اک پیار کرن والا رب جگ وچ ایہنی بریائی دی اجازت کیویں دے سکدا اے؟
اک چنگا سوال ایہہ اے: ’’کیس طراں دا رب جگ وچ ایہنی بریائی دی اجازت دیوے گا؟‘‘ اک ظالم رب یا غلطی کرن والا؟ بیشک انسان نوں بناؤن والا اک رب۔ میری ایڈی بیکر رب لئی ست اکو جیہئے لفظ دیندی اے جیہڑے ایس ’’اسمان اْتے وڈھے بندے‘‘ دے خیال دی غلط فہمی والے وچار اتے جان چہ مدد کردے نیں: سوچ، اصول، روح، جان، حیاتی، سچیائی تے پیار۔ ایہہ سارے واحد شکل وچ دتے گئے نیں تے ایہہ حدوں باہر نیں جیویں پئی واحد رب حدوں باہر ہے۔
جیویں پئی، ریاضی سے اصول وچ غلطی دی کوئی گنجائش نئیں ایسے طراں بدی وچ وی پورھا گنجائش نئیں۔ کسے وی غلطی لئی کیہ تسی اصول دا قصور کڈھو گے؟ ایس سوال اتے ویلہ لانا پئی اصول نے غلطی کیوں ہوون دتی ویلہ ضائع کرن والی گل اے! ٹھیک کرن لئی اصول نوں لاگو کرن دی بجائے جناں بوہتا ویلہ تسی غلطی کرن چہ لاؤ گے اوہنی بوہتی ایہہ غلطی ہووے گی! رب دی شریعت دے اْلٹ جدوں پاپ تے دنیا داری دی بیماری نوں قانونی بنا دتا جاندا اے تے اسی ایہدے اْتے قابو پا سکدے آں۔
کرسچن سائنس کیہ اے؟
کرسچن سائنس دی درسی کتاب ’سائنس تے صحت صحیفیاں دی کنجی دے نال‘ وچ میری بیکر ایڈی دے لفظاں وچ، اسی ایہہ پڑھدے آں: ’’کرسچن سائنس دے لفظ لکھاری ولوں الٰہی شفا دے سائنسی نظان نوں پیش کرن لئی سامنے لیا ئے گئے سی۔
ایہہ مکاشفہ دو حصیاں دا اے:
1 ۔ ذہن دی شفا دی الٰہی سائنس دی کھوج، صحیفیاں سے راہیں روحانی سوجھ تے تسلی دین والی تعلیم دے راہیں ، جیویں کہ مالک ولوں ایہدا وعدہ کیتا گیا اے۔
2 ۔ موجودہ اظہار دے راہیں، ایس گل دا ثبوت پئی یسوع دے نام نماد معجزے ہن مک جان والی ازلی تقدیر نال خاص طور تے کوئی تعلق نئیں رکھدے ، بلکہ ایہہ ہمیش توں لگے ہوئے اصولاں نوں بیان کردے نیں۔ ایس اصول نو ں لیاؤناسائنسی ترتیب دی ہمیشگی تے شخصی تسلسل ول اشارہ کردا اے۔
’’کرسچن سائنس صرف ایسے گل دی تعلیم دیندی اے جیہڑی روحانی تے الٰہی اے نہ کہ انساناں والی اے۔ کرسچ سائنس غلطی توں پاک تے الٰہی اے؛ کئی شیواں بارے انسانی عقل غلط ہو سکدی اے کیوں جے ایہہ انساناں ولوں ہندیاں نیں۔‘‘
بھانویں انج ورتیا وی جاندا اے، پر کرسچن سائنس کوئی جماعت یا چیلیاں دا گروہ نئیں اے، تے نہ ای مسیح دے پہلے چرچ، بوسٹن ایم اے وچ سائنسداناں دے ناں ورگا کوئی کاروباری نشان اے۔
