اتوار10مارچ، 2019 مضمون۔ انسان |

اتوار10مارچ، 2019



مضمون۔ انسان 

سنہری متن: دانی ایل 10باب 19آیت



’’اے پیارے مرد نہ ڈر ۔تیری سلامتی ہووے۔ مضبوط تے صحتمند ہو۔‘‘





>سبق دی آڈیو لئی ایتھے کلک کرو

یوٹیوب تے سنن لئی ایتھے کلک کرو

████████████████████████████████████████████████████████████████████████


جوابی پڑھائی: پیدائش 1باب26توں31آیتاں


26۔ فیر رب نے آکھیا پئی اسی انسان نوں اپنی صورت اْتے اپنی شبیہ وانگر بنائیے تے اوہ سمندر دیاں مچھلیاں تے اسمان دے پرندیاں تے چوپائیاں تے ساری دھرتی تے سب جانداراں اْتے جیہڑے دھرتی اْتے رینگدے نیں اختیار رکھن گے۔

27 ۔ تے رب نے انسان نوں اپنی صورت اْتے بنایا۔ رب دی صورت اْتے اوہنوں بنایا۔ نر تے ناری اوہنوں بنایا۔

28 ۔ رب نے اوہناں نوں برکت دِتی تے آکھیا پھلو ودھو تے دھرتی نوں معمور تے محکمو م کرو تے سمندر دیاں مچھلیاں تے ہوا دے پرندیاں تے سارے جانوراں اْتے جیہڑے دھرتی اْتے ٹر دے نیں اختیار رکھو۔

29 ۔ تے رب نے آکھیا پئی ویکھو میں ساری دھرتی دیاں ساریاں بیج والیاں سبزیاں تے ہر درخت جیدے وچ اوہدا بیج والا پھل ہووے تہانوں دیندا آں۔ ایہہ تہاڈے کھان لئی ہوون ۔

30 ۔ تے دھرتی دے سارے پشوؤاں لئی تے ہوا دے سارے پرندیاں لئی تے اوہنا ں ساریاں لئی جیہڑے دھرتی اْتے رینگن والے نیں جنہاں وچ حیاتی اے سارے ہرے بْوٹے کھان لئی دیندا آں تے اینج ای ہوئیا۔

31 ۔ تے رب نے سب کجھ جو بنایا سی اوہدے ول نظر کیتی تے ویکھیا پئی بوہت سوہنا اے تے شام ہوئی تے صبح ہوئی یعنی چھینواں دن ہوئیا۔ 



درسی وعظ



بائب


1۔ زبور 8:1، 3توں6آیتاں

1۔ اے خداوندساڈے رب! تیرا ناں ساری دھرتی اْتے کیسا بزرگ اے! تْو اپنا جلال اسمان اْتے قائم کیتا اے۔

3 ۔ جدوں میں تیرے اسمان اْتے جیہڑا تیرے ہتھ دا بنیا اے تے چن تے تاریاں اْتے جنہاں نوں تْو مقرر کیتا اے غور کرداآں۔

4۔ تے فیر انسان کیہ اے پئی تواوہنوں یاد رکھیں تے آدم زاد کیہ اے پئی تو اوہدی خبر لویں۔

5 ۔ کیوں جے تْو اوہنوں رب توں تھوڑا جیہا ای گھٹ بنایا اے تے جلال تے شوکت نال اوہنوں تاجدار کردا ایں۔

6 ۔ تْواوہنوں اپنے ہتھ دیاں بنیاں شیواں اْتے اختیار دِتا اے۔ تْو سب کجھ اوہدے پیرا ہیٹھاں کر دِتا اے۔

2۔ استثنا 20باب1توں4آیتاں

1۔ جدوں تْو اپنے ویریاں نال جنگ کرن جانویں تے گھوڑیاں تے رتھاں تے اپنے توں وڈھی فوج نوں ویکھیں تے اوہناں توں ڈریں نہ کیوں جے خداوند تیرا رب جیہڑا تینوں مصر وچون کڈھ کے لیایاتیرے نال اے۔

