دن۔ بغیر اختصار توں – Body |

دن۔ بغیر اختصار توں – Body

میری بیکر ایڈی ولوں منسوب کیتا ہوئیا مضمون



سبق دی آڈیو لئی ایتھے کلک کرو



سیان تے بدن دی اصطلاح دا لفظی مطلب رب تے انسان اے، کیوں جے انسان سیان دا اظہار اے تے سیان دا مظہر سیان دا اوتار اے۔ ایس لئی انسان رب دابدن اے تے اک رب توں علاوہ ہور کوئی نئیں۔ ایس لئی بدن ہم آہنگ تے ابدی حیاتی دے قانون دی حکمرانی تے قابو وچ ہمیش تیکر رہندیاں ہوئے روحانی سوچاں دا جَتھا اے۔ کامل بدن دا ایہہ خیال بدن دے عقیدے نوں بچان والا اے تے کسے وی یا ہر کسے غلطی نوں ٹھیک کرن والا اے۔

جدوں نویں مفکراں نے کجھ ذہنی قانوناں نوں سمجھنا شروع کیتا تے اوہناں نوں بدن دی شفا لئی لاگو کرنا شروع کیتا تے ایہہ بہت چنگی گل محسوس کیتی گئی۔ایہہ ذہنی تعلیم ایہہ سی پئی انسان اپنے بدن دا آپ خالق یا بناؤن والا اے، پئی اوہ اپنے بدن نوں آپ اپنے خیالاں دے راہیں شکل دیندا اے، پئی اوہ اپنے بدن نوں اپنے خیالاں دے راہیں بدل سکدا اے، تے ایس لئی، جے اوہنے اپنی غلط سوچ یا جہالت دے پاروں بیمار بدن نوں شکل دِتی تے اوہ ٹھیک سوچ دے راہیں چنگے بدن نوں وی شکل دے سکدا اے، پئی اپنی جہالت تے غیر ہم آہنگ سوچ دے راہیں اوہ رب دے ظاہر ہوون نوں روک سکدا اے، تے اپنی سچی تے ہم آہنگ سوچ دے راہیں اوہ رب نوں ظاہر کر سکدا اے۔

بے شک، ایہہ دوائیاں دے پرانے نظام نالوں بوہت نواں نظام اے، پرایہہ اوہنوں بوہتے چِر تیکر مطمین نئیں کر سکدا جیہڑا پوری سچیائی دی تانگ رکھدا اے تے سچیائی دے علاوہ کجھ نئیں چاؤندا۔ ایہہ بدن نوں مخالفت تے لڑائی چگڑے والیاں قوتاں لئی جنگ دا میدان بنا دیندی اے، غلط سوچ نوں نِیواں کردی اے، ٹھیک سوچ نوں بناؤندی اے؛ غلط سوچ توں بیماری پیدا کرواندی اے ، ٹھیک سوچ توں بیماری نوں دور کرواندی اے تے تندرستی لیاؤندی اے، کیوں جے ایہہ تعلیم صرف ذاتی سوچ دی حالت نوں بدلن نال تعلق رکھدی اے نہ کہ ہستی دی نہ بدلن والی حالت، نہ بدلن والی ہر تھاں تے موجود سیان نال تعلق رکھدی اے۔ ایہہ پرانے طریقے نالوں چنگی اے، پر ایہہ اک اوکھا طریقہ اے جیہڑا چنگیائی تے بریائی دے وچکائے جنگ دا لگاتار راستہ اے، جیہڑا اوکھے کماں تے نتیجیاں داراستہ اے، کیوں جے ایہہ اک دی بجائے دو طاقتاں نال تعلق رکھدا اے۔

عملی طور تے سارے مابعد الطبعیاتی دے استاد ایس گل اْتے اتفاق کردے نیں پئی صرف اک ای حضوری اے، ایس لئی اک ای طاقت اے، پر اگلے مرحلے وچ اوہ ایس گل توں مکر وی جاندے نیں، یعنی ایہہ پئی ایس اک طاقت دا مطلب اک سرگرمی اے۔ ہر تھاں اْتے موجود دا مطلب اے پئی رب دی پوری موجودگی، یعنی رب ہر تھاں اْتے موجود اے، ہر ویلے موجود اے۔ ایہدا مطلب اے پئی رب تے اوہدی سر گرمی سارا کجھ ایتھے ای موجود اے، لْکیا ہوئیا نئیں بلکہ سامنے اے، بے شکل نئیں بلکہ بنایا ہوئیا اے۔ایس لئی ایہہ سمجھناچاہیدا اے پئی بنایا ہوئیا اوہنا ں ای کامل اے جنہاں بے شکل، آشکار کیتا ہوئیا اوہناں ای کامل اے جنہاں غیر آشکار، کیوں جے بس اک ای نا بدلن والا خالق، اک ای سر گرمی، اک ای طاقت، اک ای کامل سیان اے جیہڑی اپنے آپ ای کامل مادا لیاؤندی اے، ایہہ منطقی طور تے سمجھدی اے پئی سارا بناؤن دا کم نا بدلن والا تے ہمیشہ لئی کامل اے۔