’’کرسچن سائنس دا رب پوری کائنات دا، ابدی تے الٰہی پیار اے جیہڑا آپ نئیں بدلدا تے نہ ای بدی ، بیماری تے موت دی وجہ بن دا اے۔ ‘‘ جیویں پئی اسی ایہنوں سمجھدے آں، کرسچن سائنس وچ کائنات دا اصول (روحانی) شامل اے، تے ایسے لئی ایہنوں کوئی وی، کِتوں وی لاگو کر سکدا اے جیہڑا مسیح دی تعلیم وچ پورا اے، جیہڑا سارے اسرائیلیاں وچون سب توں وڈھا ایمان رکھن والے رومی صوبے دار دی حمایت کردا اے، تے جیہڑا نیک سامری دی تمثیل وچ، آپی بنے پوئے کاہن تے لاوی توں کِتے ودھ کے اک کمتر سامری نوں ظاہر کردا اے۔
’’رب بندیاں دا طرفدار نئیں ۔‘‘اعمال
تسی آزاد کیوں او؟
مسز ایڈی نے ایہہ واضح کیتا پئی کرسچن سائنس الٰہی اے نہ کہ انساناں دی بنائی ہوئی۔ ایس لئی ایہنوں انساناں دی تنظیم دے طور تے پابند نئیں کیتا جا سکدا۔ ایہنے چرچ لئی شفاء والی گڈی ہوون ، نہ کہ کاروبار والی گڈی ہوون دا خیال پیش کیتا۔ ایہنے ایہہ پچھانیاں کہ اک طاقتور تے وچالی تنظیم الہام دا گلا گھْٹ دیندی اے تے ایس لئی ایہنوں شفا والی ہونا چاہیدا اے۔ اسی وی ایس سچیائی نوں جان دے آں۔ ساڈی آزادی نے اک حیاتی دی قوت دی صلاح دتی، جے اسی بوسٹن تنظیم دا اک چھوٹا چرچ بن کے رہندے تے ایہہ ممکن نئیں سی۔
کیہ سائنٹولوجی کرسچن سائنس وانگر اے؟
دونواں نانواں وچ اکو جیہی گل صرف اک سائنس ای اے۔ہیٹھاں کجھ کارآمد فرق دسے گئے نیں۔
1۔ کرسچن سائنس دی کھوج تے قیام میری بیکر ایڈی نے کیتا سی؛ سائنٹولوجی نوں ایل رون ہبرڈ نے قائم کیتا سی۔
2 ۔ مسز ایڈی مکاشفہ دے راہیں کرسچن سائنس تک پہنچی سی تے ایہنوں انساناں دی نئیں بلکہ الہامی قرار دتا۔ اوہنوں ایہہ دعویٰ کیتا پئی بائبل ایس مکاشفے دا بنیادی حوالہ اے؛ مسٹر ہبرڈ اپنی عقل تے سوجھ بوجھ نال ڈایانیٹکس تیکر پہنچیا، جیہڑا مشقاں تے سوچاں دا اک سیٹ اے: اوہ کسے خاص مذہب دے اثر دا دعویٰ نئیں کردا۔
3 ۔ مسز ایڈی نے طالب علماں لئی درسی کتاب ’سائنس تے صحت صحیفیاں دی کنجی دے نال‘ نوں پڑھن دے نال نال بائبل نوں پڑھن تے وی زور دتا؛ مسٹر ہبرڈ نے بائبل دے بارے ایہو جئی کسے گل تے زور نئیں دتا۔
4 ۔ مسز ایڈی نے یسوع دے پاپوں بغیر جمن، حیاتی، شفا تے تعلیم ، دکھ تے اخیر وچ زندہ ہوون نوں بوہت اْچا مقام دتا تے ایس خط تے روح وچ کرسچن سائنس دی مشق دے ہر حصے نوں بوہت متاثر کیتا خاص کر کے درسی کتاب دے دوجے باب ’’کفارہ تے یوخرست‘‘اتے غور کرو؛ مسٹر ہبرڈ؟ اسی سچیائی نال ایہہ من دے آں ہئی اسی ایہدے بارے کجھ نئیں جان دے، پر ایہدے ہلکے جیئے ثبوت دی تھوڑی جئی وکھالی سائنٹولوجی دیاں ویب سائٹاں وچ نظر آؤندی اے۔
ڈاکٹراں دی مدد لین بارے تہاڈا کیہ وچار اے؟
کھان تے سون تو علاوہ ڈاکٹری مدد لین وچ کوئی پاپ نئیں اے۔ اصل گل ایہہ اے پئی اسی جو کجھ وی کردے آں اوہدے وچ رب نوں اْچا منن دی پوری کوشش کرئیے۔ ساڈا بھروسہ اے ، خاص کر کے بچیاں دے معاملیاں وچ، پئی جے کرسچن سائنس دے علاج وچ بہت ناگوار جسمانی مسئلہ نہ ہووے تے ڈاکٹری مدد لینا ای سیانی گل اے۔