2 ۔ تے جدون جنگ وچ تیری فوج مْٹھی برابر رہ جاوے تے کاہن فوج دے بندیاں کول جا کے اوہناں نال گل کرن۔

3 ۔ تے اوہناں نوں آکھے اے اسرائیلیو! تسی اج دے دن اپنے ویریاں دے سامنے جنگ وچ آئے او ایس لئی تہاڈا دل نہ ڈرے۔ تْسی نہ ڈرو نہ کنبو۔ نہ اوہناں توں دہشت کھاؤ۔

4۔ کیوں جے خداوند تہاڈا رب تہاڈے نال نال ٹردا اے تاں جو تہانوں بچان لئی تہاڈے ویریاں نال جنگ کرے۔

3۔ استثنا 31باب8 (اوہ ہووے گا) (توں :)

8۔ ۔۔۔اوہ تیرے نال رہوے گا۔ اوہ تیرے توں دستبردار نہ ہووے گا تے نہ تینوں چھڈے گا۔

4۔ خروج 3باب1توں8 (توں؛) ، 11، 12، (توں؛) ، 13، 14آیتاں

1۔ تے موسیٰ اپنے سورّے یترو دیاں جیہڑا مِدیان دا کاہن سی بھیڈاں بکریاں چار دا سی تے اوہ بھیڈاں بکریاں نوں ہنکاندا ہوئیا اوجاڑ دے دوجے پاسے رب دے پہاڑ دے کول لے آیا۔

2 ۔ تے رب دا اک فرشتہ جھاڑی وچوں اگ دے شعلے وچ اوہدے اْتے ظاہر ہوئیا۔ اوہنے نظر کیتی تے اوہ ویکھدا اے پئی اک جھاڑی نوں اگ لگی اے پر اوہ سڑ کے سوا نئیں ہْندی۔

3۔ فیر موسیٰ نے آکھیا پئی میں تھوڑا دوجے پاسے ہٹ کے ایس نظارے نوں ویکھاں پئی ایہہ جھاڑی سڑدی کیوں نئیں۔ 

4۔ جدوں رب نے ویکھیا پئی اوہ ایہہ ویکھن لئی تھوڑا پاسے توں آرہیا اے تے رب نے جھاڑی وچوں اوہنوں آواز دِتی تے آکھیا اے موسیٰ! اے موسیٰ! اوہنے آکھیا میں حاضر آں۔

5۔ فیر اوہنے آکھیا ایدھر کول نہ آئیں۔ اپنے پیروں جْتی لا دے کیوں جے جیس تھاں اْتے تْو کھڑا ایں اوہ پاک دھرتی اے۔ 

6 ۔ فیر اوہنے آکھیا پئی میں تیرے پیو دا رب یعنی ابراہام دا رب تے اضحاق دا رب تے یعقوب دا رب آں۔ موسیٰ نے اپنا مونہہ لکوئیا کیوں جے اوہ رب ول نظر کرن توں ڈر دا سی۔

7 ۔ تے رب نے آکھیا پئی میں اپنے لوکوں دی پِیڑ جیہڑے مصر وچ رہندے نیں ویکھی اے تے اوہناں دی فریاد جیہڑے بیگار لین والیاں دے پاروں اے سْنی اے تے میں اوہناں دیاں پِیڑاں نوں جان دا آں۔

8 ۔ تے میں اْتریا آں پئی اوہناں نوں مصریاں دے ہتھ وچوں چھڑانواں تے اوس ملک وچوں کڈھ کے اوہناں نوں اک چنگے تے کھْلے ملک وچ جتھے دْدھ تے شہد وگدا اے یعنی کعنانیاں تے حِتیاں تے اموریاں تے فرزیاں تے حوائیاں تے یبوسیاں دے ملک وچ اپڑانواں۔ 

