مضمون۔ جان

18۔ ویکھو! رب دی نظر اوہناں اْتے اے جیہڑے اوہدے توں ڈر دے نیں۔ جیہڑے اوہدی شفقت دے اْمیدوار نیں۔

19۔ تاں جو اوہناں دی جان نوں موت توں بچاوے تے کال وچ اوہناں نوں جیوندا رکھے۔
20۔ ساڈی جان نوں رب دی آس اے۔ اوہ ایساڈی کْمک تے ساڈی سِپر اے۔

21۔ ساڈا دل اوہدے وچ خوش رہئے گا کیوں جے اسی اوہدے پاک ناں اْتے بھروسہ کیتا اے۔

1۔ میں ہر ویلے رب نوں مبارک آکھاں گا۔ اوہدی ستائش ہمیشہ میری زبان اْتے رہئے گی۔

2۔ میری روح رب اْتے فخر کرے گی۔ حلیم بندے ایہہ سْن کے خوش ہوون گے۔

4۔ میں رب دا طالب آں، اوہنے مینوں جواب دِتا تے میرے سارے ڈر توں مینوں چھڑایا۔

9۔ میری جان ربوچ خوش رہئے گی تے اوہدی مکتی توں شادمان ہووے گی۔

1۔ زبور 37:34 آیت (توں :)

34۔ رب دی آس رکھ تے اوہدی راہ اْتے ٹردا رہ تے اوہ تینوں سرفراز کر کے دھرتی دا وارث بنائے گا۔

2۔ زبور 130: 1، 2، 5، 6 آیتاں

1۔ اے ربا میں ڈونگیائی وچوں تیرے اگے فریاد کیتی اے۔

2۔ اے ربا میری آواز سن لے تے میری درخواست اْتے تیرے کن لگے رہن۔

5۔ میں رب نوں اڈیک دا آں۔ میری جان اڈیکدی اے۔ تے مینوں اوہدے کلام اْتے بھروسہ اے۔ 

6۔ صبح نوں اڈیکن والیاں تون بوہتا، ہاں صبح نوں اڈیکن والیاں توں کِتے بوہتا میری جان رب نوں اڈیکدی اے۔

3۔ 1سیموئیل 17 باب: 2،4، 8، 11، 12، (توں؛) ، 32توں34 (توں پہلا، ) ، 37 (رب)، 42، 48 توں50، 58 آیتاں۔

2۔ تے ساؤل اتے اسرائیل دے لوکاں نے اکٹھے ہوکے ایلہؔ دی وادی وچ ڈیرے لائے تے لڑائی لئی فلِستیاں دے مقابلے وچ کھڑے ہوئے۔
4۔ تے فلِستیاں دے جَتھے وچوں اک پہلوان نکلیا جیدا ناں جاتی جولیتؔ سی اوہدا قد چھ ہتھ تے اک گِٹھ اْچا سی۔ 

8۔ اوہ کھڑا ہوئیا تے اسرائیل تے اوہناں دے جَتھیاں نوں اْچی اْچی آکھن لگیا تسی آکے جنگ لئی کیوں کھڑے ہوئے؟ کیہ میں فلِستی نئیں تے تسی ساؤل دے خادم نئیں؟ ایس لئی اپنے لئی کسے بندے نوں چْنو جیہڑے میرے سامنے آئے۔

11۔ جدوں ساؤل تے اسرائیلیاں نے اوس فلِستی دیاں گلاں سْنیاں تے خوف زدہ ہوگئے تے بوہت ڈر گئے۔

12۔ تے داؤد بیت الحم یہوداہ تے اوس افراتی دا مْنڈا سی جیدا ناں یسیؔ سی۔

32۔ تے داؤد نے ساؤل نوں آکھیا پئی اوس بندے دے پاروں کسے دا دل نہ گھبرائے۔ تیرا خادم جا کے اوس فلِستی نال لڑے گا۔

33۔ ساؤل نے داؤد نوں آکھیا پئی تْوں ایس لائق نئیں پئی اوس فلِستی دے اگے لڑن لئی جائے کیوں جے تْوں تے اک مْنڈا ایں تے اوہ اپنے بچپن توں ای جنگی مرد اے۔

34۔ فیر داؤد نے ساؤل نوں جواب دِتا،

37۔ ۔۔۔رب نے مینوں شیر تے ریچھ دے پنجے توں بچایا۔ اوہ ای مینوں ایس فلِستی دے ہتھوں بچائے گا۔ ساؤل نے داؤد نوں آکھیا جا رب تیرے نال رہئے۔