کرسچن سائنس دے علاج وچ، پہلا کم ڈر نوں دور کرنا اے نہ ایمان نوں آزمانا۔ ساڈا رب اک پیار نال بھریا ہویا رب اے، اوہ ساہنوں کدی یتیم نئیں چنڈ دیندا، تے ایہدے وچ ڈاکٹر دا دا دفتر یا ہسپتال وی چامل نیں۔
جے ڈاکٹری ایہنی چنگی اے تے کرسچن سائنس کیوں ورتی جائے؟
ساڈی ویب سائٹ وچ لگیاں ہوئیاں گواہیاں نوں ویکھو۔ ڈاکٹری ولوں ’’لا علاج‘‘ کہے جان دے باوجود کرسچن سائنس دے علاج نے شفا دتی۔ کرسچن سائنس ایہدے توں کِتے ودھ کے موثر تے مکمل اے کیونکہ جے ایہہ نہ صرف علامتاں نوں دور کردی اے بلکہ کسے وی معاملے دے خفیہ ڈراں نوں وی دور کردی اے۔ کرسچن سائنس دی شفا ’’اعمانوئیل یا ’رب ساڈے نال اے‘ دی نشانی اے، جیہڑی اک الٰہی تاثر اے‘‘ (سائنس تے صحت)، تے ایس طراں ایہہ صریح اے۔
فیر وی، جے تسی کسے توں کرسچن سائنس دے علاج بارے پْچھ رہئے او تے کسے شے نوں فرض نہ کرو۔ ایس گل دا پک کر لو پئی جنہوں تسی پْچھ رہئے او تسی اوہدے اخلاقی وقار اتے بھروسہ کر سکدے او۔ مسز ایڈی بوہت زور نال ایہہ نقطہ واضح کردے نیں: ’’کسے چیچک زدہ ڈاکٹر توں علاج کروانا ایہدے توں بہتر اے پئی کسے اجیہے بندے توں ذہنی علاج کروایا جائے جیہڑا الٰہی سائنس دی لوڑ دی نافرمانی کردا ہوئے۔‘‘ (سائنس تے صحت)
کئی تنظیم اجیہی فرمانبرداری دی تصدیق نئیں کر سکدی۔
کیہ اپنے آپ نوں بیمار ظاہر نہ کرنا بے وقوفی نئیں جدوں کہ دلیلاں صاف صاف آکھدیاں نیں پئی تسی بیمار او؟
ہاں جی، ایہہ بے وقوفی اے، تے خطرناک وی اے پئی جدوں تسی بیمار ہوو تے اینج ظاہر کرو پئی تسی بیمار نئیں او۔ پر کرسچن سائنس دی مشق وکھاوے توں کِتے ودھ کے اے۔ ایہہ ایک نہ بدلن والے اصول اتے مسئلے دے حل ہون تیکر قائم رہنا اے، جیویں اک ریاضی دان کسی اصول اتے ڈٹیا رہندا اے جدوں اوہنوں پتا ہندا اے پئی ایہہ ای سچ اے۔ اک ریاضی دان ایس گل نوں منن توں کدی نئیں ڈردا پئی اوہنے ہلے مسئلے نوں حل نئیں کیتا، ایسے طراں اک کرسچن سائنسدان نوں وی، اینج کہہ لو پئی ’’جھوٹ بارے سچ بولن ‘‘ توں کدی نئیں ڈرنا چاہیدا۔
مسز ایڈی نے آکھیا، ’’جے تسی آکھو پئی، ’میں بیمار آں‘ تے تسی قصوروار ہون دی التجا کردے او۔‘‘ پر او ہ کسے بندے دے اندر خیالاں دے نال ذہن دی جنگ دا حوالہ دے رہی سی، نہ کہ مبصرین دے جگ وچ عملی مشق دا حوالہ دے رہئی سی جیہڑے شاید کرسچن سائنس دے کماں نوں جان دے وی نہ ہون۔ تہاڈے لئی فکرمند رہن والی روح دے نال جے کجھ غلط ہو رہیا اے تے اوہدے توں انکار کرنا ڈرنوں ودھاؤن والی گل اے ، تے ایہہ کوئی سائنس وی نئیں اے، کیونکہ ایہہ پیار نئیں اے!
