویارک وچ عبادت کیتی، تے ایس عبادت دے اخیر اْتے عورت نے پہلی قاری، مسز لورا لیتھروپ نو ں لبھیا، جیہڑی اک استانی وی سی، تے اوہنوں بوہت جذبے نال ایس کتاب نوں حاصل کرن تے پڑھن دے بارے دسیا، تے ایہہ دسیا پئی اوہنے ڈریسڈن وچ وی لوکاں نوں ایہدے بارے دسیا سی تے اوہناں نال وعدہ کیتا سی پئی جیویں ای اوہ امریکہ اپڑے گی اوہ کرسچن سائنس دے تعارف لئی کسے کارکن نوں گھلن تے اوتھے وی اک چرچ بناؤن دی کوشش کرے گی۔

ساڈے اپنے شہر نیویارک وچ، جیہڑا اوس دور وچ دوجا وڈھا شہر سی، کرسچن سائنس دے کم نوں بناؤن لئی بوہت کم کیتا گیا سی، تے کسے کارکن نوں باہر گھلن دی درخواست اْتے گھٹ غور کیتا جاندا سی، پر سچیائی نوں جرمنی دے لوکاں تیکر اپڑان دی تاہنگ ایس عورت دے دل وچ ڈوہنگی سی، تے کجھ مہینیاں بعدوں اوہ پرت کے آئی تے اپنی درخواست فیر دوہرائی۔ ایس واری اوہدی درخواست ساڈی استانی مسز لیتھروپ دے دل نوں لگی، جنہے ایہناں لوکاں تیکر سچیائی اپڑان لئی کسے نوں گھلن دا وعدہ کیتا۔ اگلے دن مسز لیتھروپ نے مینوں گھلیا، ایہہ کہانی سنائی تے آکھیا پئی اوہنوں لگدا سی پئی ایہہ رب ولوں اک بلاوہ سی، تے ایہدا جواب دین تے ایس کم نوں پوراکرن لئی مینوں چنیا گیا سی۔

فرانسس تھربر سیل

مئی، 1931۔

پہلا باب

میرے پیو دے دادے پڑدادے فرانسیسی مسیحی سی، جیہڑے اپنے دور دی پوپ پرستی توں بچن لئی انگلینڈ نوں ہجرت کر گئے سی تے اوہناں نے اپنے ضمیر دے حکم دے مطابق رب دی عبادت کرن لئی آزادی لے لئی سی۔ اوہ رب دے تاکستان وچ مضبو کارکن سی، تے جدوں کئی پیڑیاں توں بعد اوہناں نوں نویں دھرتی دے بارے پتا چلیا جیہڑی پوری مذہبی آزادی دیندی سی تے امریکہ دے ایس خطرناک سفر نوں پوراکرن والے مسافراں وچ اوہ وی شامل سی۔

نویں انگلینڈ وچ اوہناں نے اپنی حیاتی تے قابلیت نوں رب تے انسان دی خدمت کرن لئی دے دِتا۔ اوہناں دے بندے استاد، تبلیغ کرن والے تے علاج کرن والے سی۔

میری ماں دا خانوادہ اسکاچ کوئیکرز سی۔ اوہناں نے وی اپنی حیاتی رب دی خدمت لئی دے چھڈی سی۔ میرا پیو ٹیکساس تے میکسکو وچ اٹھارہ ورھیاں دی عمر وچ مشنری بن گیا سی۔ ایہناں ملکاں وچ اوہ گھوڑے اْتے تبلیغ تے درس و تدریس دے سلسلے وچ دور دور رعلاقیاں وچ سفر کردے سی جتھے کتے وی او جاندے سی۔ اوہ اوہناں لوکاں دے گھراں وچ رہندے سی جنہاں نال اوہ کم کردے سی، ایس طراں اوہ مالک، یسوع مسیح دے ایہناں لفظاں دی فرمانبرداری کردے سی ”تے جیس گھر وچ وڑھو اوتھے پہلاں آکھو پئی ایس گھر دی سلامتی ہووے۔۔۔۔ اوسے گھر وچ رہوو تے جو کجھ اوتھے ملے کھاؤ تے پیو۔گھر گھر نہ پھرو۔“(لوقا 10 باب 5 توں 7 آیتاں)۔اوہناں نے اپنی حیاتی دے باقی ورھیان وچ انجیل دی منادی جاری رکھی۔

بچپن توں ای میں اپنی ماں نوں ایس بیماری وچ ویکھیا جنہوں لاعلاج بیماری آکھیا جاندا سی۔ اوہدے وچ ایہنی طاقت نئیں سی پئی اوہ اپنے گھر دا کم کاج سنبھال سکدی۔ کئی ورھیاں دیاں لگاتار مصیبتاں توں بعد اوہنے اپنیاں اکھیاں میٹ لیئاں تے ساہنوں چھڈ کے ٹر گئی، تے اوہناں دے اخیری لفظ رب لئی نئیں سی، بلکہ اپنے بندے توں اپنے بچیاں دی حفاظت کرن دی درخواست سی۔

میں ایس تعلیم نوں منن لئی تیار نئیں سی پئی اک قادر رب اے، جیہڑا چنگا اے تے جنہے ساریاں نوں بنایا اے، ایس غیر منطقی دلیل دے نال پئی اک طاقتور شیطان اے جنہوں رب تے انسان دیاں سانجھیاں کوششاں دی لوڑ اے پئی اوہ ایہدے اْتے قابو پان۔

ایس تعلیم وچ مومناں دے تجربیاں نے ایہہ واضح کیتا پئی ضرور کِتے غلطی ہوئی اے۔

حیاتی بیماری تے موت دی لگاتا لڑائی ورگی لگدی اے۔ اک اک کر کے خاندان وچوں مردے گئے، اخیریں میں مایوس ہو گئی۔ میں دلوں جان دی سی پئی اک رب اے۔ مینوں ایہہ یقین نئیں سی پئی کوئی وی ایہدے بارے کجھ جان دا اے، پر جدوں توں میں اوس عورت نوں جانیا اے، رب نوں لبھن دی تاہنگ ناقابل تلافی سی۔ میں مختلف چرچاں دے عقیدیاں وچ اجیہی شے لبھن دی کوشش کیتی جیہڑی بائبل نوں کھولے تے انسان دے وجود دے اک وجہ اوہدی حیاتی وچ اک مقصد تے ایس قانون نوں پورا کرن وچ اوہدی حفاظت کرن والے قانون نوں ظاہر کرے۔پر ایہہ مانگ کرنا بیکار ای رہیا۔

جیہڑا وی آس دے بغیر تے رب دے بارے کجھ نئیں جان دا اوہ بس اک مردہ شے اے، ایتھے تیکر پئی انسانی فہم دے مطابق اوہ دھرتی اْتے ٹردا پھردا اے۔ متسقبل دے وعدے دی بغیر کسے کرن حیاتی مینوں بلکل بے فائدہ لگی۔

میں ایہناں شیواں دا بوہت گھٹ سْفناں ویکھا سی جیہڑیاں رب نے میرے لئی تیار کیتیاں سی، تے اوہ میری اڈیک کر رہیاں سی۔ پر گرمی دے موسم دی اک سوہنی جئی شام جدوں میں نیو یارک دی اک گلی وچ ٹری جا رہئی سی، میں اک عمارت ویکھی جیدے اْتے ایہہ لفظ لکھے سی، ”فرسٹ چرچ ا ٓف کرائسٹ۔ سائنٹسٹ۔“ میں گلی نوں پار کر کے اندر ٹر گئی جیویں مینوں بلایا گیا ہووے۔ ایتھے اک گوائیاں دی میٹنگ سی، تے اوتھے میں اک نواں سنیہاں سْنیا، پئی انسان رب دی مرضی دے پاروں نئیں بلکہ رب توں لاعلمی دے پارون تکلیف سہندا اے۔ میں چھیتی نال ویکھیا پئی ایہہ سچ سی، بس جہالت ای مصیبتاں دی وجہ اے، اک اجیہی شے جیہڑی انسان نوں نیکی توں انھا کر سکدی اے تے اوہدی قابلیت نوں لْٹ سکدی اے۔ اوہناں نے ایہہ وی آکھیا پئی رب اک پیو دے نال نال اک ماں وی اے، تے میں ایہہ سچ منیا، تے ایہہ پئی پیو دی محبت تے ماں دی سمجھ دے نال رب ساریاں شیواں نوں چنگا بنائے گا تے اپنے بالاں نوں سیان تے اپنی مرضی نال دیوے گا۔اک ہور مقرر نے آکھیا پئی ایہہ تعلیم حیاتی دی سائنس اے تے رب نوں روح تے مخلوق نوں روحانی؛ تے مادے نوں غیر اصلی دی حیثیت نال ظاہر کردی اے؛ تے ایہہ سائنس اک روحانی سوچ رکھن والی عورت نے دریافت کیتی سی جنہے ایہہ جگ نوں دے چھڈی۔

میں ایس میٹنگ وچوں پْر امید، خوشی دے نال اک نویں مخلوق بن کے نکلی، کیوں جے میں ایہہ ویکھیا پئی جے ایہہ سچ اے تے دین یا مذہبی خیالاں دی ایہہ دنیا تے ایہدے وچ ہر شے جھوٹی بنیاد اْتے سی تے ایہدا ڈگ جانا ضروری اے؛ تے مینوں پتا سی پئی جے ایہہ سائنس ہْندی تے ایہنوں سکھیا جا سکدا سی، تے میں پکی سی پئی میں ایہہ سکھاں گی، تے ایس طراں رب نوں لبھاں ھی تے حیاتی نوں سمجھاں گی۔ میں پچھیا پئی میں ایس تعلیم نوں ہور کیویں جان سکدی آں، تے مینوں اک شفا دین والی ول وی گھل دِتا گیا، جیہڑی مسز ایڈی دی طالبہ سی، مسز لورا لیتھروپ سی ایس ڈی جیہڑی اک استانی وی سی۔

کئی ورھیاں توں میں معدے دی سنگین بیماری دا شکار سی، جیدے بارے آکھیا جاندا اے پئی ایہہ موروثی اے، تے بچپن توں ای میری نظر کمزور ہو رہئی سی۔ اکھیاں دے ڈاکٹر ایس گل تے اتفاق کردے سی پئی چالی ورھیاں دی عمر تیکر اپڑن توں پہلاں میں پوری انھی ہوجانواں گی۔

میں ایس عورت، مسز لتھروپ دے کول گئی، تے اوہنوں اپنیاں مصیبتاں دے بارے دسیا تے آکھیا پئی میں رب دے بارے جاننا چاہنی آں۔ اپنی دوجی ملاقات وچ، میں اوہنوں آکھیا پئی اوہ میرے علاج وچ اپنا ویلہ ضائع نہ کرے، کیوں جے میری بیماری لاعلاج سی تے سچ مچ میں علاج لئی نئیں آئی سی بلکہ ایہہ سکھن لئی آئی سی پئی کرسچن سائنس رب دے بارے کیہ تعلیم دیندی اے، تے ایس تعلیم دی تصدیق کیویں ہو سکدی اے۔ میں پچھیا پئی کوئی سکول اجیہے ہے نیں جتھے ایہہ سکھائی جاسکدی اے۔ اوہنے آکھیا ایتھے سکول نئیں بلکہ کلاساں ہْندیاں نیں، تے اوہ اگلے مہینے اک کلاس شروع کرن والی سی، جیدے وچ جے چاہواں تے مَیں وی چامل ہو سکدی سی۔

اوہنے مینوں میری بیکر ایڈی دی لکھی ہوئی اک نکی جئی کتاب، نئیں تے ہاں، دِتی جیہڑی مین اوس شام تن واری پڑھی۔ اوہنے سارے سوالاں دے جواب دِتے پئی ایہہ تعلیم قبول کرن دے قابل ہووے گی یا نئیں، کیوں جے اوہنے واضح طور تے ایہہ ظاہر کیتا پئی چنگیائی یا بریائی ذاتی نئیں، تے ایہہ پئی انسان نوں رب توں وکھ نئیں کیتا جا سکدا۔ ایس پڑھائی دے اخیراْتے میں ایہہ محسوس کیتا پئی جسمانی پریشانی پوری طراں مک گئی سی۔ اوہ دوبارہ کدی نئیں ہوئی، حالانکہ میں ایہدے توں اگاں ودھ کے کم کیتا سی جنہوں کئی ورھیاں توں انسانی طاقت یا برداشت آکھیا جاندا اے۔جسمانی صحت ایس تعلیم دی سچیائی دی اک پکی نشانی سی، تے ایس ثبوت نے اضطران نوں ہمیشہ لئی بجھاؤن والے شَکاں نوں کھول دِتا۔

ایہدے بعد میں میری بیکر ایڈی دی لکھی ہوئی کرسچن دی درسی کتاب، سائنس تے صحت آیتاں دی کنجی دے نال، خریدی تے اک ہفتے بعد مسز لیتھروپ دی پڑھائی جان والی کلاس وچ داخل ہوئی، جتھے میں بوہت سارے متاثر کرن والے تے جوشیلے لیکچراں دا مزا لیا۔ کلاس دے اخیری سیشن وچ ساڈے استاد نے ایہہ خواہش ظاہر کیتی پئی ساڈے وچوں ہر کوئی کرسچن سائنس دا ممبر بن جاووے گا۔ کلاس دے دوجے ممبراں وانگر مین وی ایس درخواست وچ شامل ہوگئی، حالانکہ میں ایہدی وجہ نئیں جان دی سی، کیوں جے میں ہلے چرچ دے مطلب توں تے نہ ای سچائی دے قیام وچ ایہدی وڈھی اہمیت توں واقف سی۔ فیر وی، وچکار دے ورھیاں دے بعد، گھر دے بارے چرچ آف کرائسٹ۔ سائنٹسٹ، میرا خالص تصور رہیا اے، تے میں ایہہ سکھیا اے پئی ایہہ انسانی شعور وچ رب دی بادشاہی دا وڈھا اظہار اے۔

سردیاں دا ایہہ پہلا موسم خوشگوار سی۔ میں درسی کتاب، سائنس تے صحت آیتاں دی کنجی دے نال، دن وچ کئی گھنٹے تے رات دیر تیکر پڑھی، تے چرچ نے رب تے اوہدے مقصد لئی کم کرن دا موقع دتا۔

میں مشاہدہ کیتا پئی ریڈنگ روم بس دن دے ویلے ای کھلے ہْندے سی تے میں پتا کروایا پئی کیہ اوہ شام نوں نئیں کھل سکدے، تاں جو دن ویلے ملازمت کرن والے بوہت سارے لوکاں نوں موقع ملے پئی اوہ ہستی دی ایس سائنس نوں سکھ سکن۔ ساڈا ریڈنگ رول فوراً کھول دتا گیا تے میری نگرانی وچ دے دتا گیا، تے اینج کرسچن سائنس دے مقصد وچ کارکن دے طور تے میرا کم شروع ہوگیا۔ ایس کم وچ بوہت سارے سوہنے تجربے ہوئے، تے بوہت سارے لوکاں نے شام نوں ایس کمرے وچ آکے رب نوں پایا۔

میں اک ورھے توں کڈھ ویلے وچ ای کرسچن سائنس نوں پا لیا سی۔ میری نا امید حیاتی وچ الٰہی وعدہ لیاندیاں ہوئے ایہہ رب ولے میرے کول اک تحفے دے طور تے آئی سی۔ اوہنے مینوں ہستی دی اک وجہ، سرگرمی تے افادیت دا شاندار امکان دِتا۔

میں ایس اصلیت نوں پسند کردا سی تے ایہدے فہم وچ ودھن تے کرسچن سائنس دے مقصد وچ فائدہ مند ہون دی امید رکھدا سی، پر ایس سائنس نوں اجنبی ملک دی دھرتی اْتے لے جان تے ایہنوں قائم کرنا ناممکن گل لگدی سی۔ فیر وی، میرے استاد نے مینوں ایہہ کرن دی ہدایت دتی سی۔

میں اوہنوں یاد دلایا پئی میں ہلے کرسچن سائنس دے بارے کجھ نئیں جان دی، تے ایہہ پئی ہور پرانے طالب علم وی سی جیہڑے لحاظ نال چنگے طور تے تیار سی، پر اوہنے ضد کیتی پئی ایس کم لئی ضروری قابلیت میرے کول ای سی۔ میں اوہنوں دسیا پئی میں شفا دینا نئیں جان دی، پر اوہنے آکھیا، ”کوئی گل نئیں، تیرے اندر پیار، اطاعت تے ایمانداری والی خصلتاں نیں، تے ایہہ تینوں سنبھال لین گیئاں تے رب تینوں وکھاوے گا پئی کم کیویں کرنا ایں۔“

تد میں آکھیا میں جرمن بولی دا اک لفظ نئیں جان دی، تے میرے کول باہر دے ملک جان تے اجنبی ملک وچ رہن لئی پیسے وی نئیں۔

اوہنے چھیتی نال ایہناں اعتراضاں نوں دور کیتا تے مینوں یقین دوایا پئی جرمنی وچ ہر بندہ زنگریزی بول دا اے۔ بعد وچ مینوں پتا چلیا پئی ایہہ غلط گل سی، تے بوہت ای گھٹ لوکاں نوں انگریزی آؤندی سی۔ جرمن جان لئی تے کجھ ویلے تیکر اوتھے گزارا کرن لئی چرچ دے اک ممبر نے مینوں قرضہ دتا۔ میں ایہناں پیسیاں نوں چھیتی توں چھیتی واپس کر دتا۔ ایہہ اوکھا سی پر الٰہی محبت نے مینوں قائم رکھیا۔ میریاں مادی لوڑاں گھٹ سی، تے مین کسے وی مالی ذمہ داری توں آزاد رہنا چاہنی سی۔

اوس ویلے میں کدی وی کسے شفا دا کم نئیں کیتا سی، پر اوس توں بعد میرے کول دوکیس سامنے آئے جدوں میں اپنے بلاوے دی اطاعت کرن دا وعدہ کیتا۔ اک تے اوہ جرمن عورت سی جیہڑی بارہ ورھیاں توں گھٹیا دا شکار سی۔ اوہنے آکھیا پئی کئی ورھے پہلاں مینہ وچ کئی گھنٹے کھلو کے پہلے بادشاہ ولہیلم دے جنازے نوں ویکھن دے پاروں ایہہ ہوئیا سی۔ اوہ بس ساڈے انٹرویو دے دوران ای ٹھیک ہو گئی سی۔ میں اوہنوں شفا نئین سی دتی، بلکہ اوس بیماری دے بارے عدم نوں جانیا تے جیہڑی کہانی اوہنے مینوں سنائی سی اوہدے اْتے اوہدے یقین نوں ویکھیا۔میں ایس کیس دے بارے ایس لئی دس دی واں کیوں جے جرمنی جان توں بعد گھٹیا دے میرے کول کئی کیس آئے، جنہاں دے بارے خیال کیتا جاندا اے پئی اک ای ویلے وچ اوسے طراں ای اوہناں دا سامنا کیتا گیا سی، تے اوہ سارے ٹھیک ہو گئے سی۔

