اتوار 7  اپریل ، 2019 |

اتوار 7  اپریل ، 2019



مضمون۔غیر اصلیت

عبرانیوں 11باب3آی



’’ایمان نال ای ساہنوں پتا چلدا اے پئی سارے جہان رب دے آکھن نال بنے نیں ، ایہہ نئیں پئی جو کجھ دِسدا اے اوہ وکھالی دین والیاں شیواں نال بنیا اے۔۔‘‘





>سبق دی آڈیو لئی ایتھے کلک کرو

یوٹیوب تے سنن لئی ایتھے کلک کرو

████████████████████████████████████████████████████████████████████████


گلیتوں 4باب 7توں 9 آیتاں • 1سلاطین 18باب21آیت • استثنا 4باب 35، 36 تے 39 آیتاں


7۔ایس لئی ہْن تْو غلام نئیں بلکہ پْتر ایں تے جد پْتر ہوئیاں تے رب دے پاروں وارث وی ہوئیاں۔ 

8۔ پر اوس ویلے رب توں ناواقف ہو کے تسی اوہناں معبوداں دی غلامی وچ سی جیہڑے اپنی ذات وچ رب نئیں۔

9۔ پر ہْن جدوں تْسی رب نوں پچھانیا بلکہ رب نے تہانوں پچھانیا تے اوہناں پرانیاں تے نکمیاں پہلیاں گلاں ول کیس طرح مْڑدے او جنہاں دی دوبارہ غلامی کرنا چاؤندے او؟

21۔ تسی کدو ں تیکر دو خیالا ں وچ ڈانواں ڈول ہْندے رہوو گے؟ جے خداوند ای تہاڈا رب اے تے اوہدے پیرو ہوجاوو۔

35۔ ایہہ سب کجھ تینوں دِتا گیا تاں جو توْں جان جائیں پئی خداوند ای رب اے تے اوہدے علاوہ کوئی ہے ای نئیں۔

36۔ اوہنے ای اپنی آواز اسمان توں تینوں سنائی تاں جو تیری تربیت کر سکے۔

39۔ ایس لئی اج دے دن تْو ایہہ جان لے تے ایس گل نوں اپنے دل وچ بٹھا لے پئی اْتے اسمان وچ تے ہیٹھاں دھرتی اْتے خداوند ای رب اے تے دوجا ہورکوئی نئیں۔



درسی وعظ



بائب


1۔ یسعیاہ 30باب15 (توں :) ، 19 (تْو ں) (توں :) ، 26 (خداوند) ، 29۔

15۔ ایس لئی رب یہواہ اسرائیل دا قدوس ایہہ آکھدا اے پئی پرت کے آؤن تے چْپ رہن وچ تہاڈی سلامتی اے۔ چْپ تے ایمان وچ تہاڈی قوت اے پر تسی ایہہ نہ چاہیا۔

19۔ ۔۔۔تْو فیر نہ روئیں گی۔

26۔ ۔۔۔رب اپنے لوکاں دی شکستگی نوں ٹھیک کرے گا تے اوہناں دے زخماں نوں وی ٹھیک کرے گا۔ 

29۔ فیر تسی گیت گاؤ گے جیویں اوس رات گاؤندے او جدوں مقدس عید مناؤندے او تے دل دی اجیہی خوشی ہوووے گی جیویں اوس بندے دی جیہڑا بانسری لے کے خوش ہْندا اے پئی رب دے پہاڑ اْتے اسرائیل دے چٹان دے کول جاووے۔

2۔ امثال 3باب 5، 7(توں :) آیت

5۔ پورے دل نال رب اْتے بھروسہ رکھ تے اپنی سیان اْتے ای نہ رہ۔

7۔ تْو اپنے آپ وچ عقلمند نہ بن۔

3۔ 2سلاطین 6باب8 توں 17آیتاں

8۔ تے ارام دا بادشاہ اسرائیل دے بادشاہ نال لڑ رہیا سی تے اوہنے اپنے خادماں نال صلاح کیتی تے آکھیا پئی میں فلاں فلاں تھاں اْتے ڈیرا لانواں گا۔

9۔ تے رب دے بندے نے اسرائیل دے بادشاہ نوں آکھن لئی گھلیا پئی خبردار توں فلاں فلاں تھاں توں نئیں لنگناں کیوں جے اوتھے ارامی آؤن والے نیں۔ 