کرسچن سائنس وچ جدوں مینوں کوئی مسئلہ ہوئے تے کیہ مینوں شرمندگی ہونی چاہیدی اے یا مینوں ڈاکٹر دے کول جانا چاہیدا اے؟
کرسچن سائنس دا دل، جان تے بنیادی حصہ محبت اے۔‘‘سائنس تے صحت
کرسچن سائنس دا بس حرامی پن ای تہانوں شرمندگی دلائے گا۔ شرمندگی دلانا جھوٹے نبیاں دا ایک وتیرہ سی جیہدے نال اوہ بندیاں نوں اپنے قابووچ کردے سی۔ مذہبی تنظیماں لوکاں دے ایمان نوں اپنے قابو وچ کردیاں نیں تاں جو اپنے ایمانی نظام دا بہانہ بنا سکن۔ تھامس جیفرسن دے نال ساہنوں ’’رب دے مذبحدے سامنے ہر انسان دے دماغ اتے ہر قسم دے ظلم کرن لئی قیر دی قسم کھانی‘‘ چاہیدی اے۔
کسے وی کرسچن سائنس دے ڈاکٹر دے کول جان یا دوائی لین یا کسے وی طراں دے مسئلے لئی شرمندگی محسوس کرنا مکروہ اے۔ بس انسان دی مرض ای ایس طراں دا پھڈا بنا سکدی اے۔ کرسچن سائنس کوئی ایمانی نظان نئیں اے۔ کوئی وی ادارہ یا بندہ جیہڑا ایہنوں کسی ہور اْتے لاگو کرن دی کوشش کردا اے اوہ کائنات دے قانوناں نال کھلواڑ کر رہیا اے۔
’’انساناں دے حق اْتے حملہ اوہدوں ہندا اے جدوں الٰہی ترتیب ایہدے وچ مداخلت کردی اے، تے ایس جرم دے روہیں ذہنی خلل الٰہی ذات دی سزا دی وجہ بن دا اے۔‘‘سائنس تے صحت
کیہڑی شے کرسچن سائنس نوں دوجے ذہنی طریقیاں توں وکھرا کردی اے؟
کتاب گھر اپنی مدد آپ کرن بارے کتاباں نال بھرے ہوئے نیں جیہڑیاں فکری وسائل نوں پڑھن والیاں دے تجربیاں نوں ودھون لئی ورت دیاں نیں۔ بیشک اوہ کسے حد تیکر کم دیا ں ہندیاں نیں تے خود اعتمادی نوں ودھاؤندیاں نیں، نئیں تے اوہناں نوں پسند نئیں کیتا جائے گا۔ فیر وی کرسچن سائنس دی ٹھیک مشق وچ اوہدے اثر دا ہر مظہر اک بندے نوں واحد ذہانت، رب دی نزدیکی تے پیار دی مظبوط سمجھ دیندا اے۔ تے ایہہ اوس بندے نوں ایس ذہانت لئی ہور آزاد، کمتر نئیں ، تے رب دے ہور مقروض بناؤندا اے۔
وضاحت لئی، جے تہانوں رش والی جگہ تے پارکنگ لئی جگہ چاہیدی اے، عقل دے بہت سارے نظام مثبت اْڈیک دی تکنیک دیندے نیں۔ جدوں معجزاتی طور تے اک چنگی جگہ سامنے آجاندی اے تے تسی اپنی قابلیت توں خوش ہو جاندے او۔ ٹھیک کرسچن سائنس وچ تسی اپنے مقصد اتے سوال کرو گے پئی کیہ ایہہ تہاڈی خود غرضی یا ضد تے نئیں۔ صرف فیر ای تسی اوس عقل توں امید کر و گے جیہڑا سب کجھ جان دا اے، پئی اوہ تہاڈے لئی راہ کھولے۔ جے پارکنگ لئی تھاں مل جائے تے ایہہ اوہدے پیار دا اعتراف اے تے اوہدی حکمرانی دی پچھان اے، ’’ساریاں شیواں مل کے رب نال پیار کرن والیاں لئی چنگیائی پیدا کر دیاں نیں۔‘‘ (مقدس پولوس)