11۔ موسیٰ نے رب نوں آکھیا پئی میں کون آں جیہڑا فرعون دے کول جانواں تے اسرائیلی قوم نوں مصر وچوں کڈھ کے لیانواں؟ 

12 ۔ اوہنے آکھیا میں ضرور تیرے نال رہواں گا تے میں تینوں گھلیا اے ایہدا نشان ایہہ ہووے گا پئی جدوں تْو اوہناں لوکاں نوں مصر وچوں کڈھ کے لیانویں گا تے تْسی ایس پہاڑ اْتے رب دی عبادت کرو گے۔

13۔ تد موسیٰ نے رب نوں آکھیا جدوں میں اسرائیلی قوم دے کول جا کے آکھاں پئی تہاڈے پیو دادے دے رب نے مینوں تہاڈے کول گھلیا اے تے اوہ مینوں آکھن پئی اوہدا کیہ ناں اے؟ تے میں اوہناں نوں کیہ دساں؟

14۔ رب نے موسیٰ نوں آکھیا میں جو آں سو میں آں۔ ایس لئی تْو اسرائیلی قوم نوں آکھیں پئی میں جو آں نے مینوں تہاڈے کول گھلیا اے۔

5۔ زبور 5: 1توں3،11 (ساریاں نوں) ، 12آیتاں

1 ۔ اے ربا میریاں گلاں ول کْن دھر! میریاں ہانواں اْتے دھیان کر!

2 ۔ اے میرے بادشاہ! اے میرے رب! میری فریاد دی آواز ول دھیان کر کیوں جے میں تیتھوں ای دعا کردا آں۔

3 ۔ اے ربا! تو صبح نوں میری آواز سنیں گا۔ میں سویرے ای تیتھوں دعا کر کے اڈیکاں گا۔

11۔ پر اوہ سارے جیہڑے تیرے اْتے بھروسہ کردے نیں شادمان ہوون ۔ اوہ ہمیشہ خوش نال پکارن کیوں جے تو اوہناں دی حمایت کردا ایں تے جیہڑے تیرے ناں نال پیار کردے نیں اوہ تیرے وچ خوش رہن۔

12 ۔ کیوں جے تْو صادق نوں برکت دیویں گا۔ اے رباً تْواوہنوں کرم نال سِپر وانگر ڈھک لویں گا۔ 

6۔ لوقا 4باب14،15 ، 33توں36آیتاں

14۔ فیر یسوع روح دی قوت نال بھریا ہوئیا گلیل وچ پرت کے آیا تے چاروں پاسے اوہدی دھْم مچ گئی۔ 

15 ۔ تے اوہ اوہناں دے عبادتخانے وچ تعلیم دیندا رہیا تے سارے اوہدی وڈیائی کردے رہئے۔

33 ۔ تے عبادتخانے وچ اک بندہ سی جیدے وچ ناپاک دیو دی اک روح سی اوہ بوہت اْچی آواز نال بولیا پئی۔

34 ۔ اے یسوع ناصری ساہنوں تیرے نال کیہ کم؟ کیہ تو ساہنوں ہلاک کرن لئی آیا ایں؟ میں تینوں جان داآں پئی تو کون ایں۔ رب دا قدوس۔

35 ۔ یسوع نے اوہنوں جھِڑک کے آکھیاچْپ رہ تے اوہدے وچوں نکل جا۔ تے بدروح اوہدے اندروں اوہنوں مروڑ کے کجھ نقصان پہنچائے بغیر نکل گئی۔

36 ۔ تے سارے حیران ہو کے آپس وچ آکھن لگ پئے پئی ایہہ کینویں دا کلام اے؟ کیوں جے اوہ اختیار تے قدرت نال ناپاک روحاں نوں حْکم دیندا اے تے اوہ نِکل جاندیاں نیں۔