دوجا کیس اوس بْڈھی عورت دا سی جیدے بارے آکھیا جاندا سی پئی اوہ کینسر نال مر رہئی سی۔ پوری طران ہستی دی سچیائی نوں ویکھن تے اوہدی آواز سنن دے پاروں اوہ دو ملاقاتاں وچ ای ٹھیک ہو گئی۔ میری خوشی دی کوئی انتہا نئیں سی جدوں اوہ اک ہفتے بعد مینوں جہاز اْتے الوداع کرن آئی۔ ایہناں کیساں نے مینوں ہمت دتی کیوں جے مینوں پتا سی پئی میرے اندر اجیہا کجھ وی نئیں سی جیہڑا ایہہ کم کر سکدا سی۔ بس رب آپ ای ایہہ خوفناک پرچھانویں دور کر سکدا سی۔

دوجا باب

میں دسمبر 1897 دی اک دوپہرے ہیمبرگ لئی نو دناں دی اسٹیمر اْتے نیو یارک توں نکلی۔فیر تیرھویں دن تیکر اسی اپنی منزل تیکر نہ اپڑے، جدوں اسی اوس سمندری طوفان داسامنا کیتا جنہے جہاز نوں بوہت نقصان پہنچایا تے ساہنوں ساڈی منزل توں کئی میل دور لے گیا۔ ایہہ ایہناں بھیڑا طوفان سی پئی کارگو وچوں کئی قیمتی گھوڑے ایہنے زخمی ہو گئے پئی اوہناں نوں گولی مارنی پئی حالانکہ اوہناں نوں بچان دی پوری کوشش کیتی گئی سی۔

مسافراں نوں اوہناں دی حفاظت لئی اوہناں دیاں برتھاں دے نال سرہانیاں وچ بنھ دِتا گیا سی، تے اوہناں اینج بنھیا گیا سی پئی کوئی اوہناں سامان سمجھ کے باہر نہ سْٹ دیووے، پر ایہنی حفاظت دے باوجود کئی لوکاں نوں اوہناں دیاں برتھاں اْتے سْٹ دتا گیا تے اوہ بوہت زخمی ہوگئے۔ ایہہ سردی دے موسم دا وچکار سی جیدے پاروں، بس کجھ فرسٹ کلاس مسافراں دے علاوہ بوہت سارے سمندری سفر توں انجان سی تے ڈرے ہوئے سی۔ سمندراْتے ایہہ میرا پہلا سفر سی، پر ایس پکے یقین دے نال پئی رب نے مینوں جرمنی وچ اپنا کم کرن لئی بلایا اے، تے ایہہ پئی اوہدی موجودگی میرے نال اے تے اوہ مینوں ہر حالت وچ قائم تے محفوظ رکھے گا؛ ایہہ میرے لئی اک خوفناک تجربہ ہْندا؛ پر کسے ویلے وی میں ڈر محسوس نئیں کیتا، تے اک انتظام کرنے والے دی مدد نال میں کھانے لئی گئی، تے طوفان دے تھم جان توں بعد کھانے دی میز اْتے میں کلی مسافر سی۔ بھانویں رات نوں میری برتھ وچ پھنسے ہوئے، میں اپنا ویلہ اپنیاں کتاباں پڑھن تے دعا کر کے مسیح نوں لبھن دی کوشش کردیاں ہوئے گزاریا۔

میرے سفر توں پہلاں مسز ایڈی نے فیلڈ نوں اک نویں کتاب متفرق تحریراں دِتی سی، جیہڑی خطاں تے اوہناں پتراں نال بنی سی جنہاں وچ اوہدی تعلیم شامل سی۔ اوہناں نے اعلان کیتا پئی ایہہ کتاب اک ورھے لئی فیلڈ واسطے اک استاد اے، تے استاداں تے طالب علماں دونواں نوں ایہنوں پڑھنا چاہیدا اے تے چاہیدا اے پئی اوہ ایس خط تے کرسچن سائنس دی روح بارے معلومات حاصل کرن۔ میں ”اسمان توں آؤن والی آواز“ دے ایس حکم نوں من دیاں ہوئے پئی ”لے ایہنوں کھا لے“ (مکاشفہ 10: 9) ایس کتاب نوں چھیتی نال پڑھ لیا۔ایہدے وچ پائیاں جان والیاں سچیائیاں تے درسی کتاب نے میری سوچ اْتے اجیہی روشنی پائی پئی ایہنوں رب دی سلامتی وچ طوفان توں اْچا کر دتا۔

طوفان دے چوتھے دن مینوں سفر دے پہلے دناں وچ اپنے کھانے والی میز اْتے اک ساتھی، اک پادری دی بڈھی ولوں دستخط کیتا ہوئیا نوٹ ملیا، جنہے پْچھیا سی پئی کیہ اوس شام کجھ عورتاں میرے کول آسکدیاں نیں۔ اوہ اک انتظام کرن والے ولوں آئیاں تے کجھ صوفے اْتے اور تے کجھ فرش اْتے بیٹھ گیئاں۔ اوہناں نے مینوں دسیا پئی اوہ ایس لئی آئیاں سی کیوں جے جہاز وچ میں کلی مسافر سی جنہوں کوئی ڈر نئیں لگیا، تے اوہ چاہندیاں سی پئی میں اوہناں نوں دساں کہ ایہہ جان دیاں ہوئے پئی جہاز کسے وی ویلے ڈْب سکدا اے اجیہے طوفان دے دوران میں کیویں خوش ہو سکدی آں۔ میں ہسدیاں ہوئے جواب دتا، ”جہاز نئیں ڈْبے گا۔“ اوہناں نے پچھیا کوئی ایہڈے یقین نال کیویں آکھ سکدا اے۔ میں اوہناں نوں دسیا پئی ایہہ اک بوہت قیمتی تے پاک راز والی گل اے پر جے اوہ چاہن تے میں اوہناں نوں دس سکدی آں پئی رب مینوں اک شاندار مشن لئی یورپ وچ گھل رہیا اے، تے پکی گل اے پئی اوہ مینوں راہ وچ غرق نئیں ہوون دیوے گا۔ اوہناں دی درخواست اْتے مین قریباً اوہناں نال اک گھنٹہ کرسچن سائنس دے بارے گل بات کیتی، اوہناں نوں سادہ سچیائیاں دس دیاں ہوئے تے یسوع دی تعلیم ول اوہناں دی توجہ دلوائی تے اوہناں نوں ”ساکت ہو، تھم جا“ دے نال ایس طوفان اْتے قابو پان دی کہانی پڑھ کے سنائی۔ اسی ہن مادے دے بارے نئیں سوچ رہیاں سی بلکہ اسی مسیح دی آواز نوں سن رہیاں سی جیویں اوہنے پہلاں آکھیا سی، ”خاطر جمع رکھو۔ میں آں، نہ ڈرو!“ (مرقس 6:50)۔ہن اوہ خوف زدہ نئیں سی۔ سچیائی دی روح اوہناں دے دلاں وچ وڑھ گئی سی؛ تے اچانک اوہناں وچوں اک نے آکھیا ”ہن خاموشی اے۔ طوفان رْک گیا اے!“ ایہہ مک گیا سی، تے حیرانگی نال اوہ اْٹھیاں تے چپ کر کے اپنے کیبناں وچ ٹر گیئاں۔

دو دناں بعد کپتان میرے کول آئے تے آکھیا پئی قریباً اکٹھی اک درخواست آئی اے پئی میں اگلے دن سیلون وچ اتوار دی عبادت کراں۔ میں پہلے قاری تے دوجے قاری دے حصے وی آپ ای پڑھے کیوں جے جہاز وچ کوئی دوجا کرسچن سائنسدان موجود نئیں سی۔ بس دو پادری تے دو ڈاکٹر اپنیاں بْڈھیاں دے نال موجود سی۔ ساریاں نے دعا لئی میرا شکریہ کیتا تے تن لوکاں نے اوس مکتوب دے بارے پچھیا جتھوں میری بیکر ایڈی دی کتاب سائنس تے صحت آیتاں دی کنجی دے نال مل سکدی سی۔ کئی ورھیاں بعد، میں جانیا پئی ایہناں عورتاں وچوں دو چنگیاں کرسچن سائنسدان بنیاں۔

تیجا باب

ساحلی بندر گاہ توں ڈریسڈن دے سفر وچ میں کھانا نئیں خرید سکی، کیوں جے میں جرمن بولی نئین بول سکدی سی۔ جمعرات دی دوپہر توں جمعہ دی رات تیکر میں کجھ نئیں کھادا۔ جدوں وی ٹرین رْکدی سی تے میں لوکاں توں کھانے دا پچھدی سی، پر کسے نوں انگریزی دی سمجھ نئیں آؤندی، تے میں ٹرین نئیں سی چھڈ سکدی پئی اوہ مینوں نال لیؤں بغیر ٹر جاووے۔

میں جمعے دی شام نوں ڈریسڈن اپڑی، تے اک انگریزی عورت مس ایملی کاٹن دے کول اک نکے ہوٹل وچ رْکی۔ اوہنے مینوں اک چاہ دا کپ تے اک مکھن والی پتلی بریڈ دا سینڈویچ دِتا، تے میں اک پْکھ نال بھرے سفر توں بعد سون لئی ٹر گئی۔ پر میں ایس گل لئی شکر گزار سی پئی محبت نے جیس کم لئی مینوں چنیا سی میں اوتھے اپڑ گئی سی۔

اک نوجوان امریکی عورت جیہڑی ڈریسڈن وچ گانے دی تعلیم لے رہئی سی تے جیہڑی ایس نکے ہوٹل وچ کھانا کھان آؤندی سی، اوہدے کول سائنس تے صحت دی اک کاپی سی، تے اوہنے کسے دے نال ملن دی بوہت دلچسپی سی جیہڑا اوہنے کرسچن سائنس دے بارے ہور کجھ دس سکے۔ اتوار دی صبح میرے آؤن توں بعد میں اوہدے کمرے وچ گئی تے اسی اکٹھے سبق پڑھے۔

جدوں اسی فارغ ہوئیاں، تے اسی بیٹھ کے گلاں کرن لگ گیئاں، تے اوس ویلے بوہا کھڑکیا تے اک امریکی عورت ایہہ آکھدیاں ہوئے اندر آئی پئی اوہ کسے کرسچن سائنسدان نوں لبھ رہئی اے۔ اوہنے دسیا پئی اوہ مارک ٹیون دی کزن سی تے کئی وڑھے پہلاں اوہدے توں کرسچن سائنس دی خدمت دے پاروں اپنی دھِی نوں تب دق دی بیماری توں بچان دی گواہ سی۔ اک جوان روسی کْڑی، جیہڑی اوہدے نال ایس نکے ہوٹل وچ رہ رہئی سی اوہنے کسے سخت بیماری دے پاروں بوہت پریشانی سی۔ اوہ کْڑی ماسکو وچ رائل اوپیرا دی تعلیم لے رہئی سی، تے ڈاکٹراں نے وی اوہنوں دسیا سی پئی اوہ پورے سال تیکر یا شاید کدی وی گا نئیں سکے گی۔ اوہ مایوسی دا شکار سی، تے ایس مہربان امریکی عورت نے میزبان توں اوہدی پریشانی دی وجہ پچھی۔جدوں اوہنوں دسیا گیا پئی بچی لئی کوئی انسانی مدد نئیں اے، تے اوس عورت نوں اوہ شفا یاد آئی جیہڑی اوہدے گھر وچ کرسچن سائنس دے پاروں آئی سی، تے اوہ امریکہ دے چرچ وچ جا کے ریکٹر نال گل کرن لگ گئی سی پئی کیہ اوس شہر وچ کوئی کرسچن سائنس دا شفا دین والا ہے اے۔ اوہنے آکھیا پئی اوہ کسے نوں نئیں جان دا، پر ایہہ اوہنوں اک جوان میوزک دی طالبہ نے دسیا سی پئی اوہ کرسچن سائنس وچ دلچسپی رکھدی اے، تے ایہدا خیال اے پئی اوہنوں پتا چل جاووے گا پئی کیہ ایس شہر وچ کوئی کرسچن سائنسدان ہے اے یا نئیں۔ اوہنے ایہنوں اوس جوان عورت دا پتا دِتا تے اوہ ساڈی ایس اتوار دی پہلی عبادت دے اخیر وچ آئی۔ اوہنے اعلان کیتا پئی اوہ ایس جوان کڑی نوں شفا دلان لئی کسے نوں لبھ رہئی اے، تے میری میزبان نے فوراً آکھیا، ”ایتھے ایہہ اک عورت اے جنہوں رب نے لوکاں نوں شفا دین لئی گھلیا اے۔“

سارے انتظام ہو گئے، تے اوہ روسی کڑی میرے نکے ہوٹل وچ میرے کول آئی۔ کیوں جے اوہ بس روسی بولی بولدی سی تے میں بس انگریزی جان دی سی، ایس لئی میں اپنی میزبان نوں بلایا، جیہنڑی ایس کڑی نال صحیح گل بات کر سکدی سی۔ فیر حیران نظراں نال میرے ول ویکھ کے اوہنوں اوہ کجھ ای دسیا جو کجھ امریکی عورت نے مینوں اک دن پہلاں دسیا سی۔ میں اوس کڑی نوں بیٹھن نوں آکھیاتے جرمنی وچ میں اپنی پہلی شفا دین لئی بیٹھ گئی۔ ایہدے بعد میری میزبان ٹر گئی۔ میں کرسچن سائنس دی شفا دے طریقے بارے کجھ نئیں سی جان دی، پر میں سیان لئی رب ول توجہ کیتی، تے جیویں میں رب دی قدرت نوں ویکھیا، غلطی چھیتی نال میرے خیال وچوں مٹ گئی۔میں اْتھ کے جوان کڑی نوں الودع آکھیا۔ اوہ پنج دن تیکر صبح سویرے آجاندی سی۔ پنجویں دن اوہنے بوہت چنگی زبان نال گل کیتی، تے میں فیر اپنی میزبان نوں بلایا پئی اوہ دسے پئی ایہہ کیہ آکھ رہئی سی۔ اوس کڑی نے دسیا پئی اوہ بالکل ٹھیک اے تے اوہ پہلی شفا توں بعد ای اینج ٹھیک ہو گئی سی، تے اوہ اوسے طراں گا رہئی سی جیویں اوہ عام طور تے گاؤندی ہْندی سی۔جدوں اوہنوں پچھیا گیا پئی اوہنے دسیا کیوں نئیں تے اوہنے آکھیا پئی اوہنوں ایس گل دا احساس نئیں سی پئی اوہ مینوں دسے تے اوہنوں ایتھے آؤنا چنگا لگ رہیا سی۔

ایہدے بعد اوہنے پچھیا پئی کیہ اوہ دوبارہ ایسٹر تے آ سکدی اے۔ جدوں میں پچھیا پئی کیوں، تے اوہنے آکھیا پئی اوس ویلے اوہدے امتحان نیں تے جے اوہ پاس ہو جاووے گی تے اوہدا پیو اوہنوں تعلیم پوری کرن تے اوپیرا دی تیاری کرن دی اجازت دیوے گا، پر جے اوہ ناکام ہوجاندی اے تے اوہنوں گھر جانا پووے گا تے اوہدے کیرئیر نوں چھڈنا پووے گا۔ مینوں لگیا پئی میں اوہدا مطلب سمجھ گئی سی، پر میں چاہندی سی پئی اوہ ایہہ کھل کے دسے، تے ساڈا ترجمہ کرن والی نوں آکھیا، ”اوہنوں پچھو پئی میرا ایس سب کجھ دے نال کیہ تعلق اے۔“ اک روشن مکھڑے نال اوس کڑی نے جواب دتا ”ڈر توں علاوہ کوئی اجیہی شے نئیں جیہڑی مینوں میرے امتحاناں وچ ناکام کر سکے، تے مینوں اوس ویلے توں کوئی ڈر نئیں اے جدوں پہلی واری ایس عورت نے میرے لئی رب نال گل کیتی سی؛ جے اوہ فیر میرے لئی دعا کرے گی تے مینوں کوئی ڈر نئیں رہووے گا۔“اوہنے کرسچن سائنس دے بارے کجھ نئیں سی دسیا گیا؛ بس اک پاسے بیٹھن توں علاوہ اوہنوں کجھ نئیں سی آکھیا گیا سوائے ایہدے پئی اوہ ہر روز ایس ویسے آسکدی اے جدوں تک اوہ پوری شفا یاب نئیں ہو جاندی۔ یقیناً ایہہ ساڈی قائد دے ایس مطلب دا اظہار سی جدوں اوہ ایہہ آکھدی اے پئی کرسچن سائنسداناں نوں ”شفا“ دے وسیلے دی تعلیم دینی چاہیدی اے (متفرق لکھائیاں: 358: 4) کیوں جے ایس کڑی نے سکھیا پئی رب نے ای اوہنوں شفا دتی سی، تے ایہہ پئی ”کامل محبت ڈر نوں دور کردی اے۔“

ایس واقعے دے حوالے نال اک قابل ذکر گل ایہہ سی پئی میری میزبان مس کاٹن روس وچ پیدا ہوئی سی تے اپنی حیاتی دے پہلے پچی ورھے اوتھے رہئی سی۔ تے اوہ ای واحد عورت سی جیدے نال میں یورپ وچ ملاقات کیتی سی جیہڑی روسی بولی جان دی سی۔ ایہہ اوہدی ماں بولی سی، حالانکہ اوہ اک انگریزی عورت سی۔ جدوں ایہہ میرے کول آئی تے میں اوہدے گھر پرؤنی بنی، ایہہ خدائی ہدایت دا مثبت ثبوت سی۔ کڑی دا ناں فلیستا سی، جیدا مطلب اے ”خوشی“۔ ایہہ خوشی والی گل سی۔

کیوں جے ایہہ نکا ہوٹل اصل وچ جوان کْڑیاں طالب علماں لئی سی، ایس لئی میں جلد ای اک ہور تھاں تے ٹر گئی جیہڑا مستقل گھر سی۔ ایس نکے ہوٹل وچ اٹھارہ مہمان سی، جنہاں وچ بوہتے امریکی سی۔ میزبان نے اوہناں نوں دسیا پئی میں اک کرسچن سائنسدان آں۔ اوس ویلے کرسچن سائنس بوہت گھٹ جانی جاندی سی، تے شاید اوتھے دے امریکیاں نے سوچیا پئی میں عجیب سی، کیوں جے اوہناں نے مینوں نظر انداز کیتا، تے مینوں پوری طراں کلیاں چھڈ دِتا۔ ایتھے تنہائی سی تے میں گھر نوں یاد کردی سی۔ میں دن دے ویلے بوہت چنگے کم کردی سی کیوں جے میں اپنیاں کتاباں پڑھیاں تے میں رب دے ماحول وچ رہندی سی، پر رات دے ویلے کلاہ پن مینوں نیند توں جگائی رکھدا سی، تے کئی واری میں ہتھ وچ اک موم بتی لے کے ہیٹھان ٹردی سی تے سائنس تے سحت میرے دوجے ہتھ وچ ہْندی سی، تے اچی آواز نال پڑھ رہئی ہْندی سی حالانکہ میری آواز سسکیاں نال دب جاندی سی۔ میری سب توں وڈھی تاہنگ رب نوں لبھناں سی، کیوں جے ہلے تیکر مسیح دے بارے میرا تصور بوہت ہلکا سی، ایس لئی میں دعا دے نال مسیح نوں لبھدیاں ہوئے مسز ایڈی دیاں لکھائیاں تے نویں عہد نامے دی پڑھائی دن وچ بارہ یا چودہ گھنٹے کیتی۔