10۔ تے اسرائیل دے بادشاہ نے اوس تھاں اْتے جیدے خبر رب دے بندے نیں دِتی سی تے اوہنوں دس دِتا سی کجھ بندے گھلے تے اوتھوں اپنے آپ نوں بچایا تے ایہہ بس اک دو واری نئیں ہوئیا ۔ 

11۔ ایس پاروں ارام دے بادشاہ دا دل بوہت غمگین ہوئیا تے اوہنے اپنے نوکراں نوں بلا کے اوہناں نوں آکھیا کیہ تسی نئیں دسو گے پئی ساڈے وچوں کون اسرائیل دے بادشاہ نال رلیا ہوئیا اے؟

12۔ فیر اوہدے نوکراں وچوں اک نے آکھیا نئیں اے میرے مالک! اے بادشاہ بلکہ الیشع جیہڑا اسرائیل وچ نبی اے تیریاں اوہناں گلاں نوں جیہڑیاں توں اپنی خلوت گاہ وچ آکھدا ایں اسرائیل دے بادشاہ نوں دس دا اے۔

13۔ اوہنے آکھیا جا کے ویکھو پئی اوہ کتھے اے تاں جو میں اوہنوں پھڑوا کے منگوانواں تے اوہنوں دسیا گیا پئی اوہ دوتن وچ اے۔ 

14۔ فیر اوہنے اوتھے گھوڑیاں تے رتھاں دی اک وڈھی فوج نوں گھلیا تے اوہناں نے آکے راتوں رات اوس شہر نوں گھیر لیا۔

15۔ تے جدوں اوس رب دے بندے دا نوکر صبح نوں اٹھ کے باہر نکلیا تے اوہنے ویکھیا پئی اک فوج گھوڑیاں تے رتھاں نال شہر دے آلے دوالے اے تے اوس نوکر نے جا کے آکھیا ہائے میرے مالک ! ہْن اسی کیہ کرئیے؟

16۔ اوہنے جواب دِتا ڈر نہ کیوں جے جیہڑے ساڈے نال نیں اوہناں توں بوہتے نیں جیہڑے اوہناں دے نال نیں۔ 

17۔ تے الیشع نے دعا کیتی تے آکھیا اے ربا اوہدیاں اکھیاں کھول دے تاں جو اوہ ویکھ سکے فیر رب نے اوس جوان دیاں اکھیاں کھول چھڈیاں تے اوہنے نظر کر کے ویکھیا پئی الیشع دے آلے دوالے دا پہاڑ اتشی گھوڑیاں تے رتھاں نال بھریا ہوئیا اے۔

4۔ عبرانیوں 12باب1، 12، 13، 22 (تسی) ، 24 (پہلے توں،)

1۔ ایس لئی جدوں گواہواں دا اجیہیا وڈھا بدل ساہنوں گھیر کے بیٹھا اے تے آؤ اسی وی ہر اک بھار تے اوس پاپ نوں جیہڑا ساہنوں آسانی نال پھسا لیندا اے دور کر کے ایس دوڑ وچ صبر نال دوڑئیے جیہڑی ساڈے سامنے اے۔

12۔ ایس لئی ڈھِلے ہتھاں تے سست گوڈیاں نوں ٹھیک کرو۔

13۔ تے اپنے پیراں لئی سِدھیاں راہواں بناؤ تاں جو لنگڑا بے راہ نہ ہووے بلکہ شفا پاووے۔

22۔ بلکہ تسی صیون دے پہاڑ تے جیوندے رب دے شہر یعنی اسمانی یروشلیم دے کول تے لکھاں فرشتیاں ۔

24۔ تے نویں عہد دے درمیانی یسوع دے کول آئے او۔

5۔ متی 14باب14، 22 (توں پہلاں،) ، 23توں32آیتاں

14۔ اوہنے اْتر کے بڑا وڈھا جتھا ویکھیا تے اوہنوں اوہنا ں اْتے ترس آیا تے اوہنے اوہناں دے بیماراں نوں ٹھیک کیتا۔ 

22۔ تے اوہنے چھیتی نال شاگرداں نوں مجبور کیتا پئی اوہ کشتی اْتے بیٹھ کے اوہدے توں پہلاں پار اپڑ جان تے اوہدوں تک اوہ لوکاں نوں گھل دیوے گا۔

23۔ تے اوہ لوکاں نوں گھل کے کلّا ای دعا کرن لئی پہاڑ اْتے چڑھ گیا تے جدوں شام ہوئی تے اوتھے کّلا ای سی۔

