اتوار3مارچ، 2019 مضمون۔ مسیح یسوع |

اتوار3مارچ، 2019



مضمون۔ مسیح یسوع 

سنہری متن: یوحنا 14باب 6 آیت



’’راہ تے سچیائی تے حیاتی مَیں آں کوئی میرے وسیلے توں بغیر باپ کول نئیں جا سکدا۔‘‘





>سبق دی آڈیو لئی ایتھے کلک کرو

یوٹیوب تے سنن لئی ایتھے کلک کرو

████████████████████████████████████████████████████████████████████████


جوابی پڑھائی: 2کرنتھیوں 4باب1توں6آیتاں


1۔ ایس لئی جدوں ساڈے اْتے اجیہا رحم ہویا پئی ساہنوں ایہہ سیوا ملی تے اسی ہمت نہیں ہاردے۔

2۔ بلکہ اسی شرم دیاں لْکیاں ہوئیاں گلاں نوں چھڈ دِتا تے مکاری دی چال نئیں چلدے۔ نہ رب دے کلام وچ ملاوٹ کردے آں پئی بلکہ سچیائی ظاہر کر کے رب سے آمنے سامنے اک بندے دے دل وچ اپنی نیکی بٹھاؤنے آں۔

3 ۔ تے جے ساڈی خوش خبری اْتے پردہ پیا اے تے ہلاک ہوون والیاں لئی ای پیا اے۔

4۔ یعنی اوہناں بے ایماناں لئی جنہاں دیاں عقلاں نوں ایس جگ دے رب نے انھا کر دِتا اے تاں جو مسیح جیہڑا رب دی صورت اے اقہدے جلال دی خوش خبری دی روشنی اوہناں اْتے نہ پوے۔

5 ۔ کیوں جے اسی اپنی نئیں بلکہ مسیح یسوع دی منادی کر دے آں پئی اوہ رب اے تے اپنے بارے آکھد ے آں پئی یسوع دی خاطر تہاڈے غلام آں۔ 

6 ۔ ایس لئی پئی رب ای اے جنہے آکھیا کہ ہنیرے وچ نور چمکے تے اوہ ای ساڈے دلاں وچ چمکیا تاں جو رب دے جلال دی پچھان دا نور یسوع مسیح دے مکھڑے توں نکلے۔



درسی وعظ



بائب


1۔ متی 1باب23آیت

23۔ ویکھو اک کنواری حاملہ ہووے گی تے اک پْتر جمے گی تے اوہدا ناں اعمانوئیل رکھن گے جیدا مطلب اے رب ساڈے نال اے۔

2۔ لوقا 4باب14، 16 توں18، 21آیتاں

14۔ فیر یسوع روح دی قوت نال بھریا ہویا گلیل نوں پرتیا تے سارے آسے پاسے اوہدی دھْم مچ گئی۔ 

16۔ تے اوہ ناصرت وچ آیا جتھے اور جمیاں پلیا سی تے اپنی رِیت دے مطابق سبت دے دن عبادت خانے وچ گیا تے پڑھن لئی کھڑا ہوئیا۔

17۔ تے یسعیاہ نبی دی کتاب اوہنوں دِتی گئی تے کتاب کھول کے اوہنے اوہ تھاں کڈھی جتھے لکھیا سی پئی

18۔ رب دا روح میرے اْتے اے۔ ایس لئی پئی اوہنے مینوں غریباں نوں خوشخبری دین لئی مسح کیتا۔ اوہنے مینوں گھلیا اے پئی میں قیدیاں نوں رہائی تے انھیاں نوں بینائی پان دی خبر سنانواں۔ کچلے ہوئیاں نوں آزاد کراں۔

21۔ تے اوہ اوہناں نوں آکھن لگیا پئی اج ایہہ نوشتہ تمہاڈے سامنے پورا ہوئیا۔

3۔ مرقس 8باب11توں13 (توں،) ، 14، (توں،) ، 15توں17 (توں دوجاا،) ، 18توں21آیتاں

11۔ فیر فریسی نکل کے اوہدے نال بحثن لگ ہئے تے اوہنوں آزمان لئی اوہدے کولوں کوئی اسمانی نشان منگیا۔ 

