اتوار24مارچ، 2019



مضمون۔ مادا

سنہری متن: یرمیاہ 2 باب 18آیت



’’کیہ کسے قوم نے اپنے معبوداں نوں حالانکہ اوہ رب نئیں سی بدلیا اے؟۔‘‘





>سبق دی آڈیو لئی ایتھے کلک کرو

یوٹیوب تے سنن لئی ایتھے کلک کرو

████████████████████████████████████████████████████████████████████████


جوابی پڑھائی: یسعیاہ 51باب 4 توں 6آیتاںیسعیاہ 32 باب 17تے 18آیتاں


4۔میرے ول توجہ کرو اے میرے لوکو! میرے ول اپنے کن لا اے میری امْت! کیوں جے شریعت میرے توں صادر ہووے گی تے مَیں اپنے عدل نوں لوکاں دی لَو بنانواں گا۔

5۔میری صداقت نیہڑے اے۔ میری مکتی ظاہر اے تے میریاں بانہواں لوکاں اْتے حکمرانی کرن گِیاں۔ جزیرے میری اْڈیک کرن گے تے میری بانہہ اْتے اوہناں دا بھروسہ ہووے گا۔

6۔اپنیاں اکھیاں اسمان ول چکو تے ہیٹھاں دھرتی ول ویکھو۔ کیوں جے اسمان دھوئیں وانگر غائب ہو جان گے تے دھرتی کپڑے وانگر پرانی ہو جاووے گی تے اوہناں دے لوک مچھراں وانگر مر جان گے پر میری مکتی ہمیش تیکر رہوے گی تے میری صداقت موقوف نہ ہووے گی۔ 

17۔تے صداقت دا انجام صْلح ہووے گاتے صداقت دا پھل ہمیشہ دا آرام تے سکون ہووے گا۔ 

18۔تے میرے لوک سلامتی دے مکاناں وچ تے خطرے توں خالی گھراں وچ تے آسودگی تے آسائشاں والے مکاناں وچ رہن گے۔



درسی وعظ



بائب


1۔ زبور90: 1،2 آیتاں

1۔اے ربا! نسل در نسل تْو ساڈی پناہ گاہ رہیاں ایں۔

2۔ایہدے توں پہلاں پئی پہاڑ پیدا ہوئے یا دھرتی تے جگ نوں تْو بنایا۔ ازلاں توں ہمیش تیکر تْو ای رب ایں۔

2۔ زبور 115: 1توں 8،11 آیتاں

1۔ساہنوں نئیں! اے ربا! ساہنوں نئیں بلکہ تْو اپنے ای ناں نوں اپنی شفقت تے سچیائی دی خاطر جلال دے۔

2۔قوماں کیوں آکھن پئی ہْن اوہناں دا رب کِتھے اے؟

3۔ساڈا رب تے اسمان اْتے اے۔ اوہنے جوکجھ چاہئیا اوہ ای کیتا۔

4۔اوہناں دے بت چاندی تے سونا نیں یعنی بندیاں دے ہتھ دیاں بنیاں شیواں۔

5۔اوہناں دے مونہہ ہے نیں پر اوہ بولدے نئیں۔ اکھیاں ہے نیں پر اوہ ویکھدے نئیں۔

6۔اوہناں دے کن ہے نیں پر اوہ سن دے نئیں نک ہے اے پر اوہ سْنگدے نئیں۔

7۔اوہناں دے ہتھ ہے نیں پر اوہ چھْوندے نئیں پیر ہے نیں پر اوہ ٹْردے نئیں تے اوہناں دے گلے وچوں آواز نکلدی اے۔ 

8۔اوہناں نوں بناؤن والے اوہناں ورگے ای ہو جان گے۔ بلکہ اوہ سارے جیہڑے اوہناں اْتے بھروسہ کردے نیں۔ 