24۔ پر کشتی اوس ویلے جھیل دے وچکار سی تے چھلاں نال ڈولن ڈئی سی کیوں جے ہوا دوجے پاسے دی سی۔ 

25۔ تے اوہ رات دے چوتھے پہر جھیل اْتے ٹردیاں ہوئے اوہناں دے کول آگیا۔

26۔ شاگرد اوہنوں جھیل اْتے ٹردیاں ویکھ کے ڈر گئے تے آکھن لگے پئی اوہ بھوت اے تے ڈر کے چیکن لگ پئے۔ 

27۔ یسوع نے چھیتی نال اوہناں نوں آکھیا پئی حوصلہ کرو۔ مَیں آں۔ ڈر نہ۔ 

28۔ پطرس نے جواب وچ اوہنوں آکھیا پئی اے خداوند جے تْو ہے ایں تے مینوں حْکم دے پئی پانی اْتے ٹر کے تیرے کول آنواں۔ 

29۔ اوہنے آکھیا آ جا۔ پطرس کشتی توں اْتر کے یسوع دے کول جان لئی پانی اْتے ٹرن لگ پیا۔ 

30۔ پر جدوں ہوا ویکھی تے ڈر گیا تے جدوں ڈْبن لگیا تے اْچی آواز نال آکھیا اے ربا! مینوں بچا۔ 

31۔ یسوع نے چھیتی نال ہتھ ودھا کے اوہنوں پھڑلیا تے اوہنوں آکھیا اے کم اعتقادا ! تْو کیوں شک کیتا؟

32۔ تے جدوں اوہ کشتی دے اْتے چڑھ گئے تے ہوا رْک گئی۔

6۔ متی 15باب21، 22، 24توں28 آیتاں

21۔ فیر یسوع اوتھوں نکل کے صور تے صیدا دے علاقیاں ول ٹْر پیا۔ 

22۔ تے ویکھو اک کعنانی عورت اوہناں علاقیاں وچوں نکلی تے اوہنوں بلا کے آکھن لگی اے ربا داؤد دے پْتر میرے اْتے رحم کر۔ اک بد روح میری دھی نوں بوہت ستاؤندی اے۔

24۔ اوہنے جواب وچ آکھیا پئی مَیں اسرائیل دے خانوادے دیاں گواچیاں ہوئیاں بھیڈاں توں علاوہ کسے ہور دے کول نئیں گھلیا گیا۔ 

25۔ پر اوہنے اوہنوں آکے سجدہ کیتا تے آکھیا، اے ربا، میری مدد کر۔ 

26۔ اوہنے جوب دے کے آکھیا مْنڈیاں دی روٹی لے کے کْتیاں اگے پاؤنا چنگا نئیں۔ 

27۔ اوہنے آکھیاں ہاں اے ربا کیوں جے کْتے وی اوہناں ٹکڑیاں وچوں ای کھاندے نیں جیہڑے مالک دی چھابی وچوں ڈِگدے نیں۔ 

28۔ ایس گل اْتے یسوع نے جواب وچ اوس عورت نوں آکھیا تیرا ایمان بوہت وڈھا اے۔ جیویں تْو چاؤندی ایں تیرے لئی اونج ای ہووے تے اوسے ویلے اوہدی دھی نے شفا پائی۔ 

7۔ رومیوں 8باب 31، 35، 37 آیتاں

31۔ ایس لئی اسی ایہناں گلاں دے بارے کیہ آکھیئے ؟ جے رب ساڈے ول اے تے کون ساڈا مخالف اے؟

35۔ کون ساہنوں مسیح دی محبت توں وکھ کرے گا؟ مصیبت یا تنگی یا ظلم یا کال یا ننگا پن یا خطرہ یا تلوار؟

37۔ پر اوہناں ساریاں حالتاں وچ اوہدے پاروں جنہے ساڈے نال محبت کیتی ساہنوں فتح توں وی ودھ کے غلبہ حاصل ہْندا اے۔

8۔ 2 کرنتھیوں 10باب3توں5آیتاں

3۔ کیوں جے بھانویں اسی جسم وچ حیاتی گزاردے آں پر جسم دے طور تے لڑدے نئیں۔

4۔ ایس لئی پئی ساڈی لڑائی دے ہتھیار جسمانی نئیں بلکہ رب دے سامنے قلعیاں نوں ڈھا ؤن دے قابل نیں۔ 