غور کرو، پئی شاید پہلے معاملے وچ جو تسی چاؤندے او اوہ تہانوں مل جاوے، پر ہو سکدا اے پئی کجھ نہ امید کیتے گئے حالات دی وجہ توں ایہہ تہاڈے لئی ٹھیک نہ ہووے۔ دوجے معاملے وچ، کہہ لو پئی پتوار وچ حدو پار ذہانت دے نال، تہاڈی لوڑ صرف تاں ای پوری کیتی جائے گی جے ایہہ تہاڈے لئی چنگی اے تے۔ ایس لئی، ایہہ طریقہ محفوظ اے جد کہ پہلے معاملے وچ تہانوں بس اوہ ای ملدا اے جو تسی چاؤندے او ، پر نہ امید کیتاں گئیاں شیواں دی حفاظت نئیں ملدی۔
اسی ایس ٹھیک کرسچن سائنس دے طریقے نوں راہ وکھان والے، یسوع مسیح دے نال مماثلت رکھدیاں ویکھدے آں۔
تہاڈا چرچ وکھرا کیویں اے؟
بوہت سارے لوکاں نے ایہہ کھوج کیتی اے پئی پلین فیلڈ چرچ بوسٹن دے چرچ، ذیلی چرچاں دی شاخ، توں وکھرا کیویں اے۔ ایس مضمون دا مقصد ہور فرقاں نوں سامنے لیاؤنا اے۔
کرسچن سائنس دی مشق وچ ایہہ فرق اوہناں لوکاں لئی کم کرن دا پیغام ہووے گا یہڑے مسز ایڈی دی خالص سائنس نوں پسند کردے نیں۔ ایہناں فرقاں نوں لکھناں ہن دے دور والے لوکاں لئی فائندہ مند اے تے ایہہ آؤن والیاں نسلاں لئی وی فائندہ مند اے۔ ’’وڑھن والیاں بریائیاں‘‘ بوسٹن تنظیم وچ وڑھ گئیاں کیوں جے اوہ بریائی دے کماں نوں نئیں جان دے سی تے اوہناں توں ہشیار وی نئیں سی۔ جے اسی ہشیار نئیں رہواں گے تے بریائی، غلطی، تے ’’انساناں دے خیال‘‘ فیر وڑھ آؤن گے تے کرسچن سائنس نوں تباہ کرن دی کوشش کرن گے۔
1۔ اسی میری بیکر ایڈی دے جاری کیتے ہوئے مینوئیل دے 88ویں شمارے، اخیری شمارے نوں ورت دے آں۔
2۔ اسی رب اگے جوابدہ آں بوسٹن دے بورڈ آف ڈایریکٹرز اگے نئیں۔ جو کجھ وی اسی کردے آں اسی سمجھدے آں پئی رب ایہدی منظوری دیندا اے یا نئیں، تے فیر جے مسز ایڈی ایہدی منظوری دیوے تے فیر ایہہ کم کیتا جاندا اے۔
3۔ اسی اپنے سبق لکھدے تے اپنا رسالہ چھاپدے آں۔ ایہدے لئی لگاتار اثبات دی لوڑ اے۔
4۔ اسی ہر روز ویکھدے آں، جیویں مسز ایڈی دے گھر کیتا جاندا سی۔
5۔ اسی اک روحانی تنظیم نوں قائم رکھن دی پوری کوشش کر رہئے آں۔ کم کرن لئی سخت قانون نئیں بنائے جاندے۔ جدوں کسے کول چنگا خیال ہندا اے تے جلدی فیصلے کر لئے جاندے نیں۔
6۔ پہلے کارکناں دیاں لیکھاں نوں پڑھن لئی ایہہ ایتھے دستیاب نیں۔ ایتھے کوئی ’’ناجائز‘‘ادب نئیں اے، کوئی تہانوں نئیں آکھن والا پئی تسی فلاں شے پڑھو یا فلاں شے نہ پڑھو۔