کیوں جے میں پورے یورپ وچوں کسے نوں نئیں جان دی سی، تے امریکہ وچ بس کجھ لوکاں نوں ای پتا سی پئی میں اوتھے آں، تے سوال ایہہ سی پئی رب نے مینوں جیس کم لئی گھلیا سی اوہ مینوں کیویں ملے گا۔پر جدوں ایہہ سوال میرے ذہن وچ آیا تے ایہدا جواب وی اینج ای آیا جیویں مالک نے دِتا سی: ”فصلاں چِٹیاں نیں“؛ فصل تیار اے تے میں وی تیار آں۔ رب مینوں اپنا کم ایتھے پورا کرن لئی لیایا اے، تے غلطی مینوں اوہناں لوکاں تیکر اپڑن توں نئیں روک سکدی جنہاں نوں میری لوڑ اے۔ اوہ مینوں لبھن گے تے رب مینوں سیان دیوے گا جیدی مدد نال میں اوہناں نوں شفا دیواں گی۔

کجھ چر بعد ایپیسکوپل چرچ دے ریکٹر نے شام نو وجے اک نوکر میرے لئی گھلیا۔ میں اوہدے کول گئی تے اوہنے مینوں دسیا پئی اوہ گردیاں دی بیماری دا شکار سی؛ تے اوہدے توں پہلاں وی اوہدے گردیاں نوں دو دورے پے چکے سی، تے ڈاکٹراں نے اوہنوں آکھیا سی پئی تیجا دورہ خطرناک ہووے گا۔ اوہنے سائنس تے صحت نوں پڑھیا سی، تے ایہہ سن کے پئی اک کرسچن سائنسدان شہر وچ اے اوہنے مینوں ملن دا ارادا کیتا ایہہ جانن لئی پئی کیہ کرسچن سائنس اوہدی لوڑ نوں پورا کرے گی۔ اوہنے مینوں ہر واری شام نو وجے ای ملن نوں آکھیا، کیوں جے اوہ اپنے آپ حواریاں نوں ایہہ نئیں سی دس سکدا پئی اوہ مدد لئی ایس پاسے آگیا سی۔ اوہ پندرہ دناں توں وی گھٹ ویلے وچ ٹھیک ہو گیاسی، تے اوہ بوہت خوش ہوئیا سی، پر اوہدے اندر ہمت نئیں سی پئی کھل کے ایہدا اعلان کر سکے، ایس لئی اوہنے خاموشی نال پڑھائی کیتی تے اپنے چرچ دے کم نوں جاری رکھیا۔

تن مہینیاں دیاں پوریاں کوششاں توں بعد مسیح مینوں مل گیا، جیویں کہ مسز ایڈی نے انکشاف کیتا سی۔ سردیاں دی اک سرمئی دوپہر نوں میں اپنی بائبل دی پڑھائی کرن بیٹھی تے فیر اپنی قائد دیاں متفرق لکھائیاں ول توجہ کردیاں ہوئے اوہدے ایہناں لفظاں نوں یاد کیتا، ”ایہہ شمارہ پڑھن والیاں لئی اک گرافک گائیڈ بک ہو سکدا اے، جیہڑا راہ ول اشارہ کردا اے، غیب توں ملن والا تے ایس سائنس دے اوکھے راستیاں اْتے ٹرن دے قابل بناؤن والا اے“ (متفرق لکھائیاں، 6:11۔17)۔ کجھ دیر میں پڑھن توں بعد باری وچ جا کے بارش نال بھرے باغ نوں ویکھیا، یسوع دے لفظاں اْتے غور کیتا، ”میں ایس لئی آیا پئی اوہ حیاتی پان تے کثرت نال پان۔“ تے اوتھے میرے اْتے اک لو چمکی جیویں لو وچ یسوع ظاہر ہوون نوں آیا سی، یعنی ہستی دی سچیائی، رب، حیاتی دے نال انسان دی واحدانیت۔ میں پہلی واری مسز ایڈی دے ایس بیان دا مطلب سمجھیا پئی، ”انسان رب دے ہوون دا اظہار اے“ (سائنس تے صحت، 470: 23)،تے ایہہ پئی ایہہ سچیائی عالمگیر مکتی داتا اے، تے ایہدے سامنے غلطی دی ہر صورت غائب ہو جانی چاہیدی اے جیویں ہنیرا لو دے اگے غائب ہوجاندا اے۔

اوس ویلے توں راہ کھل گئی۔ چاروں پاسیوں لوک مدد منگن آئے۔ کجھ جرمن لوکی روسی گلوکارہ دے راہیں آئے، فیر کجھ ناروے دے اوس پادری دے راہیں آئے جنہے کرسچن سائنس دے بارے اک دوسرت دے راہیں جانیا جیہڑا جہاز دا کپتان سی تے امریکہ دا سفر کر رہیا سی۔ ایہہ پادری بیمار سی تے کئی سال تیکر اپنے کم نوں جاری نئیں سی کر پارہیا۔ ڈاکٹر اوہنوں ٹھیک نہ کر سکے۔ اوہدے اک سمندر پار دوست نے کرسچن سائنس تے اوہدے شفا والے کم دے بارے اپنے اوس رشتہ دار توں سنیا جیہڑا امریکہ وچ رہندا سی۔ اوہنے اوہناں نوں پچھیا پئی کوئی شفا دین والا کتھے ملے گا، تے فیر اوہنوں ڈریسڈن وچ میرے ہوون دا پتا چلیا۔ نوجوان پادری نے مینوں دسیا پئی اوہ سب توں پہلاں ایس گل دا پک کرنا چاؤندا سی پئی کیہ ایہہ مسیح دی تعلیم تے شفا ای اے، جے اوہنوں پتا چلیا پئی ہاں ہے اے تے فیر اوہدے چھ ناروے دے دوست وی اوہدے مگر آؤن گے، کیوں جے اوہناں نوں مدد دی بوہت لوڑ سی، پر اوہناں نوں اوس ویلے تیکر نئیں بلائے گا جد تیکر اوہنوں پک نہ ہو جاووے پئی ایہہ مسیح دی تعلیم اے۔ اوہدے نال کم کرنا اک چنگا تجربہ سی، کیوں جے اوہ کلام دے حوالیاں توں واقف سی تے اوہناں نوں پسند کردا سی، تے مسیح نال پیار کردا سی۔ اوہنے بوہت دانشمندی دے سوال پچھے۔ ایہدے نال میں لگاتار مالک تے ساڈی قائد دی تعلیم ول ٹر پیا۔ جلد ای اوہ مطمین ہو گیا تے اوہنے اپنے دوستاں نوں وی گھلیا۔

اوہ وکھرے وکھرے نکے ہوٹلیاں وچ رْکے تے اپنے نال والیاں نوں وی دسیا پئی اوہ کیوں آئے سی، تے اوہناں دے کیساں نوں لوک بوہت دلچسپی نال ویکھن لگے۔ ساریاں نوں شفا ملی تے ایہدے نال ڈریسڈن وچ کرسچن سائنس دی شفائیہ طاقت دی راہ کھل گئی۔ بوہت سارے لوک جنوب ولوں آؤن والے لوکاں دیان گواہیاں دے راہیں آئے۔ باقی دوردور دے علاقیاں وچوں آئے، کوئی اٹلی چوں آیا تے کوئی پرسیہ چوں۔ اوہ ایس لئی آئے پئی اوہناں نے سنیا سی پئی ڈریسڈن وچ کوئی امریکی عورت آئی اے جیہڑے اوسے طراں شفا دیندی اے جیویں مسیح دیندا سی۔ اجیہیاں افواہواں دا پچھا کرنا بوہت اوکھا سی؛ پر جدوں لوڑ بوہتی سی تے کلام پیش کیتا گیا، پر حاصل کرن والیاں نے فوراً عمل کیتا تے مسیح دی شفا نوں جانیا۔

اک انگریزی عورت، جنہے پینشن کنیز وچ میرے کمرے وچ رکھیاں ہوئیاں خدمتاں وچ شرکت کیتی جتھے میں رہندی سی، تے جیہڑی کرسچن سائنس دی اک پرجوش طالب علم بن گئی سی، اوہنے مینوں اوہدے نکے ہوٹل وچ آؤن تے رہن دی دعوت دتی جتھے مینوں وڈھا کمرہ تے بوہتی آزادی مل سکدی سی۔ اوہنے عبادت لئی اپنے ڈرائینگ روم نوں پیش کیتا تے مینوں اک بیٹھک تے سون لئی اک کمرہ دتا جیدی میں اک کمرے دا کرایا دے رہئی سی۔ میں اوہدی پیشکش قبول کیتی تے 1898 دے بہار دے موسم وچ ہی میں ٹر گئی۔میرے بیٹھن والا کمرہ مسز ایڈی دیاں ساریاں کتاباں تے بائبل نال بھریا سی، کرسچن سائنس جرنل تے کرسچن ہفتہ وار پڑھائی دی موجوہ تعداد ہمیشہ توں موجود سی۔ موخر الذکر ہنے شروع ہوئیا سی تے بعد وچ کرسچن سائنس سینٹینل بن گیا۔ ایہہ کمرہ یورپ وچ پہلا کرسچن سائنس پڑھن والا کمرہ بن گیا۔

نوجوان پادری ہیر برون دی گواہی پاروں، مینوں کینسر دے کیس نوں ٹھیک کرن لئی کجھ مہینے بعد ناروے بلایا گیا۔ دو انگریز عورتاں جیہڑیاں میرے نال کرسچن سائنس دیاں طالب علم بنیاں سی۔ عام حالت وچ ایہہ دو دن دا سفر سی، پر ایس واری گہری تْندھ دے پاروں پنج دن چاہیدے سی۔

اک مریض عورت نوں ہسپتال لے جایا گیا سی جتھے ڈاکٹروں کولوں ایس آپریشن لئی دور جانا پیا، کیوں جے بچہ دانی قریباً تباہ ہو گئی سی۔ ناروے دے اک چھوٹے جیہے ماہی گیری پنڈ (ہاگسنڈ) دے چار دوجے بندیاں نے ”مسیح دی شفا“ دے آؤن دی خبر سن کے پچھیا پئی شاید اوہ وی ایس عبادت وچ شامل ہو سکدے نیں۔ چاروں بندے ایس پنڈ وچ میرے رہن دے دوران ٹھیک ہوئے، پر میں دو مہینے تیکر کیسر دے کیس اْتے کم جاری رکھیا۔ نتیجہ پوری شفا دا سی، حالانکہ میں ایس دوران امریکہ ٹر گئی سی۔ پر رب دا کم برائی دے خلاف اک قانون اے بھانویں اوہ دوروں ہووے یا لاگیوں۔ ایہہ شفا یابی پوری طراں دو سال بعد ثابت ہوئی جد پچھلی مریضہ نے پتر جمیا۔ نہ اوہنوں تے نہ اوہدے خانوادے وچوں کسے ہور نوں ناروے دی بولی توں سوا کوئی بولی آؤندی سی، ایس لئی اوہ درسی کتاب نئیں سی پڑھ سکدے تے نہ ای کرسچن سائنس دا کلام سن سکدے سی۔

ایس پنڈ وچ میرے تجربے دا سب توں پاک واقعہ پیش آیا۔ میں اپنے دو سفری ساتھیاں دے نال نوجوان پادری ہیر برون تے اوہدے بھرا جیہڑا اک پھْل ویچن والا سی، اوہدے گھر کھانا کھان لئی گئے سی۔ کھانے دے اخیر اْتے، نکے جیہئے کمرے وچ پرت کے آؤن نال، اسی چار دواری دے آلے دوالے پر جوش لوکاں دا اک جتھا ویکھیا۔ ایس جتھے وچ بس اوہ ای لوک سی جیہڑے انگریزی جان دے سی، اوہ میریاں میزبان تے اجیہیاں عورتاں سی جیہڑیاں اپنے بچپن توں ای سکولاں وچ انگریزی پڑھاؤندیاں سی۔ میں اوہناں دے نال اوہناں دے پہاڑاں دی تعریف کرن توں گل شروع کیتی، تے آکھیا پئی یقیناً اوہناں نوں اجیہے سوہنے ملک وچ خوش مزاج لوک ہونا چاہیدا اے۔ اوہنے جواب دتا پئی اوہ بوہت ای خستہ حال لوک نیں۔تد میں آکھیا میں ویکھ سکدی آں اینج ای اے۔ کیوں جے پہاڑ بوہت اچا سی تے سورج اپنی روشنی نوں بند کر کے گرمی وچ وی زایدہ تر ویلہ سائے وچ رہندا سی تے اوہناں دیاں لمیاں ہنیر سردیاں وچ اضافہ ہوجاندا سی۔ اوہنے جواب دتا ”نئیں اینج نئیں اے۔ ایہہ ساڈا رب اے جیہڑا ساہنوں پرہیز گار بنا دیندا اے، ساڈا رب اے جیدی لعنت خوشی تے امید ورگے سورج دی روشنی نوں دور کر دی اے تے اپنے لوکاں اْتے مصیبتاں تے بیماریاں گھلدی اے۔ میں فوراً جواب دِتا ”نئیں، اجیہیا کوئی رب نئیں اے۔ رب بس خوشی، برکت تے چنگیائی گھلدا اے۔“

میں رب دے بارے گل جاری رکھی جیویں کرسچن سائنس وچ نازل ہوئیا سی، تے دسیا پئی اسی صحت تے حیاتی وچ کیویں ایہدا مظاہرہ کیتا سی۔ مسیح یسوع دے راہیں بکثرت حیاتی۔ مالک دے لفظ، جیویں لوقا وچ درج کیتے گئے نیں، شمال وچ موجود ایس نکے جیہے پھْلاں والے کمرے وچ ایس خزاں دے موسم والی شام وچ پوری طراں ثابت ہوگیا سی: ”فکر نہ کریو پئی اسی کیویں یا کیہ جواب دئیے یا کیہ آکھئیے۔ کیوں جے پاک روح تہانوں اوسے ویلے سکھا دیوے گا پئی کیہ آکھنا چاہیدا اے۔“(لوقا 12: 11۔12)۔ میں اوتھے اجیہیاں سچیائیاں آکھیاں سی جیہڑیاں مینوں پہلاں کدی پتا نئیں سی۔

کجھ چر بعد میری توجہ اجیہے بندے ول ہوئی جیدہ مکھڑا بوہت ذہین لگدا سی اینج لگدا سی جیویں اوہ بولنا چا رہیا سی۔ میں اپنی میزبان نوں پچھیا کیہ ایہہ شریف بندہ کجھ ا ٓکھنا چاہ رہیا اے۔ تے اوہنے جواب دتا ”ایہنوں انگریزی نئیں آؤندی۔“ میں درخواست کیتی پئی ایہنوں پچھو اوہ کیہ کہنا چاہ رہیا اے۔اوہنے اینج ای کیتا، فیر اوہناں دے وچ چنگی گل بات شروع ہوئی، جیدے وچ تن چار بندے ہور شامل ہوئے۔ حیرت والی نظر نال ساڈے میزبان نے آکھیا: ”پر اوہ تہانوں سمجھ گئے نیں۔ اوہ انگریزی دا اک لفظ نئیں جان دے فیر وی اوہ سمجھ گئے نیں پئی تسی رب دے بارے کیہ آکھیا اے۔ سارے خوش ہوگئے تے نیویں سراں نال سارے کھڑے ہو گئے، میرے انگریز ساتھیاں وچوں اک مس بینیڈکٹ بیچ نے عقیدت نال آکھیا، ”کیوں جے ہر کسے نوں ایہہ ای سن دا سی پئی اوہ میری ای بولی بول رہئے نیں۔“ (اعمال 2:6)۔

ایہہ اک شاندار لمحہ سی، تے تی ورھیاں توں بوہتے وقفے بعدوں وی میں ڈر دے احساس دے بغیر ایہدے بارے نئیں سوچ سکدی۔

ایہہ ہفتے دی شام سی تے اگلی صبح میں ہیر برون دے نال اک نکے جۂے پند والے چرچ، لوتھرن وچ گیا۔ جدوں اسی کول اپڑے تے اوہناں لوکاں نے گرجے ول جان والے سرجری وچ کٹے ہوئے پیراں دیاں لکیریاں کھڑیاں کیتیاں تے نیوئیاں سراں نال کھڑے ہو گئے، تے وائٹ ہائیر پادری دروازے اْتے ساڈے آؤن دی اْڈیک کرن لگے، تے میرے تخرکشک نوں آکھیا، ”مہربانی کر کے مسیحی ڈاکٹر نوں آکھو پئی میری بْڈھی ایہناں لوکاں وچوں اک سی جنہاں نے کل رات رب دے بارے جو کجھ سنیا اوہنے مینوں آکے دسیا، تے اسی اوس ویلے توں جاگدے آں، ایسی وڈھی نعمت دی گل کردیاں ہوئے پئی مسیح ایہناں لوکاں نوں شفا دین تے ایہناں نوں تسلی دین لئی دوبارہ آیا اے۔“

ایہدے بعد اسی ڈریسڈن واپس آئے، جتھے بوہت سارے اجیہے لوک سی جیہڑے ٹھیک ہوئے سی۔ ڈرسیڈن وچ پہلیاں ملاقاتاں جنوری 1898 وچ شروع ہوئیاں سی، تے ستمبر وچ اسی جرمن بولی وچ اتوار تے ہفتے دے دن عبادتاں شروع کیتیاں۔ جیہڑے ٹھیک ہو گئے سے اوہ با قاعدگی نال آؤندے سی۔ ایہناں وچوں بوہتے انگریزی جان دے سی تے اوہناں نے درسی کتاب سائنس تے صحت آیتاں دی کنجی دے نال نوں پڑھان شروع کیتا۔ ایس جتھے وچ اک بْڈھی عورت سی جنہے کوڑھ توں شفا پائی سی۔ اک ہور چھاسٹھ سال دی عورت، پیٹ دے السر تے ملحدیت توں ٹھیک ہوئی سی۔ موخر الذکر علاج جسمانی تندرستی نال اتفاق سی۔ اک لمحے وچ ایہدی اک الہامی وجہ نال پوری حیاتی انکار ایسے حتمی تے غیر فطری نال غائب ہوگیا جیویں صبھ نوں سورج دی لو نال رات دے پرچھانویں مک جاندے نیں، تے ایس تبدیلی دے نال ای جسمانی بیماری مک گئی۔ ہر اک نکے جتھے نوں کسی نہ کسی جسمانی تکلیف توں آرام مل گیا سی، تے اوہناں نے خلوص تے خوشی نال سائنس دے وجود نوں سمجھن دی کوشش کیتی، جیدی اوہناں نوں تعلیم دتی گئی سی اوہ مسیح دے آؤن دی اک لمی اْڈیک دی آس سی۔