7۔ لوقا 7باب12توں15آیتاں

12 ۔ جدوں اوہ شہر دے پھاٹک دے نیڑے پہنچیا تے ویکھو اک مردے نوں باہر لے جایا جا رہیا سی۔ اوہ اپنی ماں دا کلّا ای پْتر سی تے اوہ بیوہ سی تے شہر دے بتھیرے لوک اوہدے نال سی۔ 

13۔ اوہنوں ویکھ کے رب نوں ترس آیا تے اوہنوں آکھیا پئی نہ رو۔ 

14۔ فیر اوہنے کول آکے جنازے نوں چھوئیا تے چْکن والے رْک گئے تے اوہنے آکھیا اے جوان میں تینوں آکھدا ں پئی اْٹھ۔

15 ۔ اوہ مردہ اْٹھ گیا تے بولن لگ پیا تے اوہنے اوہنوں اوہدی ماں دے حوالے کر دِتا۔

8۔ رومیوں 8باب31،35، 37توں39آیتاں

31۔ ایس لئی اسی ایہناں گلاں دے بارے کیہ آکھیئے؟ جے رب ساڈے ول اے تے ساڈے خلاف کون ہووے؟

35 ۔ کون ساہنوں مسیح دے پیار توں وکھ کرے گا؟ مصیبت یا تنگی یا ظلم یا کال یا ننگا پن یا خطرہ یا تلوار؟

37۔ پراوہناں ساریاں حالتاں وچ اوہدے راہیں جنہے ساہنوں پیار کیتا ساہنوں فتح توں ودھ کے غلبہ حاصل ہْندا اے۔

38 ۔ کیوں جے مینوں یقین اے پئی رب دا پیار ساڈے رب مسیح یسوع وچ اے اوہدے توں ساہنوں نہ موت وکھ کر سکے گی نہ حیاتی۔

39۔ نہ فرشتے نہ حکومتاں۔ نہ ہْن دیاں نہ آؤن والیاں شیواں۔ نہ قدرت نہ اْچیائی نہ ڈونگیائی نہ کوئی ہور مخلوق۔



سائنس تے صحت


1۔ 516: 19۔21

انسان، اوہدی شبیہ اْتے بنائے جان نال پوری دھرتی اْتے رب دی حاکمیت دا پرچھانواں بن دا تے ملکیت رکھدا اے۔

2۔ 307: 26۔30

انسان نوں مادیت دیاں بنیاداں اْتے نئیں بنایا گیا تے نہ ای مادی قانوناں دی فرمانبرداری لئی بنایا گیا جیہڑے روح نے کدی نئیں بنائے؛ اوہدا صوبہ سیان دی بوہت اْچی شریعت وچ ، روحانی قانون نیں۔

3۔ 475: 7۔13، 14۔15 (توں؛) ، 19 (پئی جیدے وچ نئیں اے) ۔ 22

پاک کلام ساہنوں ایہہ گل د س دا اے پئی انسان رب دی شبیہ تے صورت اْتے بنایا گیا اے۔ ایہہ مادے دی شبیہ نئیں اے۔ روح دی شبیہ ایہنی غیر روحانی نئیں ہو سکدی۔ انسان روحانی تے کامل اے؛ تے کیوں جے اوہ روحانی تے کامل اے ایس لئی اوہنوں کرسچ سائنس وچ اینج ای سمجھیا جانا چاہیدا اے۔ ۔۔ اوہ رب دا تفصیلی تصور اے، جیدے وچ سارے ٹھیک خیال شامل نیں۔۔۔اوہ جیدے وچ اجئی کوئی خصوصیت نئیں جیہڑی خدائی نال ماخذ نہ ہووے؛ اجئی خاصیت جیدے وچ نہ حیاتی ہووے نہ عقل، نہ اپنی تخلیقی طاقت ہووے، بلکہ روحانی طور تے اوہ اوہناں ساریاں شیواں دا پرچھانواں بن دا اے جیہڑیاں اوہدے خالق وچ نیں۔