بدن رب دا متجسد، رب دا بنایا ہوئیا تے رب دا پیدا کیتا ہوئیا اے۔ ایہہ رب ای اے جیہڑا رب وچ آؤندا اے تے رب آپ ای آؤندا اے تے انسانی عقیدیاں، آراء تے ذہنی نظریے رب نوں ظاہر نئیں کردے، تے نہ ای اوہ ایس ظہور نوں لکو کے رکھ دے نیں یا روکدے نیں۔ انسان آپ کجھ نئیں بناؤندا۔ اوہ بس ایہہ ویکھدا اے جو ابدی اے تے اپنی تربیت دے مطابق ایہنوں چنگا یا مندا آکھ دا اے۔

پولوس ساہنوں دس دا اے پئی اسی آپ اپنے بارے کجھ وی سوچن دی اہلیت رکھدے آں، پر ساڈی اہلیت رب ولوں اے۔ ساڈی سوچ دی اہلیت رب ولوں اے تے ساڈے خیالاں تے آراء نوں بناؤن دی صلاحیت ساڈی جہالت، ساڈے عقیدے دی ثنویت اے، پر ساڈی رب نوں سمجھن دی صلاحیت یا طاقت رب دے نال ای اے۔ فیر ایس نیوں اْتے اسی ویکھدے آں پئی انسان دے غلط یا رد کیتے ہوئے عقیدے ، آراء تے غلط تشریحاں کِتے وی رب دے مادے وچ یا بدن وچ حالات نوں پیدا کردے یا بناؤندے نئیں۔ غلط سوچ، جیہڑی اصل وچ ذہنی افراتفری تے الجھن اے، اوہدے وچ پیدا کرن دی قوت نئیں اے۔ ایہہ بیماری والے حالات پیدا نئیں کردی ۔ غلط سوچ آپ، ذہن دی افراتفری تے الجھن آپ اک حالت اے، کیوں جے حالت پوری طراں تے مکمل طور تے ذاتی ذہنیت نال تعلق رکھدی اے۔

مادے دی کوئی حالت نئیں اے کیوں جے مادا رب اے۔ حالت کوئی ٹھوس شے نئیں اے جنہوں بدن وچ بریائی یا اک جہالت دے رویے اْتے یقین کرن دے راہیں بنایا گیا ہووے۔ کالج دی اک عام جماعت وچ ایہہ تعریف پیش کیتی گئی اے: حالت سچیائی دا اوہ وچار اے جیہڑا محدود تے عارضی ہْندا اے۔ ایہہ کجھ اجیہی شے نئیں اے جنہوں محدود وچار نے بنایا ہووے، بلکہ ایہہ آپ ای محدود وچار اے۔ ایہدی کِتے کوئی تھاں نئیں اے سوائے افراتفری تے الجھن دے دائرے توں ، مطلب آراء تے نتیجیاں دی اوہ تھاں جیہدی نیوں جھوٹ دے حاطے اْتے ہووے۔

غیر ہم آہنگ عقیدہ غیر ہم آہنگ حالت پیدا نئیں کردا۔ اصل گھاٹا ایمان دا گھاٹا اے۔ اصل بیماری ایمان دی بیماری اے۔ ایس لئی بدن انسان دی تبدیلی انسان دی سوچ دی تبدیلی وکھالی دیندا اے۔ سادہ طور تے ایہدا مطلب عقیدیاں دی بیماری تے عیب دور ہٹ جاندے نیں تے ساڈی سوچ ٹھیک ہْندی تے سچیائی دے سامنے اصلی بنا کے کھڑی کیتی جاندی اے، تاں جے ساڈے سب توں پہلے مقصد اْتے ذہنی افراتفری تے الجھن دے بدل نہ چھان، تے اسی بدن نوں اونج ای ویکھدے آں جیویں رب ویکھدا اے تے جیویں ایہہ ہمیشہ لئی اے۔ فیر ایہہ ہیکل ساڈے سامنے ایہدی خوبصورتی تے جلال دے نال بغیر ہتھاں نال بنائے ہوئے کھڑی ہْندی اے۔ ساڈی جہالت جیہڑا کم کردی اے اوہ ساڈی سیان یا شیواں دے بارے ساڈ ےخیالاں اْتے اثرکردی اے۔ ایہہ اینج دی کسے شے نوں نئیں بدل دی جیہڑی رب نے بنائی ہووے۔