اک دن اک امریکی عورت نے کرسچن سائنس دے موضوع اْتے لمی گل کرن لئی فون کیتا۔ اوہ اک خود کامل اخلاقیات دی چنگی قسم سی۔ اوہنے آکھیا پئی اوہ پادریاں دی اک لمی لکیر وچوں اے، پئی اوہدے خاندان وچوں چھ تبلیغ کرن والے نیں۔ اوہنے سنیا سی تے پچھیا پئی جیہڑی تعلیم میں دے رہئی سی اوہ کی سی، تے اوہ مینوں دسن آئی سی پئی ایہہ غلط اے تے کسے مسیحی برادری وچ برداشت نئیں کیتی جاووے گی۔ میں چپ کر کے اوہدی گل سنی تے فیر اوہنوں دسیا پئی مینوں ساڈے مکتی داتا مسیح یسو ع دا اختیار حاصل اے تے مینوں اپنا کم جاری رکھنا چاہیدا اے۔ ایہدے بعد اوہ اک ہور امریکی عورت دے کول گئی جیہڑی اک پرجوش مسیحی تے چرچ دی عورت سی، تے اوہدے توں درخواست کیتی پئی اوہدے کول اگلے اتوار آووے، جو کجھ آکھیا گیا سی اوہنے سنے تے فیر میرے نال مقابلہ کرے، میری راہ دی غلطی دس دیاں ہوئے ایہہ ثابت کرے پئی ایہہ کم جاری رکھنا غلط سی۔ اوہ آئے تے عبادت دے اخیر اْتے، جیدے وچ کرسچن سائنس دے سہ ماہی سبق پڑھے گئے سی، ایہہ عورت اپنیاں گلاں توں اپنے اتھروں پونجدیاں ہوئے سامنے آئی تے آکھیا، ”کیہ تسی میرے منڈے نون شفا دے سکدے او؟ کیہ مسیح تہانوں میرے پتر نوں شفا دین لئی فضل دیوے گا؟ اوہ تب دق وچ مبتلا ہسپتال وچ اے۔ ڈاکٹراں نے اوہدا چولہااتران دا آکھیا اے پر اوہناں نے نال آکھیا اے پئی ایہدے نال اوہ کدی ٹھیک نئیں ہو سکے گا، تے بھانویں میں بچپن توں ای اک مسیحی رہئی واں، پر میں کدی وی نئیں سی جانیا پئی مسیح ہلے وی شفا دیندا اے۔ میں سوچدی سی پئی سولی چڑھن نال شفا مْک گئی اے۔

اوہنے آکھیا جے میں اوہدے کول آنواں تے اوہ اوہنوں ہسپتال وچوں کڈھ کے شہر دے اْتلے پہاڑ اْتے کسے تھاں تے لے جاووے گی۔ میں آکھیا میں خوشی نال ایہہ کراں گی۔

منڈا کئی مہینیاں تون کھلو نئیں سی سکدا، تے اوہدی لت پِٹھ دے ہیٹھاں پلاسٹر کاسٹ وچ سی۔ اک نرس اوہنوں اپنے گھر لے گئی تے اوہدی ماں دی درخواست اْتے اوہدا پلاسٹر ہٹا دتا۔ اوہدے جان توں بعد، اوہدی ماں نے اوہدی پٹی تے پلاسٹر لایا جیدے نال لت ودھی ہوئی رہندی سی۔ میں سوموار دی دوپہر نوں اوہناں دے نال شامل ہوئیا، تے بدھ دے دن اوہ باغ وچ ٹرن لگا گیا۔ ہر روز اوہنے اپنی سیر دا فاصلہ ودھایا۔

ایس ہفتے والے دن میں اتوار دی عبادت کرن لئی شہر نوں واپس آئی۔ اتوار دی صبح اوہ عورت جیہڑی عبادت ختم کر ن دے اک ہفتے بعد اوتھے اپڑی سی، دوبارہ ایہدے وچ شامل ہوئی، ایس واری اپنے پتر دے نال، جیہڑا اک نکی جیہی سوٹی نال ٹردا سی۔ اگلے ہفتے دے دوران، اوہناں نے آرٹ گیلریاں تے پارکاں دا دورہ کیتا، تے ویلے دے اخیر اْتے گھر نوں ٹر پئے۔ اوہناں نے مینوں جہاز وچوں اک کین گھلیا، کیوں جے ہْن اوہدا علاج پورا ہو گیا سی۔ ”بے شک انسان دا غضب تیری ستائش دا باعث ہووے گا۔“ (زبور 76: 10)۔

تے اینج کم جاری رہیا، رب دا کلام طاقت نال لوکاں وچ نکلدا رہیا تے لو پھیلاندا سی جیویں سورج ہْندا اے۔

میں اک سال انگریز عورت دے گھر رہیا۔ پولوس دے تجربے وانگر سی، کیوں جے اوہ انگلینڈ دے اک وڈھے گھرانے وچ اک ممبر سی، اوہدی ماں پورٹ لینڈ دے ڈیوک دی دھِی سی، جد کے اوہدے چاچے مامے چانسلر سی۔

شروعاتی موسم وچ میری ملاقات ناروے دے سمندی کپتان دی بْڈھی نے کیتی جنہے ایس نوجوان پادری نوں علاج لئی گھلیا سی۔ اوہ مینوں ایہناں دے نال جہاز اْتے مہمان دے طور تے امریکہ جان لئی دعوت دین آئی سی، اوہناں دی پہلی تکلیف دہ داخلی پریشانی دے افسر نوں ٹھیک کرن لئی جو کہ ایہناں دے ڈاکٹر نے آکھیا سیپئی سرجیکل اپریشن دی لوڑ اے۔ اوہنے آکھیا پئی ایس جہاز وچ اوہدا چھیواں سال سی تے موجودہ سال اوہدا سٹیبیٹل سال ہووے گا، تے ایہہ پئی اوہدا نکا خانوادہ گھر وچ مل کے اک سال توں اْڈیک وچ سی۔ فیر وی، جے ہن اوہنوں کسے ہسپتال جانا پیندا اے تے ایہہ سٹیبیٹل سال ضائع ہوجاوے گا، تے کیوں جے اوہ کسے وی اپریشن توں بوہت ڈریا سی، ایس لئی اوہناں نوں خدشہ سی پئی اوہ اپنی جان نہ گوا بیٹھے۔اوہنے آکھیا پئی اوہ تے اہدا بندہ وی چاہندے نیں پئی میں اوہناں نوں درسی کتاب نوں سمجھن دی تعلیم دیواں، تے اپنے تے انسانیت دے فائدے لئی کرسچن سائنس نوں ورتاں۔

ایہہ اک تجارتی جہاز سی، تے اوہنے سامان لے کے نیویارک جانا سی، جتھے اوہ دو یا تن ہفتیاں تیکر رہن گے، تے فیر جرمنی پرت کے آؤن گے۔ ایہدے نال مینوں اپنے دوستاں نوں ویکھن تے مدر چرچ جان تے فیر اپنے کم اْتے جلدی پرت کے آؤن لئی ویلہ ملے گا۔ تے کیوں جے ایتھے دو عورتاں سی جیہڑیاں خدمت کر سکدیاں سی، تے جیویں مدر چرچ دے دورے توں پتا چلنا سی، تے میرے اوس استاد نوں ملنا سی جیدے نال میں مختلف مرحلیاں والے کم دے بارے گل کرنا چاؤندا سی، تے میں ایس دعوت نوں قبول کر لیا۔

اسی ناروے توں واپسی دے فوراً بعد اکتوبر دے شروع وچ ہمبرگ توں نکلے۔ ایس سفر وچ پندرہ لگے تے جدوں میں اک صبح سویرے جاگیا تے مینوں جہاز اک سوپنی بندر گاہ اْتے لگیا ملیا، پر ایہہ نیو یارک نئیں سی۔ ایس توں بعد کپتان نے مینوں اطلاع دتی پئی اسی جرمنی توں سفر کر کے آئے آں، اوہناں نے اپنے جہاز رانی سے حکم کھول دتے تے پتا کیتا پئی واسکاٹیا وچ واقع بندر گاہ ہیلی فیکس تے اپڑے آں۔ تے ایتھوں اگے اوہ جہاز نوں جنوبی بندرگاہ ول لے جانا چاؤندا سی تے فیر اوہ بوہت مہینے تیکر یورپ واپس نئیں آیا۔ سفر دے دوران اوہنے مینوں ایس بارے کجھ نئیں سی دسیا، کیوں جے مینوں واپس آن وچ بوہت دیر ہو گئی سی تے اوہنوں خدشہ سی پئی مینوں ایہدے نال تکلیف ہووے گی۔ اوہنے مینوں آکھیا جیس رب دی میں پوجا کردی آں اوہدے وچوں کوئی چنگی شے نکلے گی۔ مینوں ایہدے اْتے کوئی شک نئیں سی تے رب دے بارے پائے جان والے اوہناں دے نویں علم وچ اوہناں نوں خوشی ہوئی، تے اپنے افسر دی صحت یابی اْتے خوشی ہوئی، جنہے وی ایہہ سب کجھ ویکھیا اوہنے ایس اصلیت نوں اپنے گھر تیکر اپڑایا۔

ایہہ نیویارک دا ٹرین دے راہیں چوَوی گھنٹیاں دا سفر سی، میں اتوار دی صبح اپنے گھر والے گرجے وچ عبادت لئی وڑھی۔ عبادت دے فوراً بعد ای میں اپنے استاد نوں لبھیا تے اوہنوں آکھیا مینوں نئیں پتا پئی رب مینوں اوتھے کیوں لیایا اے، پر جہاز واپس نئیں آرہیا اے، ایس لئی مینوں کجھ کرنا پووے گا۔ جد میں حالات دی وضاحت کیتی تے اوہنے مینوں دسیا پئی اوہ مسز ایڈی دے کالج وچوں لنگن لئی مینوں اوتھے لیایا سی۔

میٹافزیکل کالج بوہت پہلاں ای بند ہوگیا سی، تے میں ایہہ نئیں سنیا سی پئی مسز ایڈی نے ایہنوں دوبارہ کھول لیا سی تے ایہدے کم دی نگرانی سنبھالن لئی بورڈ آف ایجوکیشن بنایا سی، تے ایہہ پئی کجھ مہینیاں تیکر پہلی کلاس وی پڑھانی سی۔ مدر چرچ دے اک کلرک نے مینوں اک درخواست گھلی، جیدے اْتے میں دستخط کیتے۔ مینوں جلد ای بورڈ آف ایجوکیشن ولوں شگرد دے طور تے قبولیت دا نوٹس ملیا۔ جد میں پرائمری کلاس وچ داخلہ لیا تے مینوں کرسچن سائنس دا بوہت گھٹ علم سی، پر ایس تعلیم نے مینوں اصلی کم دا واضح انداہ نئیں دتا۔ میں اوس ویلے بس کجھ دن تیکر ای درسی کتاب دی ملکیت پائی سی، تے ایہنوں پڑھیا نئیں سی، ایس لئی میں کلاس وچ کیتے گئے ایہدے سوالاں نوں سمجھن دے قابل نئیں سی، جرمنی وچ میں سال دے دوران کئی واری ایہہ کتاب پڑھی تے دعا دے نال ایہدی پڑھائی کیتی تے نال متفرق لکھائیاں وی، ایس کتاب نے مینوں ایس سال استاد دی حیثیت دِتی۔ ایس لئی مسز ایڈی دی نگرانی وچ پوری تعلیم دین دا وعدہ تابکاری دا دخش سی، تے میں اپنا پورا ویلہ ایس نعمت لئی دعا دی تیاری وچ لایا۔

کلاس ملن توں کجھ ہفتے پہلاں، مسز ایڈی دے راہیں اک ضمنی قانون شائع ہوئیا جیدے وچ کرسچن سائنس سینٹینل وچ لکھیا گیا سی پئی ایس کلاس وچ کوئی وی داخل نئیں ہووے گا جنہے پچھلے تن ورھیاں توں کرسچن سائنس اْتے عمل نہ کیتا ہووے۔ جد میں کرسچن سائنس دے بارے پہلی واری سنیا سی تے ایہنوں صرف دو ورھے ہوئے سی، تے فیر اک ورھے بعد میں ایہدی مشق کرنا شروع کیتی۔ میری استانی نے مینوں اپنے کول بلایا تے آکھیا پئی ضمنی قانون نے مینوں روک دتا اے، تے مینوں بورڈ آف ایجوکیشن نوں لکھ کے ایہہ دسنا پووے گا۔ میں جواب دتا پئی میں ایہہ نئیں کر سکدی، کیوں جے اوہنے مینوں دسیا سی پئی رب مینوں ایتھے ایس کلاس لئی لیایا سی، تے جے ایہہ سچ ہْندا تے اک ضمنی قانون نوں وی مینوں باہر نئیں کڈھ سکدا سی، تے جے ایہہ سچ نہ ہْندا تے میں کجھ نئیں کر سکدی سی۔ مینوں ایہدے وچ شامل کرو؛ پر جے ضمنی قانون نے میرے اْتے پابندی لا دتی تے فیر، ایہہ اوہناں لوکاں لئی سی جنہاں نے مینوں قبول کیتاتے اوہ مینوں اطلاع دیندے۔ میں اپنے آپ ایہہ بوہا نئیں بند کرسکدی سی۔ اوہ ایہنوں نئیں سی من دی، پر میں ایہنی عادی ہو گئی سی پئی ہر سمت لئی رب اْتے پورا انحصار کردی سی پئی مینوں کوئی پریشانی نئیں سی۔ مینوں بورڈ آف ایجوکیشن ولوں کوئی لفظ نئیں ملیا، تے جدوں ویلہ آیا تے میں بوسٹن گئی تے اپنے آپ نوں چرچ وچ پیش کیتا تے بغیر کسے سوال توں مینوں کلاس وچ لے جایا گیا۔

فیر مینوں ایہناں شاندار ہفتیاں دے بارے پتا چلیا۔پہلے لمحے ای کرسچن سائنس دا مضمون منظم تے واضح طور تے کھلیا۔ مدت دے اخیر اْتے میں محسوس کیتا پئی میں خدا دے بالکل تخت اْتے کھڑی آں تے رب دی آواز سن دی آں، ”ایہہ میرا پیارا پتر اے جیدے توں میں خوش آں۔“ (متی 3:17) ایس تعلیم توں حٓصل ہوون والی برکت نے میری سمجھ نوں کھول دتا تے میرے لئی اک الٰہی حکم بن گئی پئی میں اگے ودھ کے رب سے ایس تحفے نوں دوجیاں تیکر اپڑا دیواں۔ جگ دے ایس وڈھے رسول ایڈورڈ اے کبال دی الہامی تعلیم اْتے قرض دین والے، ایس کلاس تے دوجے بوہت سارے لوکاں نوں پڑھان والے ایس شکریہ دے قرض دا کوئی لفظ ظاہر نئیں کر سکے۔ اوہناں نے خدائی پیار دی ساری فراغت تے طاقت نوں ایہناں واضح کر دتا پئی ایہدے طلاب علم ایہدی شفا تے مکتی دی طاقت نوں ویکھن وچ ناکام نئیں ہو سکدے۔

مینوں بعد وچ پتا چلیا پئی جدوں بورڈ دے ممبراں نوں پتہ چلیا پئی نواں ضمنی قانون میرے اْتے پابندی لاندا اے تے مسٹر کمبال، استاد نے مسز ایڈی نوں ایہہ آکھدیاں ہوئے لکھیا پئی اوہناں نے مینوں قبول کر لیا اے، تے ایسی پْچھدے آں پئی کیہ کیتا جانا چاہیدا اے۔ اوہنے جواب دتا، ”ایس مثال وچ اک استثنا دیوو تے اوہنوں کلاس وچ داخل کرو۔ تے فیر اوہنے اپنے مظاہرے نال کھلون تے ڈگن دیوو۔“ ایہہ میرے لئی بعد وچ اک بوہت وڈھی نعمت بنی کیوں جے اوہنے میرے لئی اک معیار بنایا۔ کئی واری جد اوکھلاں پیدا ہوئیان تے غلطی سرگوشیاں کردی پئی میں ایس حالت دا مقابلہ نئیں کر سکدی تے مینوں بوہت پتا نئیں سی تے ایہہ بوہت چنگا نئیں سی، تے میرے قائد دیاں گلاں میرے کول آن گیئاں تے ایہہ خیال آیا پئی میں مظاہرے دے راہیں ہن تیکر کھلوتا واں تے ہن ایہہ ناکام نئیں ہووے گا۔ تد میں بے خوف ہو کے اگے ودھ جاندی۔

ایس کلاس وچ اک سو اسیسی سی، تے اک کیس نوں پڑھان لئی سرٹیفکیٹ دتے گئے سی۔ میں کسے نوں وی پان دے بارے نئیں سوچیا سی، میری کلی امید اے بیماراں نوں کیویں ٹھیک کیتا گیا ایہدے بارے ہور معلومات لئی جاووے۔ پر میری حیرانگی دے پاروں بورڈ نے مینوں پڑھان لئی اک سرٹیفکیٹ دتا، تے مینوں جرمن ملک دے دارلحکومت برلن نوں جان تے اوتھے کرسنچ سائنس قائم کرن دی درخواست دتی۔

کلاس دا کم پورا ہوون توں بعد، میں ڈریسڈن واپس آگئی، جتھے میں گرمیاں مکن تیکر کم کردی رہئی۔ میں ایس شہر وچ پنج چیلیاں دی اک کلاس بنائی، جنہاں وچوں تن ساڈے عزیز مقصد وچ کارکن بن گئے، تے تی ورھیاں توں وی بوہتا ویلہ لنگن دے بعد او سرگرم،سچے تے نتیجہ خیز رسول نیں۔

چوتھا باب

1899دے موسم دے دوران میں برلن گئی تے مینوں اک مناسب اپارٹمنٹ ملیا جیدے وچ میں رہن لگ گئی، ایہنوں دو سال دی لیز تے دے دتا۔میں مالک نوں ایہہ دسناں عقلمندی سمجھدی آں پئی میں ایہنوں حیاتی دے مقصداں دے علاوہ کسی ہور شے لئی ورتاں گی، تے ایس لیز وچ اجازت ملی اے، میں اوہنوں دسیا پئی میں بائبل دے سبق سکھاؤن دے مقصد نال ملاقاتاں کراں گی۔ اوہناں نے کدی وی کرسچن سائنس دے بارے نئیں سنیا سی، تے ایہہ دسن دا ایہہ عقلمند طریقہ سی۔ اوہناں نے پچھیا پئی ایہناں جلسیاں وچ کنہے لوک شامل ہون گے، تے جیویں کہ میں ترقی دی تیاری کرنا چاؤندی سی، میں اوہنے دسیا پئی لیز مکن توں پہلے پچی یا پنجاہ ہو سکدے نیں۔ ایہدے نال ایہہ پتا چلیا پئی میں سچیائی دی طاقت نوں اپنے وال لیان دے بارے کنہاں گھٹ جان دی آں، کیوں جے شروع دے چھ مہینیاں وچ اک سو وی توں زیادہ جلسیاں وچ شامل سی۔ جدوں روحانی ذریعاں نال بیمار مندمل ہو جاندے نیں تے لوکاں نوں دور رکھنا ناممکن ہْندا اے۔