12۔ اوہنے اپنی روھ وچ ہوکا بھر کے آکھیا ایس زمانے دے لوک نشان کیوں منگ دے نیں؟ مَیں تمہانوں سچی آکھدا آں پئی ایس زمانے دے لوکا ں نوں کوئی نشان نئیں دِتا جاووے گا۔

13 ۔ تے اوہ اوہناں نوں فیر چھڈ کے کشتی تے بیٹھیا تے پار چلا گیا۔

14 ۔ تے اوہ روٹی لیانا بھْل گئے سی۔

15 ۔ تے اوہنے اوہناں نوں حکم دِتا پئی خبردار فریسیاں دے خمیر تے ہیرودیس دے خمیر توں ہوشیار رہنا۔

16 ۔ اوہ آپ وچ گلاں کرن لگ پئے تے آکھن لگ پئے کہ ساڈے کول روٹی نئیں۔ 

17۔ پر یسوع نے ایہہ پتا کر کے آکھیا،

18۔ اکھاں نیں پر تسی ویکھدے نئیں؟ کن نیں تے تسی سْن دے نئیں؟ تے کیہ تہانوں یاد نئیں؟

19۔ جدوں مَیں پنج روٹیاں پنج ہزار لوکاں لئی توڑیاں تے تْسی کِنیاں ٹوکریاں ٹکڑیاں نال بھریاں ہوئیاں چْکیاں سی؟ اوہناں نے اوہنوں آکھیا بارہ۔

20 ۔ تے جدوں ست روٹیاں چار ہزار لوکاں لئی توڑیاں سی تے تسی کِنہے ٹوکرے ٹکڑیاں نال بھرے ہوئے چْکے سی؟ اوہناں نے اوہنوں آکھیا ست۔

21۔ اوہنے اوہناں نوں آکھیا ، کیہ تْسی ہلے وی نئیں سمجھدے؟

4۔ لوقا 18باب1توں8آیتاں

1 ۔ فیر اوہنے ایس پاروں پئی ہر ویلے دعا کردے رہنا تے ہمت نہ ہارنا اوہناں نوں اک تمثیل آکھی۔

2 ۔ کسے شہر وچ اک قاضی سی۔ نہ اوہ رب توں ڈر دا سی تے نہ کسی بندے دی پرواہ کردا سی۔

3 ۔ تے اوسے شہر وچ اک بیوہ سی جیہڑی اوہدے کول آکے آکھدی سی پئی میرا نیاں کر کے مینوں مدعی توں بچا۔

4۔ اوہنے کجھ ویلے تیکر تے نہ چاہیا پر اخیریں اوہنے اپنے دل وچ آکھیا پئی بھانویں میں نہ رب توں ڈردا تے نہ بندیاں دی کوئی پرواہ کردا آں۔

5 ۔ فیر وی ایس لئی پئی ایہہ بیوہ مینوں ستاؤندی اے مَیں ایہدانیاں کراں گا۔ اینج نہ ہوئے پئی ایہہ کڑی کڑی ایتھے آکے میرے نک وچ دم کر دیوے۔ 

6 ۔ رب نے آکھیا سنو ایہہ بے انصاف قاضی کیہ کہندا اے۔

7۔ ایس لئی کیہ رب اپنے لوکاں دا نیاں نئیں کرے گا جیہڑے رت دن اوہدے اگے فریاد کردے نیں؟ تے کیہ اوہ اوہناں لئی دیر کرے گا؟

8 ۔ مَیں تمہانوں آکھدا آں پئی اوہ جلدی اوہناں دا نیاں کرے گا۔ فیر وی جدوں ابنِ آدم آوے گا تے کیہ دھرتی اْتے ایمان پائے گا؟

5۔ لوقا7باب1توں10آیتاں

1 ۔ جدوں اوہنے لوکاں نوں اپنیاں ساریاں گلاں سنا لیاں تے کفر نحوم وچ آیا۔

2 ۔ تے کسے صوبے دار دا نوکر جنہوں اوہ بہت عزیز سی مرن والاسی۔

3۔ اوہنے یسوع دی خبر سْن کے یہودیاں دے کئی بزرگاں نوں اوہدے کول گھلیا تے اوہدے اگے درخواست کیتی پئی آکے میرے نوکر نوں چنگا کرے۔