4۔ 373: 14۔18

بیماری دا ڈر تے پاپ نال پیار انسان دی غلامی دے وسیلے نیں۔ ’’رب دا ڈر سیان دا شروع اے‘‘، پر کلام وی یوحنا دی اْچی سوچ دے راہیں ایہہ واضح کردا اے ، ’’کامل پیار ڈر نوں دور کر دیندا اے۔‘‘

5۔ 380: 15۔21

ڈر دے جسمانی اثر ایہدی فریب نظری نوں ظاہر کردے نیں۔ زنجیراں وچ بنھے ہوئے، مْودے مونہہ پئے ہوئے شیر نوں گھورن توں انسان نوں ڈرنا نئیں چاہیدا۔ جسم بس اوس بیماری اْتے یقین کرن نال اثر لیندا اے جیہڑی بیماری نوں قابو کرن والی سچیائی دے نال لاتعلقی دے پاروں لگدی اے۔ سچیائی دی اوہ طاقت جیہڑی غلطی اْتے انسان دی حاکمیت نوں ثابت کردی اے اوہدے علاوہ غلطی کرن دے ڈر نوں کوئی شے دور نئیں کر سکدی۔

6۔ 381:8۔21

جدوں کسے فرضی قانون دی خلاف ورزی ہْندی اے تے تْسی آکھدے او پئی ایہدے وچ خطرہ اے۔ ایہہ ڈر ای اصل خطرہ اے تے جسمانی اثراں ول دھیان کر دا اے۔ اسی اخلاقی یا روحانی قانون دے ٹْٹن توں علاوہ اصل وچ کسے ہور شے دے ٹْٹن نال پِیڑ محسوس نئیں کرسکدے۔ فانی یقین دے قانون ایہہ سمجھن نال خراب ہْندے نیں پئی روح غیر فانی اے، تے ایہہ پئی فانی سوچ ویلے، دَوراں تے بیماریاں دیاں قِسماں لئی قانون نئیں بنا سکدی، جیدے نال فانی لوگ مر جاندے نیں۔ رب قانون بناؤن والا اے، پر اوہ غلط طراں دے اصول بناؤن والا لکھاری نئیں اے۔ ازلی حیاتی تے پیار وچ کوئی بیماری پاپ نہیں نہ ای موت اے تے پاک کلام واضح کرد اے پئی اسی ازلی رب وچ جیوندے ، ٹْردے پھِردے تے اپنا وجود رکھدے آں۔

فانی سوچ نوں نافذ کرن اْتے گھٹ غور کرئیے تے تسی چھیتی نال ای انسان نوں رب دی دِتی ہوئی حکومت وچ ہوو گے۔

7۔ 151: 17۔24، 26۔30

فانی عقیدہ آکھدا اے پئی موت ڈر نال آؤندی اے۔ ڈر کدی اپنے آپ دے ہوون تے اپنے کماں توں نئیں رْکدا۔ لہؤ، دل ، پھیپھریاں وغیرہ دا حیاتی، یعنی رب نال کوئی تعلق نئیں اے۔ اصل انسان دا ہر کم الٰہی سیان دی رکھوالی وچ اے۔ انسان دی سوچ قتل کرن یا علاج کرن دی کوئی طاقت نئیں رکھدی، تے ایہدا رب دے بندے اْتے کوئی اختیار نئیں اے۔اوہ الٰہی سیان جنہے انسان نوں بنایا اپنی صورت تے شبیہ نوں قائم رکھدا اے۔ ۔۔۔جیہڑا وجود رکھدا اے اوہ بس الٰہی سیان تے اوہدا خیال اے، ایسے سیان وچ ساری ہستی ہم ساز تے ابدی ہْندی اے۔ سِدھا یا تنگ راستہ ایس سچیائی نوں ویکھن تے منن، ایس طاقت نوں منن تے سچیائی دی راہ اْتے ٹْرن لئی اے۔