11۔اے رب توں ڈرن والیو! رب اْتے بھروسہ رکھو۔ اوہ اوہناں دی کْمک اے تے اوہناں دی سِپر اے۔

3۔ 2سلاطین 6باب 1،2،4 (تے) 7آیتاں

1۔تے نبیاں دے پْتراں نے الیشع نوں آکھیا پئی ویکھ ایہہ تھاں جتھے اسی تیرے سامنے رہندے آں ساڈے لئی تنگ اے۔ 

2۔ایس لئی ساہنوں تو ذرا یردن ول جان دے پئی اسی اوہتھے اک کڑی لئیے تے اوہتھے ای تھاں بنا لئیے جتھے اسی رہ سکئیے اوہنے جواب دِتا پئی جاؤ۔ 

4۔تے جدوں اوہ یردن اْتے اپڑے تے لکڑی وڈھن لگے۔ 

5۔پر اک دی کہواڑی دا لوہیا جدوں اوہ کڑی وڈھن ڈیا سی پانی وچ ڈِگ گیا تے اوہ چیکن لگ پیا ہائے میرے مالک ایہہ تے منگیا ہوئیا سی۔ 

6۔رب دے بندے نے آکھیا اوہ کیس تھاں تے ڈِگیا سی؟ اوہنے اوہنوں اوہ تھاں وکھائی فیر اوہنے اوتھے اک سوٹی دا ٹکڑا سْٹ دِتا تے اوہ لوہئیا تیرن لگ پیا۔ 

7۔فیر اوہنے آکھیا اپنے لئی چْک لے تے اوہنے ہتھ ودھا کے اوہ چْک لیا۔

4۔ یسعیاہ10 باب 15آیتاں

15۔ کیہ کہواڑا اوہدے اگے جیہڑا اوہدے نال وڈھ دا اے تِنگڑے کریگا؟ کیہ آراہ، آراہ چلان والے دے اگے شوخی مارے گا؟ جیویں ڈنڈا اپنے چْکن والے نوں حرکت دیندا اے تے سوٹی بندے نوں چْک دی اے۔

5۔ حبقوق 2باب 18 توں 20آیتاں

18۔کڑھی ہوئی مورتی توں کیہ ملناں پئی اوہدے بناؤن والے نے اوہنوں کاڑھ کے بنایا؟ تراشی ہوئی مورت تے جھوٹ سکھاؤن والے توں کیہ فائدہ پئی اوہنوں بناؤن والا اوہدے اْتے بھروسہ رکھدا اے تے گْنگے بْتاں نوں بناؤندا اے؟

19۔اوہدے اْتے افسوس جیہڑا لکڑی نوں آکھدا اے پئی جاگ! تے بے زبان پتھر نوں پئی اْٹھ! کیہ اوہ تعلیم دے سکدا اے؟ ویکھ اوہ تے سونے چاندی نال کڑٌھیا اے پر اوہدے وچ دم نئیں ۔

20۔پر رب اپنی پاک ہیکل وچ اے۔ ساری دھرتی اوہدے اگے چْپ رہووے۔

6۔ متی14 باب 14آیت

14۔اوہنے اْتر کے بہت وڈھا جتھا ویکھیا تے اوہنوں اوہناں اْتے ترس آیا تے اوہنے اوہناں دے بیماراں نوں ٹھیک کر دِتا۔

7۔ یوحنا 6باب 1،2، 5، 8توں 12، 16توں 21، 24 توں 27آیتاں

1۔ایہناں گلاں توں بعد یسوع گلیل دی جھیل یعنی تبریاس دی جھیل دے پار گیا۔

2۔تے وڈھاجتھا اوہدے مگر لگ گیا کیوں جے جیہڑے معجزے اوہ لوکاں اْتے کر دا سی اوہناں نوں اوہ ویکھدے سی۔

5۔فیر یسوع نے جدوں اپنیاں اکھیاں چْک کے ویکھیا پئی میرے کول وڈھا جتھا آرہیا اے تے فلپس نوں آکھیا پئی اسی ایہناں دے کھان لئی روٹیاں مْل کِتھوں لئیے؟