4 ۔ اوہ یسوع کول آئے تے بڑی منت کر کے آکھن لگے پئی اوہ ایس لائق اے کہ تْو اوہدے لئی ایہہ کر۔

5 ۔ کیوں جے اوہ ساڈی قوم نال پیار کردا اے تے ساڈے عبادت خانے نوں اوہنے ای بنوایا سی۔

6 ۔ یسوع اوہناں دے نال گیا پر جدوں اور گھر دے کول پہنچے تے صوبے دار نے کجھ یاراں دے راہیں اوہنے آکھ کے گھلیا پئی اے ربا تکلیف نہ کر کیوں جے مَیں ایس لائق نئیں کہ توں میری چھت ہیٹھاں آنویں۔

7۔ ایس پاروں مَیں اپنے آپ نوں وی تیرے کول آؤن دے قابل نئیں سمجھیا بلکہ زبان نال آکھ دے تے میرا خادم ٹھیک ہو جاوے گا۔

8 ۔ کیوں جے میں دوجے دے اختیار وچ آں تے سپاہی میرے تھلے نیں تے جدوں مَیں اک نوں آکھداں کہ جا تے اوہ جاندا اے تے دوجے نوں آکھدا ں کہ آ تے اوہ آؤندا اے تے اپنے نوکر نوں آکھدا کہ ایہہ کر تے اوہ کردا اے۔

9 ۔ یسوع ایہہ سْن کے حیران ہوئیا تے پھر کے اوس جتھے نوں جیہڑا اوہدے پچھے پچھے آؤندا سی آکھیا مَیں تہانوں آکھدا پئی مَیں اجیہا ایمان اسرائیل وچ وی نئیں ویکھیا۔ 

10۔ تے گھلے ہوئے نوکراں نے پرت کے آکے اوس نوکر نوں ٹھیک ویکھیا۔  

6۔ متی 16باب13توں17، 19، 24، 27آیتاں

13۔ جدوں یسوع قیصریہ فلپی دے علاقے وچ آیا تے اوہنے اپنے شاگرداں نوں پچھیا پئی لوک ابنِ آدم نوں کیہ آکھدے نیں؟

14۔ اوہناں نے آکھیا کجھ یوحنا بپتسمہ دین والے آکھدے نیں کجھ ایلیاہ تے کجھ یرمیاہ یا نبیاں وچوں کوئی۔

15۔ اوہنے اوہناں نوں پچھیا پر تسی مینوں کیہ آکھدے او؟

16 ۔ شمعون پطرس نے جواب وچ آکھیا تْو زندہ رب دا پْتر مسیح ایں۔

17 ۔ یسوع نے جواب وچ اوہنوں آکھیا مبارک ایں توں شمعون بر یونا کیوں جے ایہہ گل گوشت تے لہو نے نئیں بلکہ میرے پیو نے جیہڑا اسمان اْتے اے تیرے اْتے ظاہر کیتی اے۔

19۔ مَیں اسمان دی بادشاہی دیاں کنجیاں تینوں دیواں گا تے جو کجھ تْوں دھرتی اْتے بنھیں گا اوہ اسمان اْتے بجّے گا تے جو کجھ تْوں دھرتی اْتے کھولیں گا اوہ اسمان اْتے کھْلے گا۔

24۔ اوس ویلے یسوع نے اپنے شاگرداں نوں آکھیا پئی جے کوئی میرے پچھے آؤنا چاہوے تے اپنے آپ دا انکار کرے تے اپنی سولی چْکے تے میرے پچھے پچھے آجاوے۔

27۔ کیوں جے ابنِ آدم اپنے پیو دے جلال وچ اپنے فرشتاں دے نال آوے گا۔ اوس ویلے ہر اک نوں اوہدے کماں دے مطابق بدلہ دیوے گا۔

7۔ متی 5باب16آیت

16۔ ایسے طراں تہاڈی لو بندیاں اْتے چمکے تاں جو اوہ تہاڈے نیک کماں نوں ویکھ کے تہاڈے پیو دی جیہڑا اسمان اْتے اے تمجید کرن۔