اسی کسے مادے نوں اپنی ذاتی سوچ نال بدلن دی ذمہ داری نئیں لیندے۔ اسی بس اپنی سوچ تے سیان دے درجے دے مطابق ویکھدے آں۔ والٹ وائیٹمن نے آکھیا ، ’’جگ اوس بندے لئی وِنگھا تے خراب اے جیہڑ آپ وِنگھا تے خراب اے‘‘، جیہدا دماغی دائرہ ہنیر اے۔ جے کسے بندے دے وچار جہالت تے تنگ نظری والے نیں تے ایہدے نال اوہدی سیان تْندھ دے بدلاں وچ بدل جاندی اے۔ جدوں اوہ ایہناں بدلاں وچوں ویکھدا اے تے اوہنوں ایہہ جگ ، بدن تے ایہہ ساریاں شیواں تحریف شْدہ، وِنگھیاں ٹِنگیاں تے غلط لگدیاں نیں۔

جے ہوا پانی ہنیر تے گھنا ہووے تے اسی ویکھدے ضرور آں پر بوہت تْندھلاتے ساہنوں اوہدی کاملیت دی سمجھ نئیں آؤندی۔ انسان اپنی ذہنی کوشش نال رب نوں ظاہر نئیں کر دا تے نہ ای اپنی سوچ دے راہیں رب نوں ظاہر ہوون توں روک سکدا اے۔ رب ہے اے تے رب ظاہر ہْندا اے، تے کوئی تنگ نظر ذاتی سوچ دی قوت یا ذہنی کوشش رب دے کم وچ رکاوٹ تے بَنھاں نئیں لاؤندی یا رب دی تخلیق دی کاملیت نوں خراب تے وگاڑ دی نئیں۔

اوہ کلی شے جیہڑی میری سوچ اْتے انحصار کردی اے، اوہ کلی شے جیہڑی ایہدا اثر لیندی اے، اوہ کلی شے جیہڑی ایہدے اْتے منحصر اے اوہ میری سیان اے، میرا احساس اے۔ ہو سکدا اے میں بدن دی سچیائی توں ناواقف ہوواں، پر ایہدے نال بدن وچ کوئی بدلاؤ نئیں آؤندا۔ہْن ایہہ پورا تے مکمل اے ، ایس لئی نئیں پئی میں اینج سوچدا آں، بلکہ ایس لئی پئی ایہہ رب دا ظہور اے۔ رب دے نال، رب وانگر سوچناں بدن دی کاملیت وکھاؤندا اے، پر بدن اوہناں ای ہْن کامل اے جنہاں میرے جانن توں پہلاں کامل سی۔ رب دا مادا اپنی کاملیت نوں نئیں چھڈدا تے بس ایس لئی نئیں کیوں جے میں ایہدی کاملیت توں نا واقف آں، تے نہ ای ایس لئی کامل بن دا اے پئی میں سچیائی توں واقف آں۔ اوہدی کاملیت میری سیان دے درجے اْتے انحصار نئیں کردی۔ ایہہ ابدی طور تے کامل اے کیوں جے ایہہ ابدی طور تے اونج دی اے جیویں دا رب اے تے کِتے وی ایہنوں کوئی ہور شے بناؤن والی کوئی طاقت نئیں اے۔ جے اسی ایہدے ول ذہنی تْندھ ، آراء، شکایتاں، خدشیاں تے الجھن دے نال ویکھدے آں تے اسی اوہدی کاملیت نوں نئیں سمجھ سکدے، پر ایہدے نال بدن وچ ہور کوئی بدلاؤ نئیں آؤندا جیویں تْندھ وچوں سورج نوں ویکھن نال سورج نوں کوئی فرق نئیں پیندا۔ 

اینج دے سارے خیالاں نے پئی دھرتی سِدھی اے ، دھرتی نوں سِدھا نئیں سی بنایا، ہے نہ؟ ایہہ بس اینج دی ای رہئی جیویں ایہہ ہے سی، تے بس اک شے جیہڑی بدلی یا جیہڑی بدل سکدی سی اوہ یہدے بارے انسان دے خیال سی۔ پکی گل اے، جدوں تیکر اوہ ایس گل اْتے نئیں اپڑیا اوہ ایس جہالت نوں ای سچیائی سمجھدا رہیا۔ 