8۔اوہدے چیلیاں وچوں اک نے یعنی شمعون پطرس دے بھرا اندریاس نے اوہنوں آکھیا ۔

9۔ایتھے اک مْنڈا ے جیدے کول جَو دیاں پنج روٹیاں تے دو مچھلیاں نیں پر ایہہ ایہناں لوکاں وچ کیہ نیں؟

10۔یسوع نے آکھیا پئی لوکاں نوں بٹھاؤ تے اوتھے بوہت کاہ سی۔ ایس لئی اوہ بندے جیہڑے گھٹ و گھٹ پنج ہزار سی بہہ گئے۔ 

11۔یسوع نے اوہ روٹیاں لئیاں تے شکر کر کے اوہناں نوں جیہڑے بیٹھے سی ونڈ دِتیاں تے ایسے طراں مچھلیاں وچوں جنہوں جو چاہیدا سی ونڈ دِتا۔ 

12۔جدوں اوہ رج گئے تے اوہنے اپنے چیلیاں نوں آکھیا پئی بچے ہوئے ٹکڑیاں نوں اکٹھا کرو تاں جو کجھ ضائع نہ ہووے۔

16۔فیر جدوں شام ہوئی تے اوہدے چیلے جھیل دے کنڈے اْتے گئے۔

17۔تے اوہ کشتی وچ بیٹھ کے جھیل دے پار کفر نحوم نوں جاندے سی۔ اوس ویلے ہنیرا ہو گیا سی تے یسوع ہلے تیکر اوہنے دے کول نئیں سی آیا۔ 

18۔تے ہنیری دے پاروں جھیل وچ چھلاں اْٹھن لگ پیئاں۔

19۔فیر جدوں اوہ ہلدے ہلدے تِن چار میل اگاں نوں نکل گئے تے اوہناں نے یسوع نوں جھیل اْتے ٹردیاں ویکھیا تے کشتی دے کول آؤندیاں ویکھیا تے ڈر گئے۔ 

20۔پر اوہنے اوہناں نوں آکھیا مَیں آں۔ نہ ڈرو۔

21۔فیر اوہ اوہنوں کشتی وچ بلاؤن لئی راضی ہوئے تے چھیتی نال اوہ کشتی اوتھے اپڑ گئی جتھے اوہ جانا چاؤندے سی۔ 

24۔فیر جدوں جتھے نے ویکھیا پئی نہ ایتھے یسوع اے تے نہ اوہدے چیلے نیں تے اوہ آپ چھوٹیاں کشتیاں وچ بہہ کے یسوع نوں لبھن لئی کفر نحوم آگئے۔

25۔تے جھیل دے پار اوہنوں مل کے آکھیا اے ربی! تْو ایتھے کدوں آیا؟

26۔یسوع نے اوہناں نوں جواب دے کے آکھیا میں تہانوں سچی آکھدا آں پئی تْسی مینوں ایس لئی نئیں لبھدے پئی تسی معجزے ویکھے سی بلکہ ایس لئی پئی تْسی روٹیاں کھا کے رجے سی۔

27۔فانی روٹی لئی محنت نہ کرو اوس روٹی لئی جیہڑی ہمیشہ دی حیاتی تیکر باقی رہندی اے جیہڑی ابنِ آدم تہانوں دیووے گا کیوں جے باپ یعنی رب نے اوہدے اْتے ای مہر لائی اے۔ 

8۔ متی 6باب19، 20،24 (ہاں) ، 25 (توں۔) ، 32 (تہاڈے لئی) ، 33 آیتاں

19۔ اپنے لئی دھرتی اْتے مال اکٹھا نہ کرو جتھے کِیڑا تے جنگال خراب کردا اے تے جِتھے چور نقب لاؤندے تے چوری کر دے نیں۔ 