ڈریسڈن وچ میری چنگی میزبان دی اک بہن، اک انگریزی عورت، مس ایمی بینیڈکٹ بیچ، میرے نال برلن آئی تے اوتھے آباد ہوون وچ میری مدد کیتی۔ لوکاں وچ کم کرن لئی میرے کول پیسے نئیں سی، تے اسی دو عورتاں اتوار دی صبح قریباً سویر تیکر کم کردیاں، چرچ دے کمرے وچ فرنیچر دا بندوبست کردیاں، پردے لاؤندیاں، تے صبح دی عبادت نوں بوہت سوہنا بناؤندیاں سی۔

اکتوبر، 1899 وچ پہلے اتوار اسی اپنی پہلی عبادت کیتی، جماعت وچ اٹھ بندے شامل ہوئے۔ جرمنی دی اک عورت، فریولین جوہانا برونو، اک کولوراڈو دے ڈینور دی کرسچن سائنس دی طالب علم تے اوہدی کْڑی، جیہڑی گانے دی تعلیم لے رہئی سی۔ اوہنے امریکہ وچ اپنی دھِی دے راہیں میرے آؤن دے بارے سنیا، تے ڈریسڈن وچ مینوں ایہہ پْچھن لئی لکھیا پئی عبادتان کتھے تے کدوں کیتیاں جاندیاں نیں۔ شکاگو دا اک نوجوان مْنڈا سی جیہڑا گانے دی تعلیم لے رہیا سی، جیدے گھر والیاں نے اوہنے میرا پتا دِتا سی، اوہنے میرے نال گل بات کرن تے عبادتاں دے کھْلن تے اپنے حاضر ہوون دا آکھیا سی۔ اوہ اپنے نال اک یا دو عورتاں نوں لے کے آیا جیہڑیاں موسیقی دیاں طالب علم سی، تے اک جرمن امریکی بندہ تے اوہدی گھر والی وی سی جیہڑی ایس گھر وچ ڈینور لیڈی دے نال رہندی سی تے اوہ ایہنوں نال لے کے آئے سی۔

شروعاتی عبادت دے بعد سوموار دی صبح نوں شفا لئی پہلی کال آئی۔ مریض اک جرمن عورت سی جیہڑی پندرہ ورھیاں توں بیمار سی۔ جیس بندے نے مینوں کیس دے بارے دسیا اوہ کرسچن سائنس اْتے یقین نئیں سی رکھدا، تے اوہنے مینوں بعد وچ دسیا پئی اوہنے مینوں شرمندہ کرن تے کرسچن سائنس نوں غلط ثابت کرن دی امید نال اجیہیا کیس لین نوں آکھیا سی۔ اوہ میرے نال مریض دے گھر گئی تے اوہنے مینوں ایہدی حالت دے بارے کجھ دسیا، پر میں بعد وچ پوری تفصیل نئیں سنی۔ ایہہ کیس صحت دی طاقت دا اجیہیا شاندار مظاہرہ سی پئی میں ایہنوں پورا کراں گی۔

اوہ عورت اک کنسرٹ والی گولکارہ رہی سی تے پہلے بادشاہ دے گھر والی، ایمپریس آگسٹا دی پسندیدہ سی۔ جد اوہ ڈاکٹر کورمیٹک گاؤٹ اکھوان وچ مبتلا ہوون لگی، تے اوہدے کول مہارانی دے اپنے ڈاکٹر سی، جیہڑے شاید ملک وچ سب توں چنگے سی، پر ڈاکٹراں دیاں کوششاں تے اپنے دوستاں دیاں دعانواں دے باوجود اوہدی بیماری لگاتار وگڑدی گئی۔ مہارانی نے دوجے ملکاں دے ڈاکٹراں نوں بلایا، پر ایہدے نال وی کوئی فائدہ نہ ہوئیا تے پنجویں ورھے دے اخیر اْتے اپنیاں دوجیاں پریشانیاں دے علاوہ اوہ انھی ہو گئی سی۔ گاؤٹ نے تشدد وچ اضافہ کیتا، تے پیڑ ایہنی زیادہ سی پئی ڈاکٹراں نے ایہنوں مارفین دے دِتا تاں جو اوہ ایہنوں برداشت کر سکے۔ جد میں اوہنوں ملی تے اوہ کئی ورھیان توں مارفین دے اثر توں آزاد نئیں سی ہوئی، پر ایہنوں لگاتار ایہہ نشہ دِتا جا رہیا سی۔ اوہنے ایہنوں ہور تکلیف توں آزاد نہ کیتا بلکہ بس ایہدے اْتے قابو پایا۔ ایہدی نشے دی طلب ایہنی ودھ گئی سی پئی ڈاکٹراں نے ایہنوں ایہدی اجازت دینا ضروری سمجھیا، تکلیف ایہنی زیادہ سی پئی ایس طمع توں انکار کرنا ایہناں نوں غیر انسانی لگدا سی۔

مینوں تکلیف یا نشے دے بارے کجھ نئیں دسیا گیا، تے ایہہ کجھ ہفتیاں بعدوں، جد اک دوست، جیہڑا جرمن بولی جان دا سی، ایہنوں ملن گیا، مریض دی دھِی نے اوہدے نال ایہناں گلاں دا ذکر کیتا، تے اوہنے آکھیا پئی پہلاں منشیات دے نال ای علاج ہوئیا تے ایہہ ٹھیک ہورہیا سی۔ انھا پن وی تھوڑی دیر بعد مک گیا، تے سارے مرحلیاں اْتے ترقی ہْندی گئی۔کئی ورھیاں تیکر اوہ صرف اوہ ای چادر لیندی سی جیہڑی وچھائی ہوئی سی۔ ڈاکٹراں نے آکھیا سی پئی ایہدے سارے جوڑ اپنی تھاں توں ہل گئے سی تے چاک نال بھرے ہوئے سی، ایس لئی اوہدے بدن وچوں کسے وی شے نوں بدلنا بوہت اذیت ناک ہووے گا۔ تھوڑی دیر وچ ایہدے اْتے قابو پا لیا گیا، تاں جو اوہ پہیاں والی کرسی اْتے بیٹھ سکے تے آسانی نال چکی جا سکے تے کجھ ہفتیاں بعد اپنے آپ ایہہ سب کر سکے۔ ایہنوں کرسچن سائنس ہیمنال دتا گیا سی، تے ایہناں دی دھی، جیہڑی تھوڑی انگریزی جان دی سی، اوہنوں مسز ایڈی دا بھجن پڑھنا سکھایا گیا سی۔ اوہنے اپنا کردار ادا کیتا، تے اسی اوہنوں بار بار گانا تے جلد ای ماں نوں لفظ تے ایہناں دے کجھ مطلب سکھائے۔ تے ہزاراں لوکاں دی توجہ لین والی آواز پہلی واری بے ہوش تے بالاں وانگر سنائی دین لگی، پر ہولی ہولی طاقت تے مٹھاس جمع ہوئی، اوہدا مکھڑا خوشی نال چمکدا سی تے اوہنے ایہناں پاک گیتاں وچ محبت دا اظہار پایا۔جد میں ایہناں نوں ملدی سی تے اسی تنوں ایہدے گیت گاؤندیاں سی۔ سچ مچ ایہہ اک پاک تجربہ سی۔

نویں سال دے دن، ایس عورت فاروبورس نے اپنے گھر وچ پتھر دیاں سیڑھیاں دیاں دو پراوازاں چلائیاں، پورے شہر وچ کئی میل دی مسافت طے کیتی، تے اپنے گھر دیاں دو سیڑیاں چڑھ کے اپنی پہلی کرسچن سائنس دی عبادت وچ حاضر ہوئی۔ ایہدے فوراً بعد شفا یابی دا کم مک گیا تے اوہ اپنے کماں وچ لگ گئی، جیہڑی کرسچن سائنس دی اک مفید طاقت دی زندہ مثال اے۔

ایس علاج نے بوہت توجہ مبذول کرائی، تے لوک ایہدے پاروں دوروں دوروں آئے سی۔ اک خاص گل ایہہ سی پئی اوہناں نے کدی نئیں آکھیا پئی اوہ علاج کروان آئے نیں۔ اوہناں ہمیشہ آکھیا پئی اوہ مسیح دی شفا یابی وچوں شفا پان آئے نیں۔ مسیح اْتے آس تے یقین دی ایس حالت نے شفا نوں آسان تے فطری بنادتا۔

ایس شفا یابی دی خبر دے پاروں، متلاشی امپیریل کورٹ چوں ہور عاجزانہ حایتی نال، وڈھے شہراں، چھوٹے شہراں تے پنڈاں وچوں ایتھے تیکر پئی سمندر دے دور دور دے جزیریاں وچوں وی آئے۔اک بندہ جیہڑا شمالی بحر توں آیا سی اوہ آئل آف روگن وچ منشیات ویچدا سی۔ اوہنے اپنے سٹور دا سامان خریدن لئی سفر کیتا سی۔ اوہنے نشہ ویچن والے نوں دسیا پئی جیدے نال اوہ اپنی بْڈھی دا کاروبار کر رہیا اے، جیہڑا ناجائز سی تے کئی ورھیاں توں لاچار سی اوہدا کا نکا اپاہج مْنڈا سی۔ نشہ ویچن والے نے اوہنوں حیران کرن والے شفا دے کم والے واقعے دے بارے دسیا تے اوہنوں ٹھیک ہوون والی عورت دے گھر گھلیا، جنہے اوہنوں میرا پتا دتا۔ اوہنے ایہنوں دسیا پئی ایہہ رب دا کم اے، تے اوہدی بْڈھی تے بچے تے باقی سارے وی ٹھیک ہو سکدے نیں۔

ایس نشہ ویچن والے نوں دسیا گیا سی پئی اوہ ہر روز اپنی بْڈھی نوں نال لے کے پہال زبور پڑھدا سی، تے اوہنے آکھیا پئی جے ہو سکے تے ایہنوں حفظ کر لو تے اپنے ساتھی وانگر ایہنوں نال رکھو۔ ایہہ کم غیر حاضر رہیا تے کجھ ہفتیاں بعد ایہہ لفظ آیا پئی بْڈھی پوری طراں ٹھیک ہوگئی اے تے نکا مْنڈا آزاد اے۔ خانوادہ خوشگوار سی، ایہہ جان کے پئی رب نے اوہناں نوں شفا دتی اے تے اپنی موجوگی دے ایس نویں انکشاف دے راہیں اوہناں نوں برکت دتی اے۔

ایس ویلے جرمن بولی والا کوئی کرسچن سائنس وچ نئیں سی، ایس لئی سچیائی بس لفظی گلاں نال دتی جا سکتی سی، کجھ آسان باین دیندے سی تے مالک مسیح یسوع دے لفظ تے کم ول اویہدی نشاندہی کردے سی۔ میں ایہناں دے نال بوہت گھٹ گل کر سکد سی تے مینوں احساس ہوئیا پئی بس رب ای ایہناں دے شعور نوں روشن کر سکدا اے، ایس لئی ہمیشہ کوشش کیتی پئی اپنے آپ نوں ایہناں دی راہ توں دور رکھاں۔

علاج لئی آؤن والے کئی لوکاں نوں انگریزی نئیں سی آؤندی، تے کیوں جے اوہناں دی بولی دے بارے میرا علم بوہت محدود سی، ایس لئی ذاتی رابطہ بوہت گھٹ سی۔صرف ایس عقل نے ایس اصلیت نوں ثابت کیتا سی پئی صحت مند ہون والیاں وچوں اکثریت نے ایہہ منیا سی پئی رب دی قدرت نے ای اوہناں نوں شفا دتی اے، تے ایسے محبت نے اوہناں نوں صحت یاب کرن والے بوہت سارے خدشیاں نوں مکا دتا سی جنہاں توں پتا چلدا سی پئی ایہناں دی حیاتی ہنیر ہوگئی اے۔ اوہناں نے پورے طور تے ایہہ یقین کیتا پئی رب نے اک قاصد نوں ساریاں مصیبتاں نوں دور کرن لئی گھلیا سی تے اوہ اوہناں نوں پیو وانگر پیار کر دا سی۔

ایہہ عبادتاں اتوار دے دن انگریزی وچ تے اک ہفتے دے دن اسی گھنٹیاں وچ امریکہ وچ کیتیاں گئیاں۔ جرمنی دیاں عبادتاں اتوار دے دن صبح دس وجے تے شام تے ویلے چھ وجے ہْندیاں سی۔ برلن وچ میری پہلی جرمن طالب علم، فریولین جوہانابرونو نے اتوار دے سبقاں دا ترجمہ کیتا، تے میں تے ایہنے ایہہ پڑھے۔ میں ہر ہفتے کئی گھنٹیاں تیکر ایہدے نال مشق کردی سی۔ انگریزی سبق دی مستقل دعا تے ایہدی پاک پڑھائی دے راہیں، ایہدی کوچنگ دے علاوہ، میں جلد ای ترجمہ کیتا ہوئے لفظ نوں سمجھن تے اوہنوں پڑھن وچ کامیاب ہوگئی تاں جو ایہہ نہ صرف لوکاں لئی اطلیمان بخش رہووے بلکہ ایہدے نال بوہتے لوکی شفا یاب ہوون۔ ایہہ صاف ستھرا مظاہرہ سی، کیوں جے میں کدی جرمن بولی دی پڑھائی نئیں سی کیتی، ایس لئی مینوں اپنا سارا ویلہ کرسچن سائنس دی پڑھائی تے شفا دین دے کم ول دینا پیندا سی۔

جرمن وچ درمیانی ہفتے دے جلسیاں وچ، جدوں اوہ نکا سی، پنجاہ ورھیاں توں گھٹ عمر دا، اسی آؤن والیاں نوں جنہیاں وی کاپیاں دتیاں، سائنس تے صحت آیتاں دی کنجی دے نال دیاں، جیویں کہ اوہ ساڈے کول ہے سی۔ تے اوہ اپنے ااپ نوں اک دوجے نال جوڑن گے تے ڈیسک ولوں پڑھن دی امید کرن گے۔میں انگریزی وچ درسی کتاب دا اک پیرا پڑھدی آں۔ تد دوجا قاری جرمن وچ اک ترجمہ پڑھدا سی۔ فیر اسی ایہدے اْتے دوبارہ جانواں گے، ایس واری ایہنوں جملے وچ انگریری وچ تے فیر جرمن وچ لے کے جانواں گے، تاں جو اوہ ایہدے توں واقف ہون۔ بوہت سارے جرمن لوک جیہڑے سچیائی دے نال بوہت دلچسپی دے طالب سی، اوہناں نے بوہت گھٹ جرمن انگریزی لغت خریدی تے اوہدے نال درسی کتاب دی پڑھائی کیتی۔ اک بندہ، اک کتابی، جیدے کاروبار دا ویلہ صبح ست وجے توں شام نو وجے تیکر سی، ہر صبح چار وجے اپنی تعلیم شروع کردا سی۔اک لغت دی مدد نال اوہنے اک سال وچ کتاب دی پڑھائی کیتی۔ ایہہ واقعی اور خواہش سی جیہڑی دعا اے تے ایہدا اپنا جواب وی شامل اے۔ اوس بندے نے طاقت نال حس نوں حاصل کیتا، تے ایہدے باوجود مضبوط طبقاتی خطوط جیہڑے ایہنوں دب کے بیٹھے سی، اوہ روح دے زور نال اْٹھ کھلوئیا تے اک عمدہ کارکن تے اپنی قوم لئی سچیائی دا پیامبر بن گیا۔

ایس شفا یابی دا اک کیس اک عورت دا سی جیہڑی پوری انھی سی۔ اوہ چونٹھ ورھیاں دی سی تے ایہہ من دی سی پئی اوہ ایس دور تیکر اپڑی اے جد حیاتی تے امیداں اوہدے مگر سی۔یسوع نے جیس عورت نوں شفا دتی سی اوہدے وانگر،اوہنے وی ”بوہت سارے ڈاکٹراں دیاں بوہت گلاں دا سامنا کیتا سی“، تے اخیریں اوہنے دسیا گیا پئی اوہندی نظر ٹھیک ہون دا کوئی امکا ن نئیں کیوں جے آپٹک اعصاب نوں نقصان اپڑیا سی۔ شفا یابی دا ایہہ کیس ایس نتیجے اْتے ثابت ہوئیا پئی غلطی روحانی شعور دی موجودگی وچ نئیں کھلو سکدی، پئی میں ایہہ گل ایتھے دس دینا واں پئی جیہڑا وی پڑھ دا اے اوہ ایس کیفیت نوں جان سکدا اے جیہڑی ساہنوں سائنسی تے فوری ٹھیک کرن دے قابل بنئے گی، جیویں مسیح یسوع تے میری بیکر ایڈی نے کیتا۔

میں ہر روز بوہت سارے گھنٹے بوہت مصروف رہندی سی جد کہ میں کجھ کتاباں پڑھ کے اتوار دے سبقاں دی پڑھائی کیتی سی، اپنے ااپ نوں گوانا تے مشق تے چرچ دے مسئلیاں نوں چھڈنا بوہت اوکھاسی۔ میری سوچ نوں تازہ کرن لئی اک پہاڑ دی جیویں پئی گلیل دی پہاڑیاں اْتے مالک سی۔ اک ویلے وچ، میرے اندر بانجھ پن دا احساس جمیا، تے روحانی پْکھ دے نال جیہڑی بس سچیائی دے ڈونگے مسودیاں تے رب دے بال شعور دی گل بات نال ای سکون دین والی ہو سکدی اے۔

میں صبح دے ویلے مریضاں نوں ویکھن دے بعد اک دن چپ رہن دا بندوبست کیتا۔ دوپہر توں پہلاں مینوں کسے دے نال گل کرن لئی بوہے اْتے بلایا گیا، تے اوتھے اک اجیہی عورت ملی جنہے مینوں آکھیا پئی ایہدی ماں نے اپنیاں اکھیاں دی تکلیف سہی سی، تے اوہنوں دسیا گیا پئی جے اوہ اپنی ماں نوں میرے کول لے آووے تے میں اوہنوں شفا دیواں گی۔ میں مختصر طور تے اوہنوں آکھیا پئی اگلے دن اپنی ماں نوں لے آ۔