5۔ ایس لئی اسی تصورات تے ہر اک اجیہی شے نوں جیہڑی رب دی پچھان دے خلاف سر چْک کے بیٹھی اے ڈھا دیندے آں تے ہر اک خیال نوں قید کر کے مسیح دا فرمانبردار بنا دیندے آں۔



سائنس تے صحت


1۔ 419: 6(رب) ۔7

رب تے بس اوہدے خیال سچے تے ہم آہنگ نیں۔

2۔ 108: 21 (میں) ۔ 29

مَیں الٰہی سائنس وچوں ایہہ سچیائیاں سکھیاں نیں: پئی سارے سچے بندے رب، یعنی الٰہی سیان وچ نیں، تے ایہہ پئی حیاتی، سچیائی تے محبت قادر مطلق تے ازلی نیں؛ پئی سچیائی دا مخالف ، جنہوں غلطی، بیماری، موت آکھیا جاندا اے، مادی سوچ دی جھوٹی مادی سیان دی جھوٹی گواہی اے، پئی ایس جھوٹی سیان وچ، ایمان دے لحاط نال، مادی سوچ دی نفسی حالت شامل ہْندی اے جنہوں نام دی سیان مادا آکھدی اے، ایس طراں روح دی اصلی سیان رْک جاندی اے۔

3۔ 472: 27 (ایہہ) ۔ 3

۔۔۔پاپ، بیماری تے موت دی کلّی سچیائی ایہہ اصلیت اے پئی غیر اصلیتاں ، غلط عقیدیاں نال ، انسان نوں اصلی لگدے نیں، جدوں تیکر رب اوہناں دا پردہ فاش نہ کردیوے۔ اوہ اصلی نئیں کیوں جے رب ولوں نئیں۔ 

کرسچن سائنس وچ اسی سکھدے آں پئی مادی سوچ یا جسم دی ساری خارج از آہنگی نظر دا دھوکہ اے جیہڑیں بھانویں اصلی تے اِکو جیہی وکھالی دیندی اے پر اوہ نہ اصل تے نہ ای اِکو جیہی ملکیت رکھدی اے۔ 

4۔ 276: 12۔16، 26 (فرق) ۔ 28

ایس گل دا احساس پئی ساری خارج از آہنگی غیر اصلی اے انسانی تصور وچ خیالاں تے شیواں نوں اوہناں دی اصلی لَو دے نال لیاؤندا اے، تے اوہناں نوں بوہت سوہنا ں تے فانی طور تے پیش کردا اے۔انسان وچ ہم آہنگی اوہنی اصلی تے لافانی ہْندی اے جنہی موسیقی وچ ہْندی اے۔ مخالفت غیرا صلی تے فانی اے۔

مخالفت کجھ وی نئیں اے جنہوں غلطی دا ناں دِتا گیا اے۔ ہم آہنگی کجھ ہے اے جنہوں سچیائی دا ناں دِتاں گیا اے۔ 

5۔ 346: 9۔13

کسے وی عدم شے دی غیر اصلیت واضح اے؛ پر ساہنوں ایہہ سمجھن دی لوڑ اے پئی غلطی کجھ وی نئیں اے، تے ایہدی غیر اصلیت محفوط نئیں اے، پر کلیت، یعنی سچیائی دے کجھ ہوون نوں ثابت کرن لئی ظاہر ہونی چاہیدی اے۔ 

6۔ 134: 21۔30

سْچا لوگوس قابل اثبات کرسچن سائنس اے، ہم آہنگی دا اوہ فطری قانون جیہڑا اختلاف اْتے فتح پاؤندا اے، ایس لئی نئیں پئی ایہہ سائنس مافوق الفطری یا غیر طبعی اے تے نہ ای ایس لئی پئی ایہہ الٰہی قانون دی خلاف ورزی اے، بلکہ ایس لئی پئی ایہہ رب یعنی نیکی دا ناقابل تبدیل قانون اے۔ یسوع نے آکھیا ’’مینوں تے پتا سی پئی تْو ہمیشہ میری سْن دا ایں‘‘؛ تے اوہنے لعذر نوں زندہ کیتا، طوفان نوں روکیا، بیمار نوں شفا دِتی، پانی اْتے ٹریا۔ ایتھے مادے دے مقابلے وچ روحانی قدرت دی برتری اْتے یقین رکھن دا الٰہی اختیار اے۔