سائنس تے صحت


1۔ 180: 25۔30

جدوں رب، ازلی فہم جیہڑا ساریاں گلاں سمجھدا اے، انسان اْتے حکومت کردا اے تے انسان جان دا اے پئی رب لئی سب کجھ ممکن اے۔ ایس زندہ سچیائی نوں جانن دا کلّا راستہ ، جیہڑی بیمار نوں شفا دیندی اے، الٰہی سیان دی سائنس وچ پایا جاندا اے۔ کیوں جے ایہہ مسیح یسوع دے راہیں سکھائی گئی تے ظاہر ہوئی۔

2۔ 11: 9۔16 (توں دوجا،)

کرسچن سائنس دی جسمانی شفا الٰہی اصول دے کم نال ہْن ، یسوع دے زمانے وانگر، سامنے آؤندی اے، جیدے توں پہلاں پاپ تے بیماریانسان دے ضمیر وچ اپنی اصل کھو دیندے نیں تے اینج فطری تے لازمی طور تے گواچ جاندے نیں جیویں ہنیرا لو نوں تے پاپ درستگی نوں تھاں دیندے نیں۔ اوس ویلے وانگر، ہْن وی قادر کم مافوق الفطری نئیں بلکہ بوہت فطری نیں۔ یہ اعمانوئیل یا ’’رب ساڈے نال اے‘‘ دی نشانی نیں۔

3۔ 332: 9 (مسیح) ۔ 15

مسیح چنگا ظاہر ہوون والا اصل خیال، انسانی ضمیر نال گل کرن والا ، بشر لئی رب دا پیغام اے۔ مسیح غیر مادی، روحانی، ہاں ، الٰہی شبیہ تے صورت ، حواس دے فریب دی تردید کرن والا؛ راہ ،سچیائی تے حیاتی ، بیماراں نوں شفا دین تے بدروحاں نوں کڈھن والا، پاپ تے بیماری تے موت نوں تباہ کرن والا اے۔

4۔ 473: 12۔13 (توں دوجاا،)

یسوع اوس بندے دا ناں اے جنہے، باقی دوجے بندیاں توں بوہتا، مسیح نوں پیش کیتا۔

5۔ 51: 19۔21

اوہدا کامل نمونہ ساڈے ساریاں دی مکتی لئی سی، پر صرف اوہ کم کرن دے راہیں جیہڑے اوہنے کیتے تے دوجیاں نوں اوہناں دی تعلیم دتی۔

6۔ 38: 26۔32

جیہڑے لوک بس اپنی خوشی تے حواس دی تسکین وچ جیوندیاں ہوئے پاپ اْتے یقین کرن تے اپنے آپ وچ ای دفن نیں اوہناں لئی اوہنے مادیت وچ آکھیا: اکھاں ہے نیں پر تسی ویکھدے ئیں، کن ہے نیں پر تسی سْن دے نئیں؛ پئی کِتے دلوں نہ سمجھ لو تے باز آؤ تے میں تہانوں شفا دیواں۔ اوہنے تعلیم دتی پئی مادی حواس سچیائی نوں تے اوہدی شفا دین والی طاقت نوں چْپ کراؤندے نیں۔ 

7۔ 33: 18۔26

جدوں اوہدے اندر انسانی عنصر الٰہی عنصر نال لڑ رہیا سی تے ساڈے وڈھے اْستاد نے آکھیا: ’’میری نئیں پر تیری مرضی پوری ہووے!‘‘ یعنی، میرے اندر بدن نئیں بلکہ روح ظاہر ہووے۔ ایہہ روحانی پیار دی نویں سمجھ اے۔ ایہہ سب کجھ مسیح یا سچیائی لئی مہیا کردا اے۔ ایہہ ویریاں نوں برکت دیندا، بیماراں نوں شفا دیندا، غلطیاں نوں باہر کڈھدا، پاپاں تے خطاواں وچ مرے ہوئے لوکاں نوں زندہ کردا تے جیہڑے دل دے غریب تے فروتن نیں اوہناں نوں انجیل دی خوشخبری سناؤندا اے۔