ادھی رات تیکر ساری دوپہر تے شام تیکر میریاں کتاباں، بائبل، سائنس تے صحت، متفرق لکھائیاں دے نال لنگ دے سی۔ میں پڑھ کے غور کیتا۔ میں سوچ وچ یسوع دے نال ٹردی سی تے اوہدی تعلیم مینوں موصول ہوئی۔ میں کسے حد تیکر مسز ایڈی دی تعلیم دے جذبے وچ وڑھ کے ویکھیا تے رب دی موجودگی توں واقف ہو کے صبح نوں سوں گئی، تے ایسے افزودہ سوچ نال جاگی۔

ناشتے دے بعد میں باورچی خانے وچ پھْلاں دا بندوبست کرن لئی اندر گئی۔ بوہے دی گھنٹی وجی، تے نوکرانی بوہے تیکر گئی۔ ایہدی بجائے پئی اوہ حوصلہ افزائی کرے اوہ مینوں دسن لگی، پر میں اوہنوں چپ رہن نوں آکھیا تے اپنی سوچ جاری رکھی۔ فیع میں کجھ پھْل کڈھ کے کمرے وچ رکھے۔ جدوں میں بوہا کھولیا تے اوتھے دو عورتاں سی، اک اوہ جیہڑی پہلے دن آئی سی، تے اک سوہنے چِٹے والاں والی سی۔ چھوٹی نے مینوں دسیا پئی ایہہ اوہدی ماں اے تے اوہ انھی سی، تے ماں ایس بیان اْتے گونج اْٹھی۔

ایس صلاح نے اک لمحے میری سوچ نوں وی داخل نہ کیتا۔ فورا ً ای ایہہ خیال آیا، ”نہیں، ر ب دی پوری کائنات وچ نئیں۔“ ماں نے کجھ دیر گل کیتی تے میں تْپ وچ ٹر گئی، میں خدائی محبت وچ خوش، تے اوہنوں کوئی ہوش نئیں سی پئی کیہ آکھ رہئی اے۔ جد اوہ رک گئی تے میں اوہدے پیراں تیکر اوہدی مدد کرن لئی اوہدے ہتھ پھڑے تے اوہنوں دسیا پئی شاید اوہ ٹر لوے گی۔ اوہناں نے آکھیا پئی جے رب نے اوہدی دھِی ول اک نظر ویکھ لیا تے اوہ مرن تے راضی ہو جاووے گی۔ میں جواب دتا رب ایہنوں اپنی دھی نوں ویکھن تے جیوندے رہن دینا چاؤند ااے۔ ایس توں بعد میں اوہناں نوں صبح بخیر دی دعو دتی تے کمرے وچوں باہر ٹر گئی، تے اگلی صبح تیکر دوبارہ اوہناں نوں نہ ملن دا سوچیا جد میں اپنی پڑھائی وچ دن نوں شروع کرن لئی داخلہ لیاسی۔ میں اوتھے ماں نوں ویکھیا خوشی دے نال تے جد میں اوہنوں پچھیا پئی کیہ اوہدی دھی دوجے کمرے وچ اڈیک رہئی اے تے اوہنے مینوں آکھیا پئی نئیں، اوہ کلی آئی سی، پئی اوہدیاں اکھیاں کھل گئیاں نیں تے اوہ ایس ویکھ سکدی اے جیویں اوہ اک جوان کڑی سی۔

میں فیر اوہدے توں پچھیا پئی کیہ اوہ ٹھیک ہوگئی اے؟ سچیائی نے میرے شعور نوں ایہناں بھر چھڈیا سی پئی غلطی دا بیان میرے تیکر نئیں اپڑیا سی۔ تے ایس کہانی دے باوجود جو کجھ اوہناں نے مینوں پہلے دن دسیا سی، میں ایہدے توں بالکل بے ہوش سی پئی حالات کیہ لگ رہئے نیں۔ اوہنے اپنے پ[چھلے دْکھاں دے بارے دسیا، تے آکھیا پئی جد اوہ صبح پہلے توں میرے گھروں نکلی سی تے ایہدی دھی ایہنوں اسٹریٹ کار ول لے گئی تے اوہنوں اک کرسی اْتے بٹھایا، تے اوہنے باری وچوں باہر ویکھیا تے رْکھ تے پھْل تے اوہ اک لمحے لئی سب کجھ بھْل گئیپئی اوہ انھی سی۔ اوہنے جو کجھ ویکھیا اوہنے اوہنوں دسیا۔ تے اوہدی دھی چیخ اْتھی تے لوکاں نوں دسیا پئی اوہدی ماں کئی ورھیاں توں ویکھ نئیں سی سکدی۔

ایس سٹریٹ کار وچ بیٹھے لوکاں لئی ایہہ اک سنسنی خیز تجربہ ہوئیا ہووے گا، کیوں جے ماں تے دھی دونواں نے پچھلی تکلیف دے بارے دسیا تے رب نے اوہنوں شفا دتی۔ مسیح دی ایس طاقت دے مظاہرے وچ کوئی لفظ وی ایس خوف نوں بیان نہ کر سکے جنہے میری سوچ نوں بھر دتا۔

ساڈی ہفتہ وار گواہی والی ملاقات اگلی شام نوں ہوئی، تے ہر اوہ بندہ جیہڑا ایس سٹریٹ کار وچ سی ایس عبادت وچ شامل ہوئیا۔ ساریاں کرسیاں بھر گیئاں تے لوکی ہال تے نال دے کمریاں وچ کھلو گئے۔ ایسے روح نے ایس جماعت نوں پھیلا دتا جیہڑی پہلے رسولاں دی شفا یابی دا مشاہدہ کرن والیاں وچ پائی جاندی سی۔

ڈاکٹراں دی توجہ اپنے ول مبذول کروان لگی، تے پادریاں نے اوہناں لوکاں دی تعداد نوں جنم دتا جیہڑے ایس نویں امریکی مذہب دے ناں ول آ رہئے سی۔ اک جرمنی دی ماہر جیہڑی مہارانی دی منتظر سی،اوہنے مینوں دسیا پئی شہنشاہ دے محل وچبڑی حد تیکر کرسچن سائنس دی گواہی دیاں میٹنگز ہوون گیئاں۔جدوں ایہہ جوان منڈے رقص کر رہئے سی تے عدالت دے عہدیدار کھڑے ہوگئے تے اپنے دوستاں تے جانن والیاں وچ شفا یابی دے کیساں دے بارے دسیا، تے مسز ایڈی دی درسی کتاب تے جیہڑا حیرانگی والی کم ہو رہیا سی، جیویں یسوع نے کیتے، گلیل دی جھیل اْتے۔ جد ایہہ گل پادریاں دے کناں تیکر اپڑی تے ایہنے اوہناں نوں پریشان کر دتا تے اوہناں نے مہارانی دے راہیں ایس تحریک نوں روکن دی ہر ممکن کوشش کیتی، جیہڑی چرچ دی اک سخت عورت سی۔ اوہنے اپنے بندے شہنشاہ دی مداخلت کروان دی کوشش کیتی، پر اوہنوں کوئی دلچسپی نئیں سی تے اوہناں ایہدا کوئی اعتبار نہ کیتا۔

پنجواں باب

اوسے ویلے میں اک فوجی افسر دے گھر والی تے سس جیہڑی شاہی عدالت وچ اک بوہت اْچے عہدے اْتے کم کردی سی، تے جیہڑا ایہدی عظمت دا بوہت گہرا دوست سی، اوہناں نے میرے گھر وچ ہوون والیاں ملاقاتاں وچ شریک ہونا شروع کیتا۔ ایہہ دونویں عورتاں پرجوش روحٓنیت پسند سی، تے عبادت دے بعد لوکاں نال گل بات کردیاں ہوئے، اوہناں نے ایہہ آکھدیاں ہوئے پئی کرسچن سائنس تے روحانیت اک نیں تے ایہناں نوں مل جانا چاہیدا اے۔ میں اوہناں نوں سمجھایا پئی ایہہ اک غلطی سی پئی کرسچن سائنس دن تے رات وانگر فرق فرق سی، پر اوہ ساڈے لوکاں وچ ایس غلطی نوں ودھان دی کوشش کردیاں رہیاں، تے اخیریں میں ایہناں اگے ایہہ درخواست کرن تے مجبور ہوگئی پئی اوہ نہ آیا کرن۔ کیوں جے عبادتاں نجی سی تے میرے گھر وچ ہْندیاں سی، میں ایہہ کر سکدی سی۔ اوہ بوہت ناراض ہوئیاں تے اوہناں نے شاہی عدالت دی نشست پوٹسڈم وچ اپنے گھر وچ عہدیداراں تے فوج دے افسراں تے اوہناں دے گھر والیاں نوں اکٹھے آؤن دی دعوت دِتی۔ کیوں جے ایس خاندان ولوں دعوت کسے شاہی حکم نالوں گھٹ نئیں سی، ایس لئی لوک جان توں انکار نئیں کر سکدے سی۔ ایہناں ملاقاتاں وچ کاؤنٹیس نے سائنس تے صحت دی پڑھائی کیتی، ایہدے بعد کرسچن سائنس جرنل ولوں کجھ گوائیاں دتیاں گیاں، تے فیر اک روحانیت پسند میڈم نے اوہناں نوں احساس بخشیا۔

لوک ایہناں جلسیاں وچ شریک ہون لئی مجبور ہون نال ایس حد تیکر مشتعل ہو گئے پئی ایہہ اک عوامی سکینڈل بن گیا، تے بھانویں ایہہ اک نہ لکھیا ہوئیا قانون سی پئی کوئی وی بادشاہ نوں کسے مضمون دا تعارف نئیں دے سکدا سی جد تیکر ایہدی درخواست اْتے ایہناں ملاقاتاں دی اک رپورٹ اخیر تیکر نہ گئی ہوئی۔ اوہدی عظمت اپنی فوج دے اک اعلیٰ عہدیدار دے راہیں ہوئی۔گل بات وچ اوہناں نوں برلن وچ کرسچن سائنس دی تحریک دی کہانی سنائی گئی، ایہہ دعویٰ کیتا گیا سی پئی لوکاں وچ بوہت زیادہ شفا یابی ہوئی اے، تے پادریاں نوں ڈر سی پئی ریاستی چرچ اپنی بوہت ساری دلچسپی کھو رہیا اے۔ شہنشاہ دے ممبر بوہت ناراض ہوئے تے اوہنے فواً ایہہ حکم جاری کیتا پئی ایہناں ملاقاتاں نوں روکیا جاووے۔پئی پولیس برلن یا سلطنت وچ کسے ہور تھاں اْتے ہون والی کرن سائنس دیاں میٹنگاں نوں روکن، پوڈسڈم میٹنگاں وچ حصہ لین والے میڈیم دی تحقیق کرے تے ایہنوں سزا دتی تے فیر امریکی عورت دے پچھے ٹر کے ایہدے توں مکتی پاووے تے ایس تعلیم نوں مکا دیووے۔ اوہناں نوں میڈیم دے اک دھوکے دا پتا چلیا تے ایہنوں پنج ورھیاں لئی جیل وچ گھل دتا تے فیر ساڈے کم نوں دوبارہ شروع کیتا۔

میرے گھر وچ ہوون والیاں عبادتاں وچ حاضری ایہنی ودھ گئی پئی کجھ مہینے بعدوں ہال لبھناں ضروری ہوگیاسی۔ ساہنوں اک سوہنی تھاں ملی سی جنہوں قیصرن آگسٹاوکٹوریہ سیل آکھیا جاندا اے۔ ایہہ اک آرٹ سکول سی جیہڑا مہارانی دی نگرانی وچ سی، تے ڈایریکٹر کاؤنٹیس شونبرگ وان کوٹا سی، جیہڑا کدی کدی اپنے آپ نوں یقین دوان لئی میٹنگاں وچ ااؤندا سی پئی کرسچن سائنس بالکل ٹھیک اے۔

شہنشاہ نے ساڈے خلاف پہلی واری اطلاع دتی پئی ایہہ سکول ایس ڈائیریکٹر دے راہیں کھلیا، جنہے مینوں دسیا پئی اوہنوں ہدایت ملی اے پئی اسی دوبارہ ایس سیل نوں عبادت لئی نہ ورتیے۔ اوہ آپ ای مینوں دسن آیا سی پئی اوہناں نوں بوہت افسوس تے شرمندگی ہو رہئی اے، پر جیویں آکھیا گیا اے اوہ کرنا چاہیدا اے۔ایس لئی پئی ساڈے کول لوکاں نوں پہلے توں دسن دا کوئی طریقہ نئیں سی، ایس عمارت دے دونواں پاسے گلی دے نال کئی آؤن والے اہلکار لوکاں نوں ایہہ دسن لئی کھلوتے سی پئی اوہ آئے سی پر ایس شام عبادت نئیں ہووے گی، تے نہ ای دوبارہ اطلاع ملن تک اوہ آؤن۔ ایہناں دے پتے لے لئے گئے سی تاں جو دوبارہ جدوں اسی شروع کرئیے تے ایہناں نوں دسیا جا سکے۔

اگلے دن میرے مالک نے مینوں تن دناں وچ اپارٹمنٹ خالی کرن دا لکھیا ہوئیا نوٹس گھلا دتا تے مینوں خبردار کیتا پئی جے میں نہ نکلی تے میریاں شیواں گلی وچ سْٹ دتیاں جان گیاں۔ میں نال ای امریکی سفارت خانے وچ گئی تے اک وکیل دا ناں لیا جیدے کولوں میں نوٹس لیا سی تے میرا لیز لیا سی۔ اوہنوں مینوں دسیا پئی مینوں کوئی پریشانی نئیں اے، ایہہ پئی برلن وچ لیزاں جاگیرداراں نوں ملدیاں نیں کرایے داراں نوں نئیں۔ میں چھیتی نال اک ہور اپارٹمنٹ لیز تے لے لیا، پر ہلے فرنیچر دے کجھ حصے ای اندر آئے سی تے پولیس نے مکان مالک نوں دس دتا پئی میں اک ناپسندیدہ کرایہ دار آن، تے اوہنے مینوں اندر واڑھن توں انکار کر دتا۔ مینوں اپنا فرنیچر باہر رکھنا پیا تے ایہدے کئی مہینیاں بعد مینوں کوئی تھاں نہ ملی۔

میرا اک دوست جیہڑا کلاہ رہندا سی اوہنے مینوں دعوت دتی پئی میں اوہدے نال رہواں جد تیکر مینوں اپنا کوئی مکان نئیں ملدا، پر مینوں ہلے بس تن دن ای ہوئے سی کہ پولیس نے مینوں لبھ لیا تے اوہدے مالک مکان نوں وہ آکھیا پئی جے میں ایس مکان وچ وڑھدی آں تے فیر اک واری میریاں شیواں گلی وچ رکھ دین دا نوٹس آئے گا۔ میں ایتھے اوتھے رہن لگ گئی، کدی مہمان وانگر تے کدی کرایے دار وانگر، جتھے قیمت دے سکدی سی، پر اک تھاں تے دو یا تن راتاں توں بوہتا نئیں رہ سکی کیوں جے پولیس ہمیشہ لوکاں نوں خبردار کر دیندی سی۔

اسی لوکاں دے نال رابطے وچ رہئے تے مختلف گھراں وچ نکے جتھیاں وچ سبق پڑھدے رہئے، کدی کدی دن وچ دو یا تن جتھیاں نوں ملدے سی۔ ایہدے نال ہر ہفتے جرمن وچ گھٹ توں گھٹ دس تے انگریزی وچ دو یا تن عبادتاں کیتیاں جاندیاں سی۔ اوہ یقیناً موسیقی توں بغیر ہْندیاں سی، جیویں پئی ساہنوں پتا اے پئی پولیس دی توجہ مبذول نہ کروائی جا سکے تاں جو ساہنوں منع کیتا جا سکے۔ کجھ مہینیاں بعد مینوں اک چنگے گھر وچ بوہت سوہنا اپارٹمنٹ مل گیا جیدا مالک اک پنڈ وچ رہندا سی تے اوہنوں شہر دے معاملیاں تے پولیس نہ گھٹ دلچسپی سی۔ میں اوہنوں حاکماں دے رویے دے بارے دسیا، پر اوہنے مینوں اپنا اپارٹمنٹ دے دتا، جنہے مینوں بوہت سارے لوکاں دے آؤن توں باز ہن دی درخواست وی کیتی۔

ایس سارے ویلے دے دوران میں مریضاں نوں بلاؤن لئی کوئی تھاں نہ لبھ سکی، تے میں گھر گھر جاندی سی، ایہناں وچوں کجھ نوں اوہناں دے گھراں وچ تے کجھ نوں اپنے دوستاں دے گھراں وچ ویکھدی سی۔ شاید ایہدے چھ مہینیاں بعد ایس ویلے دے دوران میں دن وچ سولاں توں اٹھاراں گھنٹے کم کیتا، مینوں چرچ لئی اک اپارٹمنٹ ملیا جتھے مینوں مریضاں نوں رکھن دی اجازت وی مل گئی، تے جنہیاں عبادتاں اسی مقرر کیتیاں پر اوہ سب موسیقی توں بغیر سی۔ ایہدے توں پہلاں اسی اک ہال لبھن دی کوشش کیتی سی پر جتھے وی جاندے سی اسی ویکھیا پئی پولیس نے ساڈے خلاف لوکاں نوں خبردار کیتا۔ ہن اسی جیہڑے گھر وچ آئے سی اوہدا مالک اک امریکی سی، تے ایس ویلے اوہ کلاہ امریکی سی جیہڑا برلن وچ اک اپارٹمنٹ مکان دا مالک سی۔ خدائی محبت نے یقیناً مینوں ایس گھر تے ایہدے مالک مکان ول ہدایت دتی سی جیہڑا حکومت دے راہیں ساڈے نکے جتھے اْتے ہوون والے ظلم دے بارے جان دا س، تے ساڈا ہمدرد سی کیوں جے اوہنوں لگیا پئی اسی چنگی ہمت دا مظاہرہ کیتا اے تے اپنے رب تے اوہدی وجہ اْتے پورا یقین ظاہر کیتا اے، تے ایس لئی پئی اوہ اک امریکی سی تے اوہ مذہبی آزادی اْتے پورا یقین رکھدا سی۔

ریڈنگ روم کھولن تے کجھ مہینیاں لئی اتوار دیاں عبادتاں تے گواہواں دیاں ملاقاتاں کرن توں بعد ہمیشہ اوہناں دے گان وجان دی بجائے تسبیح پڑھدے سی، ساڈے کجھ لوکاں نوں اک ہال ملیا سی۔ایہہ اک اطالوی ملکیت والے نچن والے سکول وچ سی، تے اک چنڈے گوانڈی وچ برلن دے اک پرانے حصے وچ سی، پر ایہہ گلی دے پچھے والے باغ وچ سی، تے ایہدے تے زیادہ توجہ دین دی بجائے ایس پاسے توجہ مبذول کرن لئی گھٹ مناسب سی۔ ایہہ لین دا فیصلہ کرن توں پہلاں، اسی مالک نوں دسیا پئی جے اوہ ساہنوں کراے دار دے طور تے لے جاندا اے تے اوہنوں پولیس توں پریشانی ہو سکدی اے۔ اوہنے مینوں یقین دوایا پئی اوہ پچھے نئیں ہٹے گا۔ اوہناں نے آکھیا پئی اوہ اک اطالوی شہری اے تے ایس عمارت دا مالک اے، تے اوہ جرمن پولیس دا کوئی فرمنابردار نئیں سی تے نہ ای اوہناں توں ڈردا اے۔