7۔ 380: 28۔4

ایس توں بوہتی حوصلہ شکنی والی گل کوئی نئیں اے پئی رب یا چنگیائی دے خلاف ایک طاقت اے، تے ایہہ پئی رب ایس مخالف طاقت نوں اپنے آپ دے خلاف، حیاتی، صحت تے ہم آہنگی دے خلاف طاقت فراہم کردا اے۔

مادے یا جسم دا ہر اوہ قانون ، جیدے نال انسان اْتے حکومت کرن دی اْمید رکھی جاندی اے، حیاتی یعنی رب دے قانون توں خالی پن تے خلا سمجھیا جاندا اے۔ ساڈے رب دے دتے ہوئے حقوق توں نا آشنا اسی بے انصاف حکماں دے تابع ہو جاندے آں تے متعصب تعلیم ایس غلامی نوں پْر زور بنا دیندی اے۔ 

8۔ 228:11۔19

انسان دی غلامی جائز نئیں اے۔ ایہہ اوہدوں مْکے گی جدوں اوہ انسان اپنی آزادی دی وراثت تے مادی حِساں اْتے رب دی دتی ہوئی سلطنت وچ شامل ہْندا اے۔ انسان اک دن قادر مطلق رب دے ناں اْتے اپنی آزادی دا دعویٰ کرن گے۔ فیر اوہ اپنے جسماں نوں الٰہی سائنس دی سیان دے پاروں قابو کرن گے۔ اپنے موجودہ عقیدیاں نوں چھڈدیاں ہوئے اوہ ہم آہنگی نوں روحانی اصلیت دے طور تے تے مخالفت نوں مادی غیر اصلیت دے طور تے سمجھن گے۔

9۔ 88:9۔15 (توں،)

اصلی خیالاں تے وہما ںوچ فرق کیویں کیتا جاووے؟ ہر اک دی بنیاد نوں سِکھدیاں ہوئے۔ خیال الٰہی سیان ولوں اظہار نیں۔ سوچاں، ذہن یا مادے توں جنم لیندیاں ہوئے، مادی سیان دیاں شاخاں نیں؛ اوہ فانی مادی عقیدے نیں ۔ خیال روحانی، ہم ساز تے ابدی نیں۔ عقیدے ناں دیاں ای حِساں توں جنم لیندے نیں۔

10۔ 563:1۔7 (توں؟)

انسانی حس مخالفت اْتے حیران ہْندی اے جد کہ الٰہی حس لئی ہم آہنگی اصلی تے مخالفت غیر اصلی اے۔ اسی پاپ، بیماری تے موت اْتے حیران ہو سکدے آں۔ اسی انسانی ڈر توں حیران ہو سکدے آں؛ فیر وی نفرت کرن توں بوہت راضی ہو سکدے آں؛ جیدے نال اوہدا کھمبے ورگا سر ہور اْچا ہو جاندا اے، جیہڑا بدی دیاں بوہت ساریاں ایجاداں وچ اپنے سینگ وکھاؤندا اے۔ پرساہنوں عدم دے سامنے ڈرے ہوئے کیوں کھڑا ہونا چاہیدا اے؟

11۔ 96:15۔18

مادی عقیدیاں دا ٹْٹناں کال تے وبا، غم تے غصہ، پاپ ، بیماری تے موت لگ سکدے نیں، جیہڑے اوس ویلے تیکر نویں مرحلیاں نوں قبول نئیں کردے جدوں تیکر اوہناں دا عدم سامنے نئیں آؤندا۔

12۔ 414:28۔31

یاد رکھو پئی انسان دی کاملیت اصلی تے بغیر شک والی اے، جد کہ عیب قابل اعتراض ، غیر اصلی تے الٰہی محبت نال لیایا گیا نئیں ہْندا۔ 

13۔ 495: 14۔20

جدوں بیماری یا پاپ دا وہم تہانوں آزماؤندا اے تے رب تے اوہدے خیال دے نال مضبوطی نال جْڑے رہوو۔ اوہدے مزاج توں علاوہ کسے شے نوں تہاڈے خیال وچ قائم ہوون دی اجازت نہ دیوو۔ کسے ڈر یا شک نوں تہاڈے ایس واضح تے مطمئن بھروسے اْتے حاوی نہ ہون دیوو کہ حیاتی دی پچھان والی ہم آہنگی ، جیویں پئی حیاتی ازل توں اے، ایس شے دے کسے وی درد ناک احساس یا یقین نوں تباہ کر سکدی اے جیہڑی حیاتی وچ ہے ای نئیں اے۔

14۔ 378:26۔30 (توں؛)