20۔بلکہ اپنے لئی اسمان اْتے مال اکٹھا کرو جِتھے نہ کِیڑا خراب کردا اے نہ جنگال تے نہ اوتھے چور نقب لاؤندے تے چوری کردے نیں۔ 

24۔کوئی بندہ دو مالکاں دی سیوا نہیں کر سکدا کیوں جے یا تے اک نال وَیر رکھے گا تے دوجے نال پیار ۔ یا اک نال ملیا رہئے گا تے دوجے نو ں گھٹیا سمجھے گا۔ تْسی رب تے دولت دونواں دی سیوا نئیں کر سکدے۔

25۔ایس لئی مَیں تہانوں آکھدا پئی اپنی جان دی فکر نہ کرو پئی اسی کیہ کھانواں گے یا کیہ پینواں گے؟ تے نہ اپنے بدن دی پئی کیہ پانواں گے؟ کیہ جِند روٹی توں تے بدن کپڑیاں توں ودھ کے نئیں؟

32۔... تے تہاڈا اسمانی پیو جان دا اے پئی تہانوں ایہناں شیواں دی لوڑ اے۔

33۔بلکہ تْسی پہلاں اوہدی بادشاہی تے اوہدی راستبازی نوں لبھو تے ایہہ ساریاں شیواں وی تہانوں مل جان گیاں۔



سائنس تے صحت


1۔ 468: 9(ایتھے) ۔ 11

مادے وچ نہ کوئی حیاتی، سچیائی ، ذہانت تے نہ ای مواد ہْندا اے۔ کیوں جے رب سب دا حاکم اے ایس لئی سب کجھ لامتناہی سیان تے اوہدا لامتناہی اظہار اے۔

2۔ 295: 5۔ 11

رب سنسار، ایہدے نال انسان نوں بناؤندا اے تے اوہدے اْتے حکومت کردا اے۔ سنسار روحانی خیالاں نال بھریا اے جنہاں نوں اوہ تیار کردا اے تے اوہ اوس سیان دے فرمانبردار نیں جیہڑی اوہناں نوں بناؤندی اے۔ فانی سیان روحانی شے نوں مادے وچ بدل دیووے گی تے فیر ایس غلطی دی فانیت توں بچن لئی انسان دی اصلی خودی نوں ٹھیک کرے گی۔

3۔ 335: 7 (روح) ۔ 12

روح، یعنی رب نے ساریاں نوں اپنے آپ توں تے اپنے آپ وچ بنایا ۔ روح نے مادے نوں کدی نئیں بنایا۔ روح وچ اجیہا کجھ نئیں ہے جیدے نال مادے نوں بنایا جا سکے۔ کیوں جے جیویں کہ بائبل واضح کردی اے پئی ’’جو کجھ وی پیدا ہوئیا اوہدے وچوں کوئی شے وی ‘‘ لوگوس، ایؤن یا رب دے کلمے دے بغیر پیدا نئیں ہوئی۔ 

4۔ 134: 21۔8

سْچا لوگوس قابل اثبات کرسچن سائنس اے، ہم آہنگی دا اوہ فطری قانون جیہڑا اختلاف اْتے فتح پاؤندا اے، ایس لئی نئیں پئی ایہہ سائنس مافوق الفطری یا غیر طبعی اے تے نہ ای ایس لئی پئی ایہہ الٰہی قانون دی خلاف ورزی اے، بلکہ ایس لئی پئی ایہہ رب یعنی نیکی دا ناقابل تبدیل قانون اے۔ یسوع نے آکھیا ’’مینوں تے پتا سی پئی تْو ہمیشہ میری سْن دا ایں‘‘؛ تے اوہنے لعذر نوں زندہ کیتا، طوفان نوں روکیا، بیمار نوں شفا دِتی، پانی اْتے ٹریا۔ ایتھے مادے دے مقابلے وچ روحانی قدرت دی برتری اْتے یقین رکھن دا الٰہی اختیار اے۔