کرسچن سائنس لئی ایہہ اک عجیب تھاں لگدی سی، کیوں جے ساہنوں اک عجیب آرچ وے وچوں لنگناں پیا سی جتھے گڈیاں اک مضبوط ویہڑے وانگر محفوظ سی جد کہ ہال آپ ای ایہدے مقصد دے فرق کردار دا گواہ سی۔ پر اسی ایس تھاں لئی بوہت شکر گزار سی جیدے وچ اسی آزاد سی تے ایہہ ایہناں لوکاں لئی کافی تعداد وچ سی جیہڑے آؤن دی تاہنگ رکھدے سی پئی ساہنوں پیشی دی وی کوئی پرواہ نہ ہوئی۔ ساہنوں اک اجیئے جتھے وانگر خوشی ہوئی جیویں اسی شاہی چیپل وچ مل رہئے سی۔

رب نے ایتھے کم نوں برکت دتی۔ جلسیاں وچ بوہت علاج ہوئے، تے جیویں ای ایہہ کلام بوہت پھیلیا پئی اسی دوبارہ عبادت کر رہئے آں، نکی جیئی تھاں سچیائی دے شوقین تے پر جوش متلاشیاں نال بھر گئی۔

اک اتوار دی صب ح دو پولیس افسر میرے جواباں لئی لکھے ہوئے سوالاں دی اک فہرست لے کے عبادت وچ آئے۔ مینوں پتا چلیا پئی ایہہ سوال اک مضمون دے بارے سی جیہڑا کجھ دن پہلاں اک اخبار وچ شائع ہوئیا سی۔ایہہ اک مضحکہ خیز بیان سی جیدا مقصد ایس خالص سائنس دے بارے پوری طراں غلط تاثر دینا سی، تے ایہہ میرے کول واضح طور تے آگیا پئی ہن ویلہ آگیا اے پئی حکام دے کول جا کے کرسچن سائنس تے ایہدی شفا دے بارے سچیائی بیان کیتی جاووے، تے ایہہ ظلم رک جاووے گا۔میں جان دی سی پئی ایہہ رب دا کم اے تے کوئی انسانی قانون ایہدے وچ مداخلت نئیں کر سکدا۔میں ڈریسڈن دے اک طالب علم، بیرونس اولگاوان بیس وٹز نوں اپنے نال آؤن لئی ٹیلی گراف کیتا، تے میں اک امریکی شہری دے طور تے تعارف کران لئی، ریاست ہائے متحدہ امریکہ دے قونصل جنرل کولوں تعارفی خط حاصل کیتا، تے اسی مل کے اکٹھے صدر دے کول گئے۔

اوہ ایس ویلے بوہت احسا ن مند سی جد تیکر اوہ ایہہ نہ جانن پئی اسی کون آں تے فیر اوہنے ساڈے نال بوہت حقارت والا سلوک کیتا، حالانکہ اسی جو کجھ کہنا چاہندے سی اوہنے سنن توں وی انکار کر دتا۔ میں اوہنے دسیا پئی میں اوتھے آں ایہہ دس لئی پئی کرسچن سائنس کیہ اے تے اوہنوں مطمین کرن لئی پئی اسی قانون دی پاسداری کردے آں۔ میں اوہنوں دسیا پئی ایہہ مسیح یسوع دا مذہب سی۔ مارٹن لوتھر نے دعا دے راہیں بیماراں نوں شفا دتی۔ تے ایہنوں دسا پئی میری بیکر ایڈی نے روحانی تندرستی دا سائنسی طریقہ کڈھ لیا اے، تے ایہہ پئی اوہدے شاگرداں دے طور تے اسی بیماراں نوں شفا دین تے انجیل دی منادی کرن لئی مالک دا حکم منن دی کوشش کر رہئے آں۔ بیرونس واٹذ بیس وِٹز نے ایہنوں حیاتی دیاں دو چار بیماریاں توں شفا یاب ہون دا تجربہ دسیا جیدے بارے آکھیا جاندا سی پئی ایہہ اک لاعلاج بیماری اے تے ایہہ پئی اسی بوہت سارے جرمن لوکاں نوں شفا دین لئی کیہ کر رہئے آں۔

جد میں بوہت حد تیکر اپنی حیثیت واضح کیتی تے میں اوہنوں پچھیا پئی کیہ اسی جرمنی دے کسے قانون دے خلاف کجھ کر رہئے آں تے میں آکھیا پئی جے اسی خلاف آں تے سی فوراً رْک جاندے، کیوں جے اسی ہر شے توں اْچے آں پر اسی قانون دی پیروی کردے آں۔ اوہ بوہت مشتعل وکھالی دے رہیا سی، اوہنے اک کتاب چکی تے میرے مکھڑے دے سامنے کمبدیاں ہوئے آکھیا، ”ایہہ جرمنی دا مضرمانہ ضابطہ اے، تے ایہدے وچ اجیہیا کجھ وی نئیں اے جو کسے نوں وی اپنے طریقے نال رب دی عبادت کرن توں منع کردا ہووے۔“

میں اوہدا شکریہ ادا کیتا تے آکھیا، ”پیرودیس، میں بس ایہناں ای جان دی آں، تے ہن میرے کول تہانوں دسن لئی اک شے اے، پئی میں کوئی مجرم نئیں آں، بلکہ ریاست ہائے متحدہ امریکہ دی شہری آں،تے میں ا مید کراں گئی پئی اگے توں وی میرے نال اجیہیا سلوک رکھیا جاووے گا۔“ ایہدے نال ای ایہہ انٹر ویو بند ہو گیا، تے کیوں جے اوہنے اعتراف کیتا سی پئی ساڈے چرچ یا شفا یابی دے کم توں منع کرن والا کوئی قانون موجود نئیں سی، ایس لئی پولیس نوں فوری طور تے کالعدم قرار دے دتا گیا، تے ایس معاملے وچ ساہنوں ہور پریشانی نئیں ہوئی۔

سکھیا گیا اک بوہت وڈھا سبق پولیس صدر دے تجربے وچ سی۔ اٹھ مہینیاں تیکر ایہدے افسراں نے بے رحمی نال ساڈا پچھا کیتا تے ساڈے کم نوں کچلن دی کوشش کیتی، پر جدوں اوہنوں پتا چلیا پئی میں ریاستہائے متحدہ امریکہ دی شہری آں تے قانون دی پابند آں تے اوہنے میری آزادی نوں پچھان لیا تے مینوں دھمکیاں لان دیاں کوششاں توں باز آگئے۔ حکومت دا کم اپنے واسیاں دی حفاظت کرنا اے، تے جد تیکر اوہ اپنی شہریت نال وفادار نیں اوہ اوہناں نوں ناکام نئیں کر سکدی۔مسز ایڈی نے متفرق لکھائیاں (صفحہ 185)وچ لکھیا اے، ”رب دے فرد دی حیثیت نال ایس (انسان) دی روحانی شناخت دا اعتراف تے کامیابی، سائنس اے جیہڑی اسمان دے سیلاباں دے بوہے کھول دیندی اے۔“رب دے نال آدم دے پتر دا اعتراف تے ایس رشتے نوں منناں ایس پتر دا حصول اے، کیوں جے انسان ہمیشہ اپنے پیو نال اک رہندا اے۔ ریاستہائے متحدہ امریکہ وچ میری شہریت دا اعتراف حکومت تے ایہدے قانوناں دے تحفظ دا حصول سی۔ کسے ذاتی درخواست یا منت کرن دی لوڑ نئیں سی، کیوں جے قانون ہمیشہ نافذ ہْندا اے۔

اسی رب دی حکومت دے شہری آں، تے جے اسی ایہنوں من دے آں تے کسے ہور طاقت دی صلاح منن توں انکار کر دے آں تے اسی سنسار اْتے حکومت کرن والے تے کوئی مخالف طاقت نہ جانن والے خدائی قانون، ایس قانون وچ ہمیشہ لئی محفوظ رہواں گے۔اک مسیحی سائنسدان رب دے نال ایہدے اصلی تعلق نوں منن تے خدائی محبت دے دائرے وچ ایہدی شہریت دے تناسب نال ہر طراں دیاں غلطیاں توں مکتی دیندا اے۔

ظلم دے ایہناں مہینیاں دے دوران ہر کیس ٹھیک ہوگیا سی۔

ایس ویلے دے دوران ڈریسڈن وچ ایہہ کم مستقل طور تے ودھ رہیا سی، تے فروری 1900وچ اوہ کمرہ جیہڑا عبادتاں لئی ورتیا گیا سی اوہدے بارے بوہت گھٹ پتا چلیا، تے کارکناں نے اک اپارٹمنٹ حاصل کیتا جیدا مقصد کاروباری سی، تے اوہدیاں کنداں کڈھیاں گیئاں، اوہناں نوں چرچ دا اک بوہت وڈھا کمرہ دے دتا گیا تے کلرک دا دفتر تے کتاباں ویچن نال دو نکے کمرے مل گئے۔ اوہناں نے ریڈنگ روم لئی چرچ نوں وی ورتیا۔ اوہناں نے 17 فروری 1900 نوں ایہناں نویں حلقیاں وچ عبادت کیتی تے اگلے دن جرمنی دے مسیحی سائنسدان ڈریسڈن جرمنی وچ فرسٹ چرچ آف کرائسٹ نال باضابطہ طور تے ملاقات کیتی۔

ڈرسیڈن طلاب علماں نے مینوں ایس موقع تے اوہناں دے نال رہن دی دعوت دتی، تے میں خوشی نال ایس دعوت دا فائدہ چْکیا۔ برلن وچ کم کرن والے کئی بندیاں نے وی ایس خوشی دے موقع وچ شریک ہوون دی خواہش دا اظہار کیتا، پر جرمنی وچ کرسچن سائنس دی پہلی تنظیم ایہدی پہلی عبادت وچ اسی اٹھارہ لوک سی۔ ایہہ اک تاریخی موقع سی، تے اسی جنہاں نے ایس عبادت وچ شامل ہوون دا اعزاز لیا سی، تے جدوں چرچ مکیا تے اسی منیا پئی جرمن قوم دی خود مختار ذاتی حکومت توں آزادی ول پہلا قدم سی جیدے وچ مذہبی آزادی محدود ہو گئی ہوئی سی۔

جیویں پئی میں ایہہ لکھدی واں، تیورھیاں بعد، جرمنی اک جمہوریہ اے تے مذہبی آزادی ایہدا ریاستی قانون اے۔

20 اکتوبر، 1900 نوں جدوں میں برلن وچ کم شروع کیتا تے ایہدے بس اک سال بعد، اسی جرمنی دے قانوناں دے تحت چرچ آف کرائسٹ سائنسدان برلن جرمنی دا انتظام کیتا۔ پولیس دے محکمے نے ساڈے نال بوہت شائستہ سلوک کیتا۔ اوہناں نے فائل وچ رکھن لئی ساڈے ضابطے تے مسلک وغیرہ دی اک کاپی منگی۔ میں اوہناں نوں مدر چرچ دے ٹینیٹس دے نال اک چھپی ہوئی پرچی گھلی جیدے وچ دسیا گیا سی پئی ایہہ ایس چرچ دی اک شاخ اے، ایس لئی ساڈے طبقیاں نے سلطنت دے سرکاری ریکارڈاں دا اک حصہ بنایا۔ اسی گیارا ممبراں دے نال شروع کیتا، تے اگلے جون اپنی سیمی نیشنل کمیونین وچ ہور گیارہ بندیاں نوں شامل کر لیا تے مجموعی طور تے ایہہ وی بائی بندے بن گئے۔ساڈے کول ہفتے وچ چار عبادتاں سی، دو جرمنی تے دو انگریزی وچ، تے اک سنڈے سکول۔ ساڈی انگریزی جماعت دی اوسط قیریباً پنجاہ اے۔ اتوار دے دن جرمنی دی عبادت دی اوسط پینتی تے ہفتے دے دن جلسیاں وچ اک سو پچی توں اک سو پنجاہ تیکر تعداد سی۔ساڈے کول سنڈے سکول سی جیہڑا اٹھ بچیاں نال شروع ہوئیا سی تے جیہڑا ہْن سینکڑیاں تیکر ودھ گیا اے۔ کم والا ہر شعبہ فعال تے خوش گوار سی۔

جرمنی لئی اپنے سرکاری چرچ توں رہائی پانا اوکھا سی، ایس لئی اوہناں دا مظاہرہ ایہڈاسوکھا نئیں سی جییں پئی ایہناں ملکاں وچ سی کیوں جے چرچ تے ریاست الگ الگ سی تے مذہبی آزادی اک اصلیت سی۔ اک جرمن جیہڑا ریاستی چرچ توں دستبردار ہوئیا اے قانون دے مطابق اوہ کسے قانونی معاہدے اْتے دستخط نئیں کر سکدا اے۔فیر وی، ہور بولی وچ اوکھل دے باوجود، اسی پہلے سال ای کتاباں دی چنگی تعداد ویچی۔ ساڈی قائد میری بیکر ایڈی دیاں دوجیاں کتاباں وی۔

جد ایہہ مشق ودھ دی گئی تے متلاشیاں دی تعداد وچ اضافہ ہْندا گیا تے اوہناں نوں کتاب پڑھن دی تعلیم دین دا اک ہور جامع طریقہ ورتنا پیا۔ جرمن نکے نکے جتھیاں وچ ونڈے ہوئے سی۔ انگریزی جانن والے کرسچن طالب علم اْتے اک جتھا نگران ہْندا سی، اوہ ہفتے وچ اک یا دو واری ایہناں نوں ملدے سی تے ایس طراں اوہناں دی کوچنگ کر دے سی جیویں اسی جلسیان وچ شروع توں کردے سی۔

ایس میدان وچ کم کرن والیاں نوں اوہناں دی بولی نال پیا تے عقیدت دی لوڑ سی جنہاں نے اپنی بولی وچ کرسچن سائنس نوں پایا سی تے ایہناں وچوں کسے نوں وی پور ا نئیں سی ہونا پیا۔ ایہدے وچ بوت سارے لوکاں نے شفا یابی دا کم کرنا سی،تے ہر بندہ جنہے حق دا اناج لیا سی اوہنوں ایس کم وچ شامل کیتا گیا۔

میں طلاب علماں دے کیساں نوں ٹھیک کرن دیندا، تے اوہ میرے کول کوئی سوال یا اوکھل لے کے آجاندے سی۔ تے جیویں جیویں اوہناں دی سمجھ ودھی، نویں کارکن اپنیاں سرگرمیاں وچ ہدایت لئی ایہناں ول آؤن لگے۔ اینج لگ رہیا سی پئی جیویں طالب علم کارکناں توں بوہتے ودھ رہئے سی، تے ہر اک لئی رب دی سیوا وچ ودھ چڑھ کے حصہ لینا ضروری سی۔

ساریاں نوں ہدایت دتی گئی سی پئی مسیح یسوع تے مسز ایڈی نے پیدا ہون والے ہر سوال دا جواب دتا اے، تے جے اوہ دعا دے نال اپنیاں کتاباں وچ توجہ کرن گے تے ہر مسئلہ حل ہو جاووے گا۔ پئی اوہناں نوں ہمیشہ ایہہ جان لینا چاہیدا اے پئی مسیح یسوع وچ جیہڑا ذہن سی اوہ اوہدی سیان سی تے اوہ اک وڈھا طبیب سی۔ پئی ڈر یا خودداری دی کوئی وی دلیل اوہدے کم یا اوہدے فائندہ مند نتیجیاں وچ رکاوٹ نہ بن سکی۔ساریاں نوں ایہناں یقین سی پئی رب نے ساہنوں ایہہ کم کرن لئی مقرر کیتا اے، تے ایس لئی اوہ ساڈے نال کم کر رہئے نیں، تے کوئی ڈریا ہوئیا نئیں سی۔

نویں کارکناں نے سوکھے کیساں نوں لیا تے وا وا شفا دِتی، جد کہ بوہتے اوکھے کیس میرے کول رہ گئے۔ میں وی اک نوجوان کارکن سی، کیوں جے میں ایس سارے عرصے وچ کرسچن سائنس نوں بس تن یا چار ورھے تیکر جانیا سی، ایس لئی ایہدے اْتے کوئی شک نئیں ہو سکدا پئی ایہہ کم مسیح نے کیتا سی۔ انسانی کارکن بس محبت تے اطاعت نال بھرے سی۔ جدوں ویلہ لنگدا گیا تے پہلے طالب علماں نے تجربہ حاصل کرلیا تے اوہناں نے تب دق، انھا پن، کینسر وغیرہ نام نہاد جان لین والے کیس وی لیاندے تے سارے ٹھیک ہوگئے۔ کوئی ناکامی نئیں ہوئی سی۔

شفا یابی دے کم توں علاوہ غیر حاضر مریضا لئی بوہت سارے خط لکھے جانے سی، تے کیوں جے اوہناں دے کول کتاباں نئیں سی، اوہناں نے جنہی وی سائنس سکھی سی اوہنوں ترجمہ کیتے ہوئے لفظاں وچ لکھناں پیا۔ میں شام نوں پہلاں ہی کدی کدی سوندی سی، تے سورج ڈْبن تیکر وی میرے ڈیسک اْتے مینوں لبھناں معمولی گل نئیں سی۔

ایس دوران ڈریسڈن وچ کم ودھ دا گیا تے مضبوط ہْندا گیا۔ ڈریسڈن پولیس نے برلن دے لوکاں نال وی اجیہیا رویہ رکھیا۔ اوہناں نے عبادتاں وچ شریکت کیتی تے کارکناں نوں ویکھیا، پر کیوں جے اوہناں دے کول شہنشاہ دا حکم نئیں سی، تے اوہ کماں وچ ایہنے مضبوط نئیں سی،تے چرچ دیاں عبادتاں لگاتار کیتیاں جا رہیا ں سی۔ کئی معمالے صحتیابی لئی بوہتے توں بوہتے لوکاں نوں چرچ وچ لیائے، تے بوہتے توؓ بوہتے متلاشی لوک آئے۔ برلن وچ پڑھائی جان والی ہر کلاس وچ ڈریسڈن دے کئی طالب علم سی۔ میں کئی واری ایس فیلڈ وچ موجود کارکناں نوں ملن گئی سی تے ایہناں دی مدد لئی ایہناں دی حوصلہ افزائی کیتی۔ میں اپنے مریضاں نوں صبح گھر گھر جا کے ویکھدی، اک وجے دی ٹرین لے کے ڈریسڈن اپڑدی، اوتھے اپنے مریضاں تے طالب علماں نوں ملدی، تے ست وجے واپس آؤندی، شام دس وجے تیکر اپنے گھر اپڑ جاندی سی، جد میں چاؤندی سی پئی میری غیر حاضری وچ کم نوں رات تیکر جاری رکھیا جاووے۔