7۔ بوسٹن دی تنظیم وچ دس دناں بعد جماعت دیاں ہدایتاں دتیاں جاندیاں نیں تے اوہ بس کاغذاں وچ۔ پلین فیلڈ چرچ وچ ہدایتاں نوں آمنے سامنے تے لگاتار پیش کیتا جاندا اے؛ ایہہ بس دس دناں لئی نئیں ہندا۔
8۔ اسی وکھرے آں۔ اسی بس میری بیکر ایڈی دے پچھے ٹردے آں۔ ساڈی توجہ ایہدے ول ای رہندی اے۔ اسی فرقاں دی گل ایس لئی کر رہئے آں کیوں جے لوکاں نے ساہنوں ایہہ پچھیا اے۔
9۔ میری لینڈ توں: ایس چرچ وچ مینوں ذمہ داری دا بوہت احساس ہویا جیہڑا دوجیاں چرچاں وچ نئیں ملدا۔ اوتھے بس سبق پڑھن تے ہر اتوار نوں گرجے جانا ای ضروری سی؛ تے ہور کوئی کم نئیں کیتا جاندا۔ پر ایتھے ساڈے کولوں ہر روز کم کرن دی امید کیتی جاندی اے۔ ایس لئی ساڈی گواہیاں والی مجلس بوہت فرق ہندی اے؛ کیوں جے جو کجھ اسی سکھدے رہئے آں تے جیہدی اسی مشق کردے رہئے آں اوہدے نتیجے اسی دوجیاں نال قنڈن دے قابل ہوئے آں۔ دوجے چرچ وچ گواہیاں دی مجلس بالکل الٹ ہندی اے کیوں جے کسے دے کول کجھ وی کہن نوں نئیں ہندا۔ کیوں جے کوئی کجھ نئیں کر رہیا سی۔ تے ایس ذمہ داری دے نال رب دی قدرت دا بڑا احساس آؤندا اے، کیوں جے اسی جان دے آں پئی ہمیشہ کجھ نہ کجھ کیتا جا سکدا اے، اسی ایتھے بیٹھنا تے بھانویں غلط ای ہووے اسی ایہہ لینا ضرور اے، اسی ایہدے لئی کجھ نہ کجھ ضرور کر سکدے آں۔
10۔ جرمنی توں: ایتھے پلین فیلڈ چرچ وچ بس ایہہ آکھن پئی ’’رب محبت اے‘‘، تے رجائیت پسندی دے نال ہر شے اتے بے جا خوش ہندے رہن دی بجائے غلطی نوں سامنے لیایا جاندا اے تے فیر سچیائی تے محبت نوں ایہدے وچوں اْبھرن دی اجازت دتی جاندی اے۔ ایتھے ساہنوں غلطی نوں سامنے لیانا، ایہدے اْتے غور کرنا تے فیر ایہنوں ٹھیک کرنا سکھایا جاندا اے۔
11۔ کیلیفورنیا توں: ہیٹھلیاں چرچاں وچ ہمیشہ لطاافت سی، تے شے ہمیشہ خواشگوار تے چنگی ای لگدی سی، پرپلین فیلڈ چرچ وچ سب کجھ حقیقت اے۔ ایتھے تہانوں بوہت ٹھوس سچیائی ملے گی۔ ایتھے دی لطافت وچ پاپاں دا ڈھیر لْکیا ہووے گا۔ اسی ایہو جئیاں شیواں نوں ٹھیک کرن لئی باہر لیاؤنے آں۔
12۔ جارجیا توں: تنظیم وچ، کوئی وی ایہناں اخلاقی تبدیلیاں دے بارے گل نئیں کردا سی جیہڑیاں شفا نال تعلق رکھدیاں نیں۔ کوئی وی کسے دے خود غرض ہوون یا مغرور ہوون یا ایس طران دی کوئی گل نئیں سکدا۔ میں اینج دی کدی کسے کولوں کوئی گل نئیں سنی، کسے پیشہ ور ڈاکٹر نے کدی کسے ایسی شے دا ذکر نئیں کیتا جیہڑی مینوں آپ بدلن دی لوڑ سی۔ ہمیشہ اینج ای ہندا سی پئی، ’’محبت نوں ایہدا کم آپ کرن دو۔‘‘ پر کجھ اجیہیاں شیواں نیں جنہاں نوں بدلن دی لوڑ اے۔ مسز ایڈی کرسچن سائنس دی اوس شفا دے بارے گل کردی اے جیہڑی کردار بناؤن نال وی تعلق رکھدی اے، نہ کہ بس سکون لین نال تعلق رکھدی اے۔ ایس لئی ایہہ سوچنا بوہت خطرناک اے پئی، ’’میں مسیحی سائنسدان آں ایس لئی سب کجھ ٹھیک اے‘‘، جد کہ کجھ وی ٹھیک نہ ہووے۔