8۔ 135: 26۔14

مسیحیت جیویں یسوع نے ایہدی تعلیم دِتی سی کوئی بھید یا تقریباں دا اک نظام نئیں تے نہ ای اک رسمی یہواہ ولوں کوئی تحفہ اے؛ بلکہ ایہہ غلطی نوں مْکان تے بیمار نوں شفا دین لئی پیار دا اظہار سی، صرف مسیح یا سچیائی دے ناں نال نئیں، بلکہ سچیائی دے اظہار وچ، جیویں دا معاملہ الٰہی لو دے سلسلے دا ہویا ہوئے گا۔ 

یسوع نے مسیح دی شفا دی روحانی بنیاد اْتے اپنا چرچ بنایا تے اپنے مشن نوں جاری رکھیا۔ اوہنے اپنے پچھے ٹْرن والیاں نوں سکھایا پئی اوہدا مذہب الٰہی اصول سی، جیہڑا خطا نوں باہر کڈھ دا تے بیمار تے پاپی دونواں نوں شفا دیندا سی۔ اوہنے رب تے وکھرے کسے عقل، کم تے نہ ای کسے حیاتی دا دعویٰ کیتا۔ایس مصیبت دے باوجود جیہڑے ایہدے پاروں ای اوہدے اْتے آئی سی، اوہنے الٰہی طاقت نوں انسان نوں روحانی تے جسمانی دونواں طراں دی نجات دین لئی ورتیا۔

ہْن وانگر اوس ویلے وی ایہہ ای سوال سی، یسوع نے بیمار نوں کیویں شفا دِتی؟ ایس سوال اْتے اوہدے جواب نوں جگ نے رد کردِتا۔ اوہنے اپنے طالب علماں نوں پْچھیا: ’’لوک ابنِ آدم نوں کیہ آکھدے نیں؟‘‘یعنی بدروحاں نوں کڈھن تے بیماراں نوں شفا دین نال کیہدی تے کیہ شناخت بن دی اے؟

9۔ 137: 16 (شمعون) ۔25

۔۔۔شمعون نے اپنے بھرانوں لئی جواب دِتا، تے اوہدے جواب نے بڑی سچیائی نوں جنم دِتا: ’’توں زندہ رب دا پْتر مسیح ایں!‘‘ یعنی : اوہ مسیحا ایں جیدا تْوں پرچار کیتا ، مسیح، رب دی، سچائی دی، تے حیاتی تے پیار دی روح، جیہڑی ذہنی طور تے شفا دیندی اے۔ ایس دعوے نے یسوع ولوں خیر دی دعا نوں پیش کیتا، ’’مبارک ایں توں شمعون بر یونا کیوں جے ایہہ گل گوشت تے لہو نے نئیں بلکہ میرے پیو نے جیہڑا اسمان اْتے اے تیرے اْتے ظاہر کیتی اے‘‘؛ یعنی پیار نے تیرے لئی حیاتی دا بوہا کھول چھڈیا اے!

10۔ 560: 30۔4

الٰہی خیال توں بے خبری خیال، یعنی پیار تے سچائی توں جہالت ، دے الٰہی اصول توں وڈھی بے خبری نوں اک دم دھوکہ دیندی اے۔ سچیائی تے پیار ، یعنی اوس اصول دی سیان جیہڑا ابدی چنگیائی دے پورا ہوون دا کم کردا اے تے بدی اْتے یقین تے بدی دی مشق دونواں نوں تباہ کردا اے، تے ایہہ سمجھ الٰہی خیال دی سیان تے عقل ول لے جاندی اے۔ 

11۔ 138: 9۔11، 17۔22

ایس روحانی طور تے سائنسی بنیاد اْتے یسوع نے علاج نوں واضح کیتا جیہڑا غیراں لئی معجزاتی ظاہر ہوئیا۔

یسوع نے مسیحی دور وچ پوری مسیحت لئی اک مثال، تھیالوجی تے شفا نوں اگے ودھایا۔ مسیحی لوک اج وی ایسے طراں ایہناں حکماں دے تھلے نیں، جیویں اوہدوں سی، کہ مسیح وانگر بنن، مسیح دی روح پان، مسیح دے نمونے اْتے چلن تے بیماراں دے نال نال پاپ کرن والیاں نوں وی شفا دین۔ 