8۔ 385: 18۔25، 31۔1

جے تہاڈے پٹھے وچ موچ اے یا جسم اْتے زخم اے تے ایہدا چھیتی نال علاج ہْندا اے۔ ذہن ایہدا فیصلہ کردا اے پئی جسم داغ، پِیڑ، سوجھ تے ساڑ محسوس کرے گا یا نئیں۔ 

تسی آکھدے او پئی تسی شاید پوری نیند نئیں سْتے یا بوہتا کھانا کھا بیٹھے او۔ تسی اپنے آپ وچ اپنے لئی اک قانون او۔ ایہہ آکھن نال تسی اپنے ڈر تے یقین دے تناسب وچ پِیڑ سہوو گے۔ 

کسے اک عاقل دے طور تے تہاڈے جسم یا سست مادے ولوں آؤن والی فرضی معلومات فانی سوچ دی فریب نظری اے، ایہہ اوہدے سْفنیاں وچوں اک اے۔

9۔ 386: 12۔15

لکھاری نے بوہت ساریاں مثالاں وچ فانی سوچ اْتے سچیائی دے کم دے راہیں تے جسم اْتے سچیائی دے اثراں دے راہیں بیماری نوں شفا دِتی، ایہہ جانن توں بغیر پئی ایہہ اینج دا اے۔

10۔ 387: 23(اک) ۔24، 27۔32

۔۔۔پیار دی کسے وی محنت دے پاروں کوئی بندہ دْکھ نئیں سہندا، بلکہ ایہدے راہیں اوہ مضبوط ہْندا اے۔

مسیحت دی تاریخ اوس اسمانی پیو ، قاد مطلق سیان، دے دِتے ہوئے اثراں تے حفاظت کرن والی طاقت دے شاندار ثبوتاں نوں سامنے لیاؤندی اے جیہڑا انسان نوں ایمان تے سمجھ دیندا اے جیدے نال اوہ اپنے آپ نوں بچا سکدا اے نہ صرف آزمائش توں بلکہ جسمانی دْکھاں تو وی۔

11۔ 200:4۔7

موسیٰ نے اک قوم نوں مادے دی بجائے رب دی عبادت وچ اگے ودھایا تے لافانی سوچ دے راہیں بابرکت ہوون دیاں اْچیاں انسانی حیثیتاں نوں دسیا۔ 

12۔ 89: 18۔20

سیان لازمی گل نئیں پئی تعلیمی مرحلیاں اْتے انحصار کرے۔ایہہ آپ ای سارا سوہنا پن تے شاعری تے ایہناں نوں ظاہر کرن دی طاقت رکھدا اے۔

13۔ 128: 7(کاروبار) ۔19

۔۔۔تاجراں تے چنگے عالماں نے ویکھیاپئی کرسچن سائنس اوہناں دی برداشت تے ذہنی طاقتاں نوں ودھاؤندی اے، اوہناں دے کردار دی سوچ نوں کھْلا کردی اے، اوہناں نوں عقل تے سمجھ تے اپنی عام گنجائش نوں ودھاؤن دی صلاحیت دیندی اے۔ انسانی سوچ روحانی سمجھ نال بھر کے ہور لچکدار ہو جاندی اے، ایہہ بوہت برداشت تے کسے حد تیکر اپنے آپ توں فرار ہو جان دے قابل ہوجاندی اے تے گھٹ آرام پسند کردی اے۔ ہستی دی سائنس دا علم انسان دی قابلیت دے فن تے امکاناں نوں ودھاؤندا اے۔ فانی لوکاں نوں اْچی تے کھْلی ریاست تیکر اپڑاندے ہوئے ایہہ سوچ دے ماحول نوں ودھاؤندا اے۔ ایہہ سوچن والے نوں اوہدی سمجھ تے عقل دی ہوا وچ وڈھا کردا اے۔