رب نے مادے نوں کدی اجیہی طاقت نال نئیں نوازیا جیہڑی حیاتی نوں مفلوج کر سکے یا مخالفت اک لمبی تے ٹھنڈی رات نال ہم آہنگی نوں ٹھنڈا کرسکے۔ اجیہی طاقت دا ، الٰہی اجازت توں بغیر، تصور وی نئیں کیتا جا سکدا۔ 

15۔ 368: 14۔19

جدوں اسی غلطی توں بوہتا حیات دی سچیائی اْتے بھروسہ کردے آں، مادے توں بوہتا روح اْتے بھروسہ کردے آں، مرن توں بوہتا جین اْتے بھروسہ کردے آں، انسان توں بوہتا رب اْتے بھروسہ کردے آں، تے کوئی مادی مفروضے ساہنوں بیماراں نوں شفا دین تے غلطی نوں تباہ کرن تو نئیں روک سکدے۔

16۔ 253:9۔17

پیارے پڑھن والیو، مینوں اْمید اے پئی میں تہانوں تہاڈے الٰہی حقوق دی سیان ، تہاڈی اسمان ولوں دِتی ہوئی ہم آہنگی ول راہنمائی کر رہیا واں، تاں جو جدوں تسی ایہہ پڑھو تے تسی ویکھو پئی اجیہی وجہ (غلطی کرن توں علاوہ ، کوئی مادی حس جیدے وچ کوئی طاقت نئیں ہْندی) ایس قابل نئیں اے پئی تہانوں بیمار یا پاپی بنا سکے؛ تے مینوں امید اے پئی تسی ایس جھوٹی سوچ اْتے فتح پا رہئے او۔ بس ناں دی مادی حِس دے جھوٹ نوں جان دیاں ہوئے تسی پاپ، بیماری یا موت دے عقیدے اْتے فتح پاؤن والے اپنے حق دا دعویٰ کر سکدے او۔

17۔ 355: 11۔13

ہر ناں تے فطرت دی مخالفت نوں ہور نہ سنن دیوو، تے حیاتی دی ہم آہنگی تے اصلی سیان نوں انسان دے ضمیر دی ملکیت حاصل کرن دیوو۔ 


روزانہ دے فر

میری بیکر ایڈی ولو

روز انہ دی دع

ایس چرچ دے ہر رکن دا ایہہ فرض اے پئی ہر روز اوہ ایہہ دعا کرے: ’’تیری بادشاہی آوے؛‘‘ الٰہی سچیائی، حیاتی تے پیار دی سلطنت میرے اندر قائم ہووے، تے سارے پاپ میتھوں نکل جان؛ تے تیرا کلام سارے انساناں دے پیار نوں ودھاوے، تے اوہناں اْتے حکومت کرے۔

چرچ مینوئیل، آرٹیکل VIII، س

مقصداں تے کماں دا اک اصول

نہ کوئی مخالفت تے نہ کوئی ذاتی تعلق مادری چرچ دے کسے رکن دے مقصداں یا کماں اْتے اثر نئیں کرنے چاہیدے۔ سائنس وچ، بس الٰہی پیار ای حکومت کردا اے، تے اک مسیحی سائنسدان پاپ نوں رد کردیاں ہوئے، سْچی پراہ بندی، خیرات پسندی تے معافی نال پیار دیاں مِٹھیاں سچیائیاں دا پرچھانواں بن دا اے۔ ایس چرچ دے سارے رکناں نوں سارے پاپاں توں، غلط طراں دیاں پیشن گوئیاں ، منصفیاں، مذمتاں، صلاحواں، غلط اثراں نوں لین تے غلط اثر دین توں آزاد رہن لئی ہر روز خیال رکھنا چاہیدا اے تے دعا کرنی چاہیدی اے

چرچ مینوئیل، آرٹیکل VIII، سیکشن 1۔

فرض لئی چْستی

ایس چرچ دے ہر رکن دا ایہہ فرض اے پئی اوہ ہر روز جارحانہ ذہنی صلاحواں دے خلاف اپنے آپ نوں تیار رکھے، تے رب، اپنے قائد تے انساناں لئی اپنے فرضاں نوں نہ کدی بھْلے تے نہ کدی نظر انداز کرے۔ اوہدے کماں دے راہیں اوہدا انصاف ہووے گا، اوہ بے قصور یا قصور وار ہووے گا۔

چرچ مینوئیل، آرٹیکل VIII، سیکشن 6۔


████████████████████████████████████████████████████████████████████████