12۔ 132: 20۔27

اج ماضی وانگر، روحانی خیال دی دوبارہ آمد تو غفلت یعنی انھا ایمان بوہے بند کر دیندا اے، تے جے ایہہ کسے مادے یا نظریاتی علم دے نال نہ بنایا گیا ہووے تے ایہہ بیماراں تے پاپ کرن والیاں دے علاج نوں روکدا اے۔ رب دے حقیقی خیال یعنی ساریاں ذہنی تے جسمانی خطاواں توں ایس مکتی دی مثالیت توں انکار کرن دا اندازہ لاؤندیاں ہوئے، یسوع نے پْچھیا، ’’جدوں ابنِ آدم آوے گا تے کیہ دھرتی اْتے ایمان پائے گا؟‘‘

13۔ 37: 16۔17

یسوع دے پچھے ٹْرن والے دعویدار کدوں اوہدیاں سارہیاں راہواں اْتے ٹْرن گے تے اوہدے وڈھے وڈھے کماں دی نقل کرن گے؟

14۔ 55: 22۔26

الٰہی شفا دے فیر آؤن دا ویلہ ہمیشہ توں اے؛ تے جیہڑا وی اپنیاں زمینی شیواں الٰہی سائنس دی الطار اْتے لیاؤندا اے، اوہ ہْنے مسیح دے پیالے وچوں پیندا اے تے ہْنے مسیحی شفا دی طاقت تے روح نوں پا کے رکھی بیٹھا اے۔ 

15۔ 34: 13 (ساریاں نوں) ، 14(ہووے گا) ۔ 17

جے سارے لوک اپنی صلیب چْکن، بیماراں نوں شفا دین، بدروحاں نوں باہر کڈھن، تے غریباں، حاصل کنندہ خیال نوں مسیح یا سچیائی دی تعلیم دین تے اوہ ہزار ورھیاں وچ شامل ہوون گے۔


روزانہ دے فر

میری بیکر ایڈی ولو

روز انہ دی دع

ایس چرچ دے ہر رکن دا ایہہ فرض اے پئی ہر روز اوہ ایہہ دعا کرے: ’’تیری بادشاہی آوے؛‘‘ الٰہی سچیائی، حیاتی تے پیار دی سلطنت میرے اندر قائم ہووے، تے سارے پاپ میتھوں نکل جان؛ تے تیرا کلام سارے انساناں دے پیار نوں ودھاوے، تے اوہناں اْتے حکومت کرے۔

چرچ مینوئیل، آرٹیکل VIII، س

مقصداں تے کماں دا اک اصول

نہ کوئی مخالفت تے نہ کوئی ذاتی تعلق مادری چرچ دے کسے رکن دے مقصداں یا کماں اْتے اثر نئیں کرنے چاہیدے۔ سائنس وچ، بس الٰہی پیار ای حکومت کردا اے، تے اک مسیحی سائنسدان پاپ نوں رد کردیاں ہوئے، سْچی پراہ بندی، خیرات پسندی تے معافی نال پیار دیاں مِٹھیاں سچیائیاں دا پرچھانواں بن دا اے۔ ایس چرچ دے سارے رکناں نوں سارے پاپاں توں، غلط طراں دیاں پیشن گوئیاں ، منصفیاں، مذمتاں، صلاحواں، غلط اثراں نوں لین تے غلط اثر دین توں آزاد رہن لئی ہر روز خیال رکھنا چاہیدا اے تے دعا کرنی چاہیدی اے

چرچ مینوئیل، آرٹیکل VIII، سیکشن 1۔

فرض لئی چْستی

ایس چرچ دے ہر رکن دا ایہہ فرض اے پئی اوہ ہر روز جارحانہ ذہنی صلاحواں دے خلاف اپنے آپ نوں تیار رکھے، تے رب، اپنے قائد تے انساناں لئی اپنے فرضاں نوں نہ کدی بھْلے تے نہ کدی نظر انداز کرے۔ اوہدے کماں دے راہیں اوہدا انصاف ہووے گا، اوہ بے قصور یا قصور وار ہووے گا۔

چرچ مینوئیل، آرٹیکل VIII، سیکشن 6۔


████████████████████████████████████████████████████████████████████████