14۔ 302: 14۔19

انسان دے بارے ساڈی تشریح نوں جاری رکھدیاں ہوئے آؤ یاد کرئیے پئی ہم ساز تے غیر فانی انسان ہمیشہ توں ہے اے تے مادے دے طور تے وجود رکھدیاں ہوئے کسے فانی حیاتی ، جوہر تے ذہانت نال ہمیشہ اْچا تے پار رہندا اے۔ ایہہ بیان سچیائی دا بیان اے نہ کہ کوئی افسانہ اے۔

15۔ 228: 11۔16

انسان دی غلامی ٹھیک نئیں اے۔ ایہہ اوس ویلے مْک جاوے گی جدوں انسان اپنی آزادی دی وراثت، مادی حواس اْتے اپنی رب ولوں دِتی ہوئی حاکمیت وچ وڑھ جاندا اے۔فانی لوک اک دن قادر مطلق دے ناں اْتے اپنی آزادی دا دعویٰ کرن گے۔ فیر اوہ الٰہی سائنس دی سمجھ دے راہیں اپنے آپ دے جسماں نوں قابو کرن گے۔

16۔ 200: 9۔15 (دوجے تیکر)

حیاتی ہمیشہ مادے توں آزاد سی، ہے تے ہمیشہ رہوے گی،کیوں جے حیاتی رب اے تے انسان رب دا تصور اے، جنہوں مادے نئیں بلکہ روحانی طور تے بنایا گیا سی، تے اوہدے لئی فنا ہوون یا تباہ ہوون دی شرط نئیں اے۔ زبور دے لکھاری نے آکھیا: ’’تْواوہنوں اپنے ہتھ دیاں بنیاں شیواں اْتے اختیار دِتا اے۔ تْو سب کجھ اوہدے پیرا ہیٹھاں کر دِتا اے۔‘‘


روزانہ دے فر

میری بیکر ایڈی ولو

روز انہ دی دع

ایس چرچ دے ہر رکن دا ایہہ فرض اے پئی ہر روز اوہ ایہہ دعا کرے: ’’تیری بادشاہی آوے؛‘‘ الٰہی سچیائی، حیاتی تے پیار دی سلطنت میرے اندر قائم ہووے، تے سارے پاپ میتھوں نکل جان؛ تے تیرا کلام سارے انساناں دے پیار نوں ودھاوے، تے اوہناں اْتے حکومت کرے۔

چرچ مینوئیل، آرٹیکل VIII، س

مقصداں تے کماں دا اک اصول

نہ کوئی مخالفت تے نہ کوئی ذاتی تعلق مادری چرچ دے کسے رکن دے مقصداں یا کماں اْتے اثر نئیں کرنے چاہیدے۔ سائنس وچ، بس الٰہی پیار ای حکومت کردا اے، تے اک مسیحی سائنسدان پاپ نوں رد کردیاں ہوئے، سْچی پراہ بندی، خیرات پسندی تے معافی نال پیار دیاں مِٹھیاں سچیائیاں دا پرچھانواں بن دا اے۔ ایس چرچ دے سارے رکناں نوں سارے پاپاں توں، غلط طراں دیاں پیشن گوئیاں ، منصفیاں، مذمتاں، صلاحواں، غلط اثراں نوں لین تے غلط اثر دین توں آزاد رہن لئی ہر روز خیال رکھنا چاہیدا اے تے دعا کرنی چاہیدی اے

چرچ مینوئیل، آرٹیکل VIII، سیکشن 1۔

فرض لئی چْستی

ایس چرچ دے ہر رکن دا ایہہ فرض اے پئی اوہ ہر روز جارحانہ ذہنی صلاحواں دے خلاف اپنے آپ نوں تیار رکھے، تے رب، اپنے قائد تے انساناں لئی اپنے فرضاں نوں نہ کدی بھْلے تے نہ کدی نظر انداز کرے۔ اوہدے کماں دے راہیں اوہدا انصاف ہووے گا، اوہ بے قصور یا قصور وار ہووے گا۔

چرچ مینوئیل، آرٹیکل VIII، سیکشن 6۔


████████████████████████████████████████████████████████████████████████