42۔ تے جدوں اوس فلِستی نے ایہدھر اودھر نظر کیتی تے داؤد نوں ویکھیا تے اوہنوں حقیر سمجھیا کیوں جے اوہ ہلے اک منْڈا جیئا سی تے لال رنگا تے نازک مْونہہ والا سی۔ 

48۔ تے اینج ہوئیا پئی جدوں اوہ فلِستی اْٹھیا تے اگے ودھ کے داؤد دے مقابلے لئی کول آیا تے داؤد نے جلدی کیتی تے جَتھے ول اوس فلِستی دا مقابلہ کرن لئی دوڑیا۔ 

49۔ تے داؤدنے اپنے تھیلے وچ اپنا ہتھ پایا تے اوہدے وچوں اک پتھر غلیل وچ رکھ کے اوس فلِستی دے متھے تے ماریا پئی اوہ پتھر اوس فلِستی دے متھے دے وچ وڑھ گیا تے وہ ہیٹھاں دھرتی اْتے مْدھے مْونہہ ڈِگ پیا۔

50۔ ایس طراں داؤد اوس غلیل تے پتھر نال اوس فلِستی توں جِت گیا تے فلِستی نوں ماریا تے قتل کر دِتا تے داؤد دے ہتھ وچ کوئی تلوار نئیں سی۔

58۔ فیر ساؤل نے اوہنوں آکھیا پئی جواناں تْوں کیہدا مْنڈا ایں؟ داؤد نے جواب دِتا میں تیرے خادم بیت الحمی یسی دا مْنڈا آں۔

4۔ 1 سیموئیل 18 باب: 1، 3، 14، 15 آیتاں

1۔ جدوں اوہ ساؤل نال گلاں کر کے ہٹیا تے یْونتنؔ دا دل داؤد دے دل نال مل گیا پئی یْونتنؔ اپنی جان وانگر اوہنوں پیار کرن لگ پیا۔

3۔ تے یْونتنؔ تے داؤد نے آپس وچ وعدہ کیتا کیوں جے اوہ اوہنوں اپنی جان وانگر پیار کردا سی۔

14۔ تے داؤد اپنیاں ساریاں راہواں وچ سیان دے نال ٹر دا سی تے رب اوہدے نال سی۔

15۔ جدوں ساؤل نے ویکھیا پئی اوہ سیان دے نال کم کردا اے تے اوہ اوہدے توں ڈرن لگ پیا۔

5۔ 1سیموئیل 19 باب: 1، 2، 4، 6، 7 آیتاں

1۔ تے ساؤل نے اپنے پْتر یْونتنؔ نوں تے اپنے سارے خادماں نوں آکھیا پئی داؤد نوں مار دیو۔

2۔ پر ساؤل دا پْتر یْونتنؔ ؔ داؤد توں بوہت خوش سی۔ ایس لئی یْونتن نے داؤد نوں آکھیا پئی میرا پیو تیرے قتل دی سوچ رکھدا اے ایس لئی تْوں صبح نوں اپنا خیال رکھین تے کسے خفیہ تھاں تے جا کے لْک جا۔

4۔ تے یْونتنؔ نے اپنے پیو ساؤل اگے داؤد دی تعریف کیتی تے آکھیا پئی بادشاہ اپنے خادم داؤد نال بریائی نہ کرے کیوں جے اوہنے تیرا کجھ ماڑا نئیں کیتا بلکہ تیرے لئی اوہدے کم بوہت چنگے رہئے نیں۔

6۔ تے ساؤل نے یْونتنؔ دی گل سنی تے ساؤل نے قسم کھا کے آکھیا پئی رب دی حیاتی دی قسم اوہ نئیں ماریا جائے گا۔

7۔ تے یْونتنؔ نے داؤد نوں بلایا تے اوہنے ایہہ ساریاں گلاں اوہنوں دسیاں تے یْونتنؔ داؤد نوں ساؤل دے کول لیایا تے اوہ پہلے وانگر اوہدے کول رہن لگ گئے۔ 

6۔ امثال 11باب:3 (توں :)

3۔ راستبازاں دی راستی اوہناں دی راہنما ہووے گی۔

7۔ زبور 25: 1، 10توں13، 20، 21 آیتاں

1۔ اے ربا! میں اپنی جان تیرے ول چْکدا آں۔

10۔ جیہڑے رب دے وعدے تے شہادتاں نوں من دے نیں اوہناں لئی اوہدیاں ساریاں راہواں شفقت تے سچیائی دیاں نیں۔