اک معجزہ رب دے قانون نوں پورا کرد ااے، پر اوس قانون نوں توڑدا نئیں۔ایہہ سچیائی آپ معجزے توں بوہتی پْر اسرار لگدی اے۔ زبور لکھن والے نے ایہہ گایا سی: ’’اے سمندر تینوں کیہ ہوئیا پئی تْو نس دا ایں؟ اے یردن! تینوں کیہ ہوئیا پئی تو پچھاں ہٹدا ایں؟ اے پہاڑو تہانوں کیہ ہوئیا پئی تسی مینڈھیاں وانگر پْڑکدے او؟ اے پہاڑیو تہانوں کیہ ہوئیا پئی تْسی بھیڈ دے بچیاں وانگر پْڑکدیاں او؟ اے دھرتی تْو رب دے سامنے ۔ یعقوب دے رب دے سامنے کمب۔‘‘ ایہہ معجزہ کسے اختلاف دا تعارف نئیں کراؤندا، بلکہ رب دے ناقابل تبدیل قانون دی سائنس نوں قائم کردیاں ہوئے بنیادی ترتیب نوں واضح کرد ا اے۔ 

5۔ 127: 32۔2 (پہلے توں)

کیوں جے ساری سچیائی سیان توں جاری ہْندی اے ایس لئی اوہدے وچ جسمانی سائنس نئیں اے۔ ایس لئی سچیائی انسان وی نئیں اے، تے ایہہ مادے دا قانون نئیں اے کیوں جے مادا قانون دین والا نئیں اے۔ سائنس الٰہی سیان دا ظہور اے تے بس ایہہ ای رب دی ٹھیک تشریح کرن دے قابل اے۔ ایہدا اصل روحانی اے نہ کہ مادی اے۔ ایہہ الٰہی خیالاں دا اظہار اے، یعنی تسلی دین والا جیہڑا سچیائی ول لے کے جاندا اے۔

کرسچن سائنس اوہنوں ترک کر دی اے جنہوں فطری سائنس آکھیا جاندا اے، ایس حد تیکر ایہہ غلط مفروضیاں نال بنائی گئی اے پئی مادا آپ قانون دین والا اے، پئی قانون مادی شرطاں اْتے بنایا گیا اے تے ایہہ پئی ایہہ حتمی نیں تے الٰہی سیان دی طاقت نوں منسوخ کردے نیں۔

6۔ 162: 12۔22

تجربیاں نے ایس سچیائی دی حمایت کیتی اے پئی سیان جسم اْتے حکومت کردی اے ، بس اک موقع اْتے نئیں بلکہ ہر موقع اْتے۔ روح دی لازوال استعداد مادے دیاں شرطاں توں بغیر تے برائے نام مادے دی موجودگی اْتے جھوٹے ایمان دے بغیر وجود رکھدی اے۔ سائنس دے اصولاں اْتے عمل کردیاں ہوئے، لکھن والے نے تیز تے ہمیشہ دیاں شدید صورتاں وچ صحتمندی بحال کیتی اے۔ رطوبتاں بدل گئیاں نیں، ڈھانچے نوں نواں بنایا گیا اے، چھوٹے حصیاں نوں وڈھا کر دِتا گیا اے، جوڑاں دی آکڑ نوں ملائم کیتا گیا اے، بوسیدہ ہڈیاں نوں صحتمند حالت وچ بحال کیتا گیا اے۔

7۔ 273: 1۔4، 7۔18، 21۔28

مادا تے ایہدے پاپ، موت تے بیماری والے دعوے رب دے خلاف نیں تے اوہدے توں جاری نئیں ہو سکدے۔ جسمانی حِساں رب تے روحانی سچیائی توں واقف نئیں ہو سکدیاں۔ ۔۔۔مادی قیاس دیاں تفریقاں سائنسی نئیں ۔ اوہ سْچی سائنس توں فرق ہندیاں نیں کیوں جے اوہ الٰہی قانون اْتے نیوں نئیں رکھدیاں۔