اسی کئی واری سوچ دے راہیں بدن نوں روحانی ہوون دے بارے سْندے آں۔ ایہہ تعلیم بدن نوں بدنی یا مادی من دی اے تے ذہنی کوشش دے راہیں مادے نوں روح وچ بدلن دا ارادہ کردی اے۔ الٰہی سائنس ، ہر تھاں اْتے موجود رہن والے دی نیوں اْتے، ایہہ تعلیم دیندی اے پئی کیوں جے صرف اک ای مادا اے تے اوہ مادا روح اے، ایس لئی کوئی مادی بدن نئیں اے۔ بدن ہْن روح اے۔ ’’جے رب ای گھر نہ بناووے تے بناؤن والے دی محنت فضول اے۔‘‘ جدوں تیکر تسی اپنی ذہنی کوشش نال اپنے بدن نوں روحانی بناؤن یا بدن نوں ٹھیک کرن دی کوشش کردے رہو وگے تد تیکر تسی صحت یابی بناؤن وچ فضول محنت کردے رہووگے، کیوں جے تسی اینج دا کم کرن وچ رب دے حصے دا کم پورا کرن دی کوشش کر رہئے او جیہڑا پہلاں ای ہو چکیا اے۔

اسی کامل بنائی گئی کائنات وچ رہندے آں۔ کلا ساڈا بدن ای نئیں بلکہ اوہ سب کجھ جو بنایا گیا اے ظاہری طور تے بدن اے تے ہْن کامل اے۔ ایہہ گل منناں پئی لامتناہی مادا کسے بندے دے جہالت والے ذہنی کم نال بھیہڑا کر دِتا گیا اے، تے ایسے کم دے راہیں اوہنوں آزاد تے کامل بنایا جاووے گا، ایہدا مطلب اے پئی اک نئیں دو طاقتاں اْتے بھروسہ کرنا۔ بدن وچ کوئی حالت نئیں اے۔ بدن وچ کجھ وی دوبارہ بناؤن والا یا ٹھیک ہوون والا نئیں اے۔ تْسی سِدھے کھلوتے رہوو تے رب دی مکتی ویکھو۔ تہاڈے بولے گئے اکھان نوں کاملیت دے اظہار دی لوڑ نئیں، کیوں جے کاملیت ویکھی تے نا ویکھی ، بنائی گئی تے نا بنائی گئی ابدی حالت اے، پر اوہنوں تہاڈے آشکار دی لوڑ اے، کیوں جے کسے بندے دا آشکار ہونا تے وسیع ہونا تے ڈوہنگا ہونا اوس ویلے تیکر اے جدوں تیکر اوہ ایس کاملیت نوں سمجھدا اے۔ رب نوں ظاہر کرن دے بارے سوچنا بند کرو۔ رب ہْنے ای ظاہر اے۔ رب دا جلال تے کاملیت ہر تھاں اْتے ہر اوس بندے لئی موجود اے جیہدے کول ایہہ سب کجھ ویکھن لئی اکھیاں نیں۔ 

ساہنوں جو کرن دی لوڑاے، تے ایہہ ساہنوں مصروف وی رکھے گا، پئی اسی ایماندای نال تے لگاتار رب دے ہوون دی اصلیت نوں منن لئی ساڈی سوچ نوں ڈھنگ دَسئیے، اوہنوں ٹھیک فیصلے کرن دا فیصلہ کرن دا ڈھنگ دئیے، پئی رب تے بس رب نوں ای ویکھئے، پئی رب تے بس رب نوں ای سوچئیے۔ ہر تھاں اْتے موجود رہن والے نوں قبول کرن توں بعد، ایہدے اْتے قائم رہیئے بھانویں ظاہری حالت کجھ وی وکھالی دیندی ہووے۔ اپنے آپ نوں سمجھاؤندیاں ہوئے ظاہری صورتاں یا علامتاں اْتے کدی نہ جائیے۔ اپنی توجہ دا مرکز عضو یا کماں نہ بنائیے۔ حدوں باہر مادا، طاقت، ذہانت تے کم اپنی تھاں اْتے نیں تے اوہناں نوں تہاڈیاں صلاحواں دی لوڑ نئیں۔ کامل بدن نوں اپنے خیالاں نال بناؤن دی بالکل کوشش نہ کرو۔ بدن دے بارے سوچنا بند کرو یا اپنے نقطہ نظر اْتے ایہدے بغیر مقصد توں جوڑنا بند کرو۔ بدن دے بارے ساڈا سب توں وڈھا نظریہ ایہدے توں فیر وی چھوٹا ای اے جوبدن اصل وچ اے۔ ذہنی طور تے ایہنوں بغیر مقصد توں جوڑنا بند کرو۔ ایہنوں آزاد کرو تے جان دیوو۔ بس ایہہ جان لو پئی ایہہ رب دا بدن اے تے رب ایس ویلے تے ہر ویلے ایہنوں بنا رہیا اے یا اپنے کلام، اپنے الٰہی خیال دے مطابق ایہنوں تیار کر رہیا اے۔ یسوع نے لعذر نوں رب دا لازوال اظہار منیا۔ رب دا اوہ لازوال تے کامل اظہار تسی وی او۔