11۔ اے ربا! اپنے ناں دی خاطر میری بریائی معاف کر دے کیوں جے اوہ وڈھی اے۔

12۔ اوہ کون اے جیہڑا رب توں ڈر دا اے؟ رب اوہنوں اوس راہ دی ہی تعلیم دیوے گا جیہڑی اوہنوں پسند اے۔

13۔ اوہدی جان سکون وچ رہئے گی۔ تے اوہدی پیڑی دھرتی دی وارث ہووے گی۔

20۔ میری جان دی حفاظت کر تے مینوں چھْرا۔ مینوں شرمندہ ناں ہوون دے کیوں جے میرا بھروسہ تیرے اْتے ہی اے۔

21۔ دیانتداری تے راستبازی مینوں سلامت رکھن۔ کیوں جے مینوں تیری آس اے۔

8۔ زبور 26:3، 8 توں12 آیتاں

3۔ کیوں جے تیری شفقت میریاں اکھاں دے سامنے اے تے میں تیری سچیائی دی راہ اْتے ٹردا رہیا آں۔

8۔ اے ربا! میں تیری سکونت گاہ تے تیرے جلال دے خیمے نوں عزیز رکھدا آں۔

9۔ میری جان نوں پاپیاں دے نال تے میری حیاتی نوں خونی بندیاں نال نہ ملا۔

10۔ جنہاں دے ہتھاں وچ شرارت اے تے جنہاں دا سجا ہتھ رشوتاں نال بھریا اے۔

11۔ پر میں تے راستی اْتے ٹر دارہواں گا۔ مینوں چھْڑا لے تے میرے اْتے رحم کر۔

12۔ میرا پیر ہموار تھاں اْتے قائم اے۔ میں جماعتاں وچ رب نوں مبارک آکھاں گا۔

1۔ 307: 25 (الٰہی) ۔30

الٰہی سیان انسان دی جان اے، تے انسان نوں ساریاں شیواں اْتے حکمرانی دیندا اے۔ انسان نوں مادیت دی بنیاد اْتے نئیں بنایا گیا تے نہ اوہنوں مادی قانوناں دی پاسداری دا حکم دِتا جیہڑے روھ نے کدی نئیں بنائے؛ ایہدا صوبہ روحانی قانوناں ، سیان دے اْچے اصولاں وچ اے۔

2۔ 249: 31 (انسان) ۔ 5

انسان روح دا پرچھانواں اے۔ اوہ مادی احساس دے بالکل خلاف اے، سوائے اک انا دے۔ اسی اوہدوں غلطی کردے آں جدوں اسی روح نوں وکھریاں وکھریاں روحاں وچ قنڈ دیندے ، سیان نوں ہور سیاناں وچ ودھا دیندے تے غلطی توں سیا ن بناؤن دی توقع رکھدے آں، فیر سیان نوں مادے وچ ونڈدے آں تے مادے توں قانون بناؤن دی امید رکھدے آں، جہالت توں سیان وانگر کم کرن تے فانیت توں لافانیت دا سانچہ بنن دی امید کردے آں۔ 

3۔ 390: 4۔9

اسی ایہدے توں انکار نئیں کر سکدے پئی حیاتی خود پرور اے، تے ساہنوں روح دے ہمیشہ والی ہم آہنگی توں انکار نئیں کرنا چاہیدا، کیوں جے، ظاہری احساساں وچ اختلاف ہْندا اے۔ ایہہ رب، الٰہی اصول، توں ساڈی ناواقفیت اے جیہڑی ظاہری اختلاف نوں جنم دیندی اے، تے ایہدے بارے چنگی سوچ ہم آہنگی نوں بحال کردی اے۔

4۔ 58: صرف 12

جان وچ اخلاقی آزادی اے۔

5۔ 192: 17۔26

اخلاقی تے روحانی شاید روح نال تعلق رکھدے نیں، جیہڑا ’’ہوا نوں مٹھی ‘‘ وچ اکٹھا کر لیندا اے؛ تے ایہہ تعلیم سائنس تے ہم آہنگی دے نال اک ہْندی اے۔ سائنس وچ، رب دے خلاف تسی کوئی طاقت نئیں رکھ سکدے، تے جسمانی احساساں نوں اوہناں دی جھوٹی گواہی توں پچھاں ہٹنا پیندا اے۔ چنگیائی لئی تہاڈی پہنچ دا انحصار ایس وزن اْتے اے جیہڑا تسی ٹھیک سکیل اْتے پاندے او۔ جیہڑی نیکی تسی کردے او تے ظاہری جسم تہانوں بس حاصل ہوون دے قابل طاقت دیندا اے۔ بریائی کوئی طاقت نئیں اے۔ ایہہ طاقت دا مذاق اے جیہڑا چھیتی نال ای اپنی کمزوری نوں دھوکہ دیندا اے تے فیر کدی نہ اْٹھن لئی ہیٹھاں ڈِگ جاندا اے۔

6۔ 514: 10۔18

اخلاقی حوصلہ ’’یہودہ دے قبیلے دا ببر‘‘ ، ذہنی بادشاہت دا بادشاہ۔ ایہہ جنگل وچ آزاد دے بغیر ڈر دے کْمدا اے۔ کھلے میداناں وچ ایہہ چپ کر کے بیٹھیا رہندا اے یا ’’ہریاں چراہگاہواں وچ۔۔۔پانی دے چشمیاں کول‘‘ ایہہ آرام کردا اے۔ الٰہی فراست توں انسانی تشبیہی ترسیل وچ، جانفشانی، چالاکی تے ثابت قدمی ’’ہزاراں پہاڑاں دے چوپائیاں ‘‘ وانگر سمجھے جاندے نیں۔ اوہ پکا حل ہوون والا سامان لیندے نیں تے وڈھے مقصداں لئی رفتار ودھاؤندے نیں۔ 

7۔ 28: 32۔6

معاشرے وچ جانوراں والی حوصلہ افزائی بوہت اے تے اخلاقی حوصلہ افزائی نئیں اے۔مسیحیاں نوں گھر وچ تے باہر غلط شے دے خلاف ہتھ چْکنے چاہیدے نیں۔ اوہناں نوں اپنے تے دوجیاں دے پاپاں دے خلاف محاذ کھولنا چاہیدا اے، تے اپنا مقصد حاصل ہوون تیکر ایہہ جنگ جاری رکھنی چاہیدی اے۔ جے اوہ ایمان رکھدے نیں تے اوہناں نوں خوشی دا تاج ملے گا۔ 

8۔ 327: 24۔3

پر اسی اوس بندے دی اصلاح کیویں کرئیے جیدے وچ اخلاقی حوصلے تو بوہتا جانوراں والا حوصلہ اے، تے جنہوں چنگیائی دا بالکل وی خیال نئیں؟ انسانی سیان دے راہیں، مادے نوں لبھن وچ اوہدی غلطی دی فانیت نوں قائل کرن دا مطلب اے شادمانی لبھناں۔ وجہ سب توں بوہتی سر گرم انسانی ذہنی صلاحیت اے۔ ایہنوں جذبیاں نوں دسن دیو تے انسان دی اخلاقی ذمہ داری دے احساس نوں جگاؤن دیو، تے درجیاں دے راہیں اوہ انساناں دی خوشی دے احساس دے عدم وجود تے روحانی احساس دی عظمت تے راحت نوں سکھے گا،جیہڑی مادی یا فانی شیواں نوں چپ کرا دیندی اے۔فیر اوہ نہ صرف نجات یافتہ ہووے گا بلکہ اوہ نجات یافتہ ای اے۔

9۔ 234: 31۔ 3

برے خیال تے ارادے کسے بندے دی اجازت توں بوہتا اگے نئیں جاندے تے نہ بوہتا نقصان پہنچاندے نیں۔ جے فضل تے سچیائی مضبوط دفاع بناؤن تے برے خیال، شہوت تے بد خواہی والے مقصد اگے نئیں ودھ سکدے، تے کھِلرن والے دانیاں وانگر اک انسانی ذہن توں دوجے وچ غیر متوقع گھر نوں نئیں لبھدے رہندے۔

10۔ 235: 12(ایہہ) ۔ 13

۔۔۔ایہہ اخلاقی تے روحانی ثقافت وانگر بوہتی عالمانہ تعلیم نئیں اے جیہڑی کسے بندے نوں بوہت اْچا درجہ دیندی اے۔

11۔ 449: 11۔ 16 (توں؛)

انساناں دا اخلاقی پارہ ، ودھن تے کٹن