الٰہی سائنس مادی حِساں دی جھوٹی گواہی نوں بدل دیندی اے تے اینج غلطی دیاں نِییاں نوں توڑ دیندی اے۔ ایس لئی سائنس تے حِساں وچ ویر تے حِساں دی غلطیاں پاروں کامل سمجھ نوں حاصل کرن دے ناممکنات نوں مکا دیندے نیں۔ 

مادے دے بس ناں دے قانون تے طبی سائنس نے کدی انسان نوں مکمل ، ہم آہنگ تے لافانی نئیں بنایا۔ انسان اوہدوں ہم آہنگ ہْندا اے جدوں روح دی نگرانی وچ ہْندا اے۔

رب نے روحانی قانون نوں مْکان لئی مادی قانون نوں کدی مقرر نئیں کیتا۔ جے کوئی اجیہا مادی قانون ہے سی تے اوہ روح یعنی رب دی بالادستی دے خلاف تے خالق دی حکمت اْتے اعتراض کرن والا سی۔یسوع مادی قانوناں دی سِدھی مخالفت وچ پانی اْتے ٹریا، جتھے نوں روٹی کھوائی، بیمار نوں شفا دِتی، تے مرْدیاں نوں زندہ کیتا۔ اوہدے کم مادی حِس یا قانون دے جھوٹے دعویاں اْتے حاوی ہوندیاں ہوئے سائنس دا اظہار سی۔

8۔ 485: 2۔7

مادی حِس اک مضحکہ خیز فقرہ اے ، کیوں جے مادے وچ کوئی احساس نئیں اے۔ سائنس ایہہ واضح کردی اے پئی سیان ویکھدی اے، سْن دی اے، محسوس کردی اے تے بولدی اے نہ کہ مادا۔ ایس بیان دی جیہڑا وی مخالفت کردا اے اوہ جھوٹی حِس اے، جیہڑی بیماری، پاپ تے موت وچ انسان نوں دھوکہ دیندی اے۔

9۔ 479: 8صرف، 10۔15

مادا نہ ای خود کار وجود اے تے نہ ای روح توں پیدا ہوون والا اے۔۔۔۔مادا ویکھ، سْن، محسوس، چکھ تے سْنگھ نئیں سکدا ۔ایہہ آپ سمجھ نئیں رکھدا، اپنے آپ نوں محسوس نئیں کر سکدا ، اپنے آپ نوں ویکھ نئیں سکدا تے نہ ای اپنے آپ نوں سمجھ سکدا اے۔ بس ناں دی سیان نوں باہر کڈ ھو جیہڑی مادے دی فرضی خودی نوں بناؤندی اے ، تے مادا مادے توں ای واقف نئیں ہو سکدا۔ 

10۔ 205: 7۔13

ایہہ منناں پئی مادے وچ حیاتی اے، تے ایہہ پئی پاپ، بیماری تے موت رب دے بنائے ہوئے نیں، ایہہ غلطی کدوں سامنے آوے گی؟ ایہہ کدوں سمجھیا جاووے گا پئی مادے وچ نہ تے ذہانت ، حیاتی اے تے نہ ای احساس اے تے ایہہ پئی ایہدا اْلٹ ایمان ساریاں دْکھاں دا پھلدار وسیلہ اے؟ رب نے سب کجھ سیان نال بنایا تے سب کجھ کامل تے ابدی بنایا۔