13۔ کیلیفورنیا توں: میری ماں نے مینوں پلین فیلڈ دے بارے دسیا۔ اوہناں نے مینوں پلین فیلڈ چرچ دے رسالے دی اک کاپی دتی، تے میں اوہ پڑھنا شروع کیتی، تے میں ویکھیا پئی ایہدے وچ کوئی شرمندگی والی شے نئیں سی۔ دوجے چرچ وچ میں ہمیشہ شرمندگی محسوس کردا سی، پر ایتھے نئیں۔
14۔ پینسیلوینیا توں: ایس چرچ وچ جانوراں دی مقناطیسیت دے بارے تعلیم بوہت صاف اے۔ ایہدے توں پہلاں جیس تعلیم نوں میں پڑھیا سی اوہ ایہناں صاف نئیں سی، ایہہ بس راہ وچالے ای سی۔ ایتھے تسی راہ وچالے نئیں رہندے تے ایہہ گل بوہت ضروری اے۔
15۔ جرمنی توں: اک پلین فیلڈ چرچ دے پیشہ ور ڈاکٹر نال کم کردیاں ہوئے، مینوں ہمیشہ کوئی نہ کوئی کم کرن لئی تے ایہدے اتے غور کرن لئی کجھ نہ کجھ ملیا۔ تہانوں ایہدے نال وابستگی رہندی اے، ایہہ اک جماعت وچ ہدایات دے تسلسل وانگر اے۔
16۔ جارجیا توں: پلین فیلڈ رب نوں پہلے نمبر تے رکھن تے زور دیندا اے، رب نوں پہلے نمبر تے ہونا چاہیدا اے۔ میں ہمیشہ صبح دے ویلے پہلاں کم سبق پڑھن والا نئیں کیتا، شاید میں کجھ دیر بعد ایہہ کراں گا، یا ایہدا کجھ حصہ ای کراں گا۔ پر ایتھے پہلے نمبر تے رب اے؛ ساہنوں اوہنوں پہلے نمبر تے ای رکھنا چاہیدا اے، اوہدے بعد جو کجھ تسی سکھدے او اوہدا عملی مظاہرہ۔ تہاڈے پورے دن وچ ایہہ چھوٹیاں چھوٹیاں کرن والیاں شیواں سچ مچ حیاتی بدلن والیاں نیں، یعنی ایس سائنس نوں ایسے طراں کرنا جیویں ایہنوں کرنا چاہیدا اے۔
17۔ ورجینیا توں: ایس چرچ دے بارے اک شے بوہت تازہ دم کرن والی اے پئی ہر شے کھلی تے ایمانداری نال سچی اے، ہر کوئی اپنی گل دس سکدا اے، کوئی خفیہ راز نئیں تے ہر کسے دی آکھی ہوئی گل تے تجربیاں توں ہر کوئی فائدہ لے سکدا اے۔ ایہدے وچ کوئی غرور شامل نئیں ہندا۔ تسی جان دے او جدوں کوئی کسے شے توں اَک جاندا اے، جدوں اوہ ایہدے بارے کوئی گل سکدے نیں پئی ایہہ اک غلطی سی، تے اوہ ایہناں دا نئیں رہندا۔
18۔ نیو یارک توں: پلین فیلڈ چرچ اپنے مالی معاملیاں وچ اپنے خرچیاں دا آپ ذمہ دار اے۔ بوسٹن چرچ اپنے آپ نوں دیوالیہ کر رہیا سی، تے اوہ ایہہ من دے وی نئیں سی پئی اوہ کجھ غلط کر رہئے سی۔