ایس عرصے وچ مدر چرچ دی بالا دستی وچ سال وچ تن کلاساں ہْندیاں سی، تے جد کہ اوہ بوہت نکے سی تے شروع وچ بس چار یا پنج طالب علم سی اوہ کارکناں نوں تیار کرن وچ بوہت مدد گار ثابت ہوئے۔ درس بوہت سوکھا سی تے تن ورھیاں بعد کلاساں دے راہیں طالب علماں نوں لیا جاندا سی۔

کیوں جے ایسوسی ایشن دے جلسے ہر مہینے ہْندے سی، استاداں نوں طالب علماں نال قریبی رابطے وچ رکھن تے غلط فہمیاں دے خلاف احتیاط نال نگرانی کرن وچ کامیاب سی۔ اسی اکٹھے کم کرن تے سمجھن وچ اضافہ کیتا، ہمیشہ ساڈی پیاری ماں تے راہنما میری بیکر ایڈی رب دی قاصدہ دی تعلیم تے مظال نال اوہناں دی راہنمائی تے حواصلہ افزائی کیتی گئی۔

محنت کرن والے لوکاں دے فائدے لئی انشورنس ایکٹ دے پاروں، ہر اوہ بندہ جنہے اْجرت پائی بھانویں اور فرش صاف کرن والی عورت سی، یا جْتیاں صاف کرن والی اک عورت سی، امپیریل بینک دی صدر، یا حکومت دا کوئی عہدیدار، مجبور سی پئی کسے ڈاکٹر کولوں معائنہ کروائے پئی اوہ ٹھیک نئیں اے،تے اپنا کم چھڈن توں پہلاں ڈاکٹر دا سرٹیفکیٹ لے لیندا اے۔ تے اپنا کم دوبارہ شروع کرن توں پہلاں ای ایہدی دوبارہ جانچ پڑتال کرنا پیندی سی تے ایہدے کولوں سرجری دا سرٹیفکیٹ ملنا چاہیدا اے۔

ایہناں شرطاں نال کم نوں شروع کردیاں ہوئے ساہنوں ڈاکٹراں یا ایہناں دی پیشرفت توں کسے قسم دا ڈر نئیں سی۔ اوہناں نے اکثر اعلان کیتا پئی ایہہ اک خطرناک کیس ہووے گا، پر جدوں اسی رب دا قانون نافذ کر دے آں تے اسی اوہنوں فوری طور تے ٹھیک ہْندا ویکھاں گے۔ ایس لئی اسی طبی سوچ دے راہیں طاقت دے کسے وی ڈر توں کم نئیں لیا۔

ساڈے پیارے لوک ایس اوکھے ویلے وچ دلیر تے وفادار رہئے سی۔ ظلم دے دور وچ اسی ایہناں درجن توں بوہتے لوکاں توں محروم نئیں سی ہوئے جیہڑے عبادتاں وچ شامل سی، تے کسے وی طالب علم نے اعتماد نئیں گوایا۔ ایہہ چل رہیا سی جد کہ ایہہ بوہت کوشش کر رہیا سی؛ کاغذاں وچ کئی واری اجیہئے مضمون لیائے جاندے سی جنہاں نال مینوں پھڑ لیا جاندا سی، تے ایہہ اعلان کیتا جاندا سی پئی میں بس اک امریکی غنڈہ واں، تے جرمن لوکاں نوں دھکیلن دی کوشش کرہئی آں۔

ظلم دے ایس دور وچ جد وی کوئی مریض اپنے بستر تیکر محدود رہندا، جاسوساں نوں ایس کیس نوں ویکھن لئی گھر وچ رکھیا جاندا سی، ایس آس نال پئی کوئی مر سکدا اے تے مینوں ایہدے بعد گرفتار کیتا جا سکدا اے تے کسے مجرمانہ الزام نال نمٹیا جا سکدا اے، پر ایہناں اٹھ مہینیاں وچ ہر مریض ٹھیک ہوئیا سی۔

مثال وچ اک عورت نوں دسیا گیا پئی اوہدی واحد آس سرجیکل آپریشن اے، جیدے بغیر اوہ چووی گھنٹے نئیں جی سکدی۔ اوہ شفا دے کئی کیساں دے بارے جان دی سی تے اوہنے اپنے بندے نوں میرے کول گھلیا، ایہہ آکھدیاں ہوئے پئی اوہدے کول مسیح دے علاوہ کوئی ڈاکٹر نئیں اے، تے میں اوہدا کلام لیانواں تے اوہنوں شفا دینواں۔ خوف وچ میں ڈاکٹر نوں آکھیا پئی اوہدا آپریشن نئیں ہووے گا، تے میں ایہنوں کرسچن سائنس وچ ٹھیک کرن دی کوشش کراں گی۔

ڈاکٹر نے فوراً پولیس نوں اطلاع دے دتی، تے اوہناں نے اک جاسوس نوں گھر وچ رہن لئی گھل دتا جدوں تیکر اوس عورت دا اخیر نہ آوے۔ اوہ کجھ دناں وچ ای ٹھیک ہو گئی، تے اوہ جاسوس جنہے ایس کیس نوں ویکھیا سی اوہ سرکاری نگرانی واپس کرن توں بعد عبادتاں وچ شریک ہوگیا۔

پولیس دی مداخلت دے مکن توں بعد اک سال دے اندر جاسوس فورس دے کئی بندے کرسچن سائنس دے چنگے طالب علم بن گئے، تے اوہناں دے بال بچیاں تے بْڈھیاں دے نال عبادتاں وچ شامل ہوئے۔

ایہناں واقعاں دے ویلے جرمن دا اک قانون سی جیدے وچ ایہہ شرط لائی گئی سی پئی کسے وی غیر ملکی نوں بغیر کسے وجہ دے نوٹس دے کے ملک چوں باہر کڈھ دتا جا سکدا اے۔جے ایس بندے نے رخصت ہوون دی وجہ جانن دی خواہش کیتی تے اوہ اپنی حکومت دے راہیں کیتی ہوئی تفتیش دے پاروں ایہہ جان سکدا اے۔بوہت سارے لوکی جیہڑے ایہہ جان دے حیران ہوئے پئی اوہناں نے میتھوں جان چھڑان لئی ایس قانون دا سہارا کیوں نئیں لیا۔ایہدی اک ہور وجہ وی ہو سکدی ات: یعنی، رب نے مینوں اوتھے گھلیا سی، تے مینوں سنبھال لیا تے مینوں اوتھے رکھیا ایتھے تیکر پئی جد تیکر میں ایس کم نوں مکا نئیں لیا جیہڑا کم اوہنے مینوں دتا سی۔

ایس تجربے نے ساہنوں انمول سبق سکھائے۔ اسی ہر ویلے رب اْتے انحصا رکرنا سکھیا، کیوں جے اوہنے اپنی موجودگی دا دس چھڈیا سی، تے اسی انسانی خواہش دے راہیں جھوٹی سوچ تے حکومت دی طاقت دا مظاہرہ کیتا سی۔

چھینواں باب

آزادی دے مظاہرے نوں سامنے لیان دے بعد، تے نویں چرچ دے کمرے وچ عبادتاں نوں مضبوطی نال قائم کرن دے بعد، میں محسوس کیتا پئی ہن ویلہ آگیا اے پئی میرے کول مدر چرچ آووے تے اوتھوں اپنے پیاریاں لئی کجھ چنگیاں شیواں دین۔ اسی تے اوہناں دے انعام ایہدے وچ شامل ہوون۔ میں بوسٹن گئی تے امریکہ دے سارے حصیاں تے انگلینڈ تے سکاٹ لینڈ دے ہزاراں خوش نصیب مسیحی سائنسداناں نوں ملی، تے مدر چرچ دیاں شاندار عبادتاں دا مزا لیا۔ اوتھے میں 1902 لئی ساڈی پیاری قائد دا سنیہاں سنیا: ”پیارے بھراؤ! ظلم دے ویلے رب دے اپنے لوکاں لئی محبت دا اک ہور سال کرسچن سائنس دی تاریخ دی علامت اے۔۔۔۔

بریائی بھانویں زبردست سازش نال رل کے رب دی تسبیح کرن لئی کیتی گئی اے۔

ایہہ میری عزیز راہنما دے دل توں میرے لئی براہ راست سنیہاں لگیا، تے میں مطمین سی، پر ایہدے توں وڈھی نعمت میرے لئی محفوظ اے۔

جدوں کجھ دن بعد میں کونکورڈ گئی تے کسے نے مسز ایڈی نوں اطلاع دتی پئی میں ایس شہر وچ آں۔ اگلے دن اوہ میرے نال ملن نوں آئی۔ میں سچ مچ مغلوب سی کیوں جے میں جان دی سی پئی اوہنے کئی ورھیاں وچ ذاتی دورہ نئیں کیتا۔

اوہنے مینوں دسیا پئی اوہ بوہت اہم کم،مدر چرچ دے حکم نوں پورا کرن وچ مصروف سی، تے اوہدے لئی ایہہ اعلان کرنا ضروری ہوگیا پئی ایس گرمی دے وچ اوہ کوئی ملاقاتی وصول نئیں کرے گی، ایس لئی اوہ مینوں نئیں بلا سکدی سی۔ پر اوہ میرے کول ضرور آؤنا چاؤندی سی۔ جد میں پچھیا پئی اوہ میرا ایہناں احرام کیوں کر رہئی اے تے اوہنے جواب دتا، میں تیرے پیارے ہتھاں وچ اپنے ہتھ دین تے تیریاں دلیر اکھیاں وچ ویکھن تے ”شکریہ“ کرن دے بغیر تینوں نئیں جان دے سکدی سی۔“ جد میں آکھیا ”ماں میرا شکریہ کیوں؟“ اوہنے جواب دتا، ”دلیر تے سچے ہون لئی، جرأت دے نال غلطی دا سامنا کرن تے سچائی دے نال کھڑے ہون دے پاروں۔“ میں نئیں جان دی سی پئی اوہ جرمنی دے بوہت سارے حالات نوں جان دی سی، پر اوہنے آکھیا، ”میں ہمیشہ جان دی آں پئی میرے بچے کیہ کر رہئے نیں، تے سچیائی دی ترقی تے فتح نوں وی جان دی آں۔“اوہنے ساڈی جِت وچ اپنی خوشی دی گل کیتی۔ اوہنے آکھیا پہلے مسیحیاں دے دناں وچ وی ایس ظلم دے سامنے کجھ نئیں سی ہوئیا تے رب ایس وفاداری دا بدلہ دیوے گا، تے ہمت تے وفاداری دا مظاہرہ آؤن والے ورھیاں وچ بوہت سارے نوں بوہت ہمت دیووے گا۔

جد میں اوہنوں اک عاجز کمرے دے بارے دسیا جیدے وچ اسی اپنیاں عبادتاں کر رہئے سی تے ساڈے اک حاضر ملازم نے دسیا پئی ایس کمرے دے داخلے نے اوہنوں غاراں دے بوہیاں دی یاد دلا دتی اے جیدے وچ پہلے مسیحی اپنیاں عبادتاں کردے سی، تے اوہناں نے جواب دتا پئی ایس پورے تجربے نے اوہناں نوں پہلے مسیحیاں دی یاد دلائی اے، تے اوہنے ایہناں کارکناں نوں جیہڑے اوہناں دے نال کھلوتے سی مینوں اوہناں دے پیار دا سلام گھلیا۔

ساڈے کم دے ایس پیار نال بھرے اعتراف تے نرمی نے مینوں ناقابل بیان خوشی دے نال اپنے جرمن گھر تے فیلڈ دی یاد دلائی۔ مینوں واقعی اسرائیل وچ اک ماں ملی سی، جیہڑی اپنے بالاں دی تکلیف جان دی سی، اوہناں نوں ویکھدی تے اوہناں دا خیال کردی سی، تے اپنی برکت نال اوہناں نوں اجر دیندی سی۔اوس ویلے توں اوہ کم تے کارکناں وچ اپنی دلچسپی دا اظہار کردی رہئی، تے کئی واری اجیہئے سنیہے گھلدی جیدے نال ساہنوں تقویت ملدی تے حوصلہ افزائی ہْندی۔

شفادے کم دی مانگ ودھ دی گئی۔ ہر سال نویں کارکن سامنے آئے تے سارے روحانی فہم تے پاکیزگی وچ ودھے۔

کلاساں وڈھیاں سی، طالب علم یورب دے سارے حصیاں چوں آؤندے سی، جتھے کتے وی شفا یابی دا پتا چلدا سی۔سوٹزر لینڈ، ناروے، سویڈن، فن لینڈ، تے روس توں۔تے ایہناں طالب علماں نے سچیائی نوں اپنے گھر اپڑایا، تے اوتھے ایہنوں ظاہر کیتا۔

میں بس اوہناں لوکاں نوں سائنس تے صحت آیتاں دی کنجی دے نال تے مسزایڈی دیاں دوجیاں کتاباں پڑھایاں جیہڑے کسے حد تیکر انگریزی جان دے سی۔ پر کجھ اجیہے لوک وی سی جیہڑے انگریزی پڑھ سکدے سی پر فیر وی بولے ہوئے لفظاں نوں سمجھنا اوکھا محسوس کردے سی، ایس لئی دونواں بولیاں وچ سبق دینا ضروری سی۔ میں متناسب نوٹس بنائے تے انگریزی وچ زبق دتا، فیر زبان نوں جانن والیاں نوں اوتھوں جان دی اجازت دتی، تے جرمن بولی وچ ایہناں طالب علماں لئی دوہرایا جیہڑے ہلے تیکر بولے ہوئے لفظ توں واقف نئیں سی۔

شروع وچ مینوں پہلے طالب علماں وچوں اک نمیرے نال رہندی سی تے اویس تعلیم وچ میری مدد کر دی سی، پر فیر میں ہولی ہولی اوہنوں کلی نوں ایہہ کرنا سکھایا۔

ایس طراں کئی ورھے خوشحال لنگے۔ طالب علماں دے راہیں مختلف شہراں وچ گرجیاں دا آغاز ہوئیا۔ اک واری فیر ”سیانے بندے“ نے اوہ تارہ ویکھیا جنہے مسیح دے آؤن دا اعلان کیتاسی۔

1903 وچ مسز ایڈی نے ساہنوں جرمن ہیرالڈ دتا، جیہڑا ماہانہ وار انگریزی کرسچن سائنس جرنل دے ترجمے نال بنیا سی۔ ایہہ اک بوہت وڈھی مدد سی۔ ایس توں پہلاں اسی اک لیکچر دا ترجمہ کیتا سی تے اک نکا پرچہ سوالاں دے جواب ایڈورڈ اے کمبال دے راہیں پبلشنگ سوسائٹی نے ایہدی اجازت دتی سی۔

1906 تے اخیر اْتے مینوں لگیا پئی میرا کم مک گیا اے۔ میں کرسچن سائنس نوں متعارف کران لئی جرمنی گئی سی، تے ہن ایہہ مشہور تے مضبوطی نا قائم سی۔ کارکناں نوں آزمایا گیا تے اوہ سچے سی۔ اوہ تجربہ کار تے وفادار تے سیانے ثابت ہوئے سی۔ اوہ اپنے ابائی وطن وچ ساڈے پیار دے مقصد والے کم نوں اگے ودھان لئی تیار سی۔ ایس لئی میں اوہناں نوں اپنے نال چھڈ دتا تے اپنی ابائی دھرتی، اوہ دھرتی جیہڑی کرسچن سائنس دے جمن دی تھاں تے اوہدے مبصر دا گھر سی، میں اپنی شفا تے تعلیم دا کم جاری رکھن لئی امریکہ پرت کے آگئی۔

طالب علم اپنے یقین اْتے وفادار سی، تے کم مستقل طور تے جاری اے۔ اک برلن فیلڈ نال متعین کرسچن سائنس دا پہلا جرمن استاد سی۔ 1912 وچ اوہناں دیاں وفادار خدمتاں نوں جرمن بولی وچ کلیدی کتاب دے عنوان توں درسی کتاب، سائنس تے صحت دی اشاعت نال نوازیا گیا۔ایہدے نال کم نوں بوہت زبردست حوصلہ ملیا۔

کرسچن سائنس تے اوہدا فائندہ مند کم ہن پورے جرمنی وچ شہراں، نکے پنڈاں تے پہاڑی علاقیاں وچ مشہور اے۔ تے جتھے وی مسیح دی شفا یابی دے بارے جانیا جاندا اے اوتھے میری بیکر ایڈی دا ناں سکھن والیاں تے سادہ کساناں دے راہیں پیار تے احترام نال لیا جاندا اے۔اوس دور وچ رب دا انکشاف کرن والا، تے کرسچن سائنس دی تحریک دے قائد دی احیثیت نال اوہناں دا مقام قبول کیتا گیا۔

سرون دے بیج دی اپنی اک مثال دیندیاں ہوئے مالک نے آکھیا: ”جدون اوہ دھرتی وچ بویا جاندا اے (تے ایہہ) دھرتی وچ بوئے جان والے سارے بیجاں توں نکا ہْندا اے۔ پر جدوں اوہ بویا جاندا اے تے اوہ وڈھا ہْندا اے تے ساریاں جڑیاں بوٹیاں توں وڈھا ہْندا اے، تے وڈھیاں وڈھیاں ٹہنیاں کڈھ دا اے۔ تاں جو ہوا دے پرندے اوہدے پرچھانویں وچ رہ سکن۔“ تے اوہ ایہنوں رب دی بادشاہی نال تشبیہ دیندا اے۔

جد میں کرسچن سائنس دے وڈھے کم دے بارے سوچدی آں تے ایہہ تمثیل ای مینوں ہمیشہ یاد آؤندی اے، جیدیاں ٹہنیاں پورے یورپ وچ پھیل گیاں نیں۔ سروں دا بیج جیہڑا ایہڈے وڈھے رْکھ وانگر بن گیا اے اوس محبت دی فکر سی جنہے 1896 وچ پورے جگ دا سفر کرن والی ایس عورت نوں کرسچن سائنس دی درسی کتاب دین دا اشارہ کیتا۔ ایہدے نتیجے وچ ایس کتاب دا وصول کرن والا اوہناں نے اپنی الٰہی طبیعت دا مظاہرہ کردیاں ہوئے، کسی اجیہئے بندے نوں لبھن دی کوشش کیتی جنہے ایہناں پیارے لوکاں دے کول جان تے اوہناں نوں سچیائی دین لئی آزاد کیتاسی۔ احسان دے ایہہ دو کم اپنے آپ وچ بوہت نکے لگدے نیں، پر ایہناں دے پچھے الٰہی محبت دی جِت سی، تے ایہناں نال ای جرمنی وچ اصلی ”اصلاح“ ہوئی اے۔

”اوہ لوکی جیہڑی ہنیرے وچ ٹردے سی اوہناں نے بوہت لو ویکھی۔ جیہڑے موت دے پرچھانویں دے ملک وچ رہندے سی اوہناں اْتے نور چمکیا۔“ (یسعیاہ 9:2)۔