11۔ 492: 13۔21 (دوجے توں۔) ، 25۔28

نویں خیال لگاتار ودھ رہئے نیں۔ ایہہ اک دوجے دے مخالف دونظریے ، پئی مادا کجھ ہے اے یا سیان ای سب کجھ اے، اوس ویلے تیکر دھرتی اْتے مسئلہ بنے رہن گے جدوں تیکر کسے اک نوں فتح مند نہ منیا جاووے گا۔ جنرل گرانٹ نے اپنی مہم دے بارے گل کردیاں ہوئے آکھیا: ’’جے ایہدے وچ پورا گرمی دا موسم لگدا اے تے مَیں ایس دھرتی اْتے لڑن دا مشورہ دیناں واں۔‘‘ سائنس آکھدی اے: سب کجھ سیان تے سیان دا خیال اے۔ تہانوں ایس دھرتی اْتے لڑنا چاہیدا اے۔ مادا تہاڈے لئی کوئی مدد نئیں کر سکدا۔ 

رب سیان اے تے رب لامحدود اے؛ ایس لئی سب کجھ سیان اے۔ ایس بیان اْتے وجود دی ساری سائنس نیوں رکھدی اے تے سائنس دا اصول ہم آہنگی تے لافانیت نوں ظاہر کردیاں ہوئے الٰہی اے۔

12۔ 390: 32۔6

روح دی بالادستی دے خلاف کھڑے ہوون والے مشورے سیان عْرف مادے دے بہانے نوں نیِواں کرن لئی سچیائی دی روح دی بیدار طاقت وچ جاگو۔ فانی سوچ دے تصوراں تے بیماری تے پاپ وچ اوہدے یقین نوں مٹاؤ۔ فیر جدوں تہانوں سچیائی یعنی مسیح یسوع دی عدالت لئی آزاد کیتا جاندا اے تے نیاں کرن والا آکھے گا، ’’تْسی کامل او!‘‘


روزانہ دے فر

میری بیکر ایڈی ولو

روز انہ دی دع

ایس چرچ دے ہر رکن دا ایہہ فرض اے پئی ہر روز اوہ ایہہ دعا کرے: ’’تیری بادشاہی آوے؛‘‘ الٰہی سچیائی، حیاتی تے پیار دی سلطنت میرے اندر قائم ہووے، تے سارے پاپ میتھوں نکل جان؛ تے تیرا کلام سارے انساناں دے پیار نوں ودھاوے، تے اوہناں اْتے حکومت کرے۔

چرچ مینوئیل، آرٹیکل VIII، س

مقصداں تے کماں دا اک اصول

نہ کوئی مخالفت تے نہ کوئی ذاتی تعلق مادری چرچ دے کسے رکن دے مقصداں یا کماں اْتے اثر نئیں کرنے چاہیدے۔ سائنس وچ، بس الٰہی پیار ای حکومت کردا اے، تے اک مسیحی سائنسدان پاپ نوں رد کردیاں ہوئے، سْچی پراہ بندی، خیرات پسندی تے معافی نال پیار دیاں مِٹھیاں سچیائیاں دا پرچھانواں بن دا اے۔ ایس چرچ دے سارے رکناں نوں سارے پاپاں توں، غلط طراں دیاں پیشن گوئیاں ، منصفیاں، مذمتاں، صلاحواں، غلط اثراں نوں لین تے غلط اثر دین توں آزاد رہن لئی ہر روز خیال رکھنا چاہیدا اے تے دعا کرنی چاہیدی اے

چرچ مینوئیل، آرٹیکل VIII، سیکشن 1۔

فرض لئی چْستی

ایس چرچ دے ہر رکن دا ایہہ فرض اے پئی اوہ ہر روز جارحانہ ذہنی صلاحواں دے خلاف اپنے آپ نوں تیار رکھے، تے رب، اپنے قائد تے انساناں لئی اپنے فرضاں نوں نہ کدی بھْلے تے نہ کدی نظر انداز کرے۔ اوہدے کماں دے راہیں اوہدا انصاف ہووے گا، اوہ بے قصور یا قصور وار ہووے گا۔

چرچ مینوئیل، آرٹیکل VIII، سیکشن 6۔


████████████████████████████████████████████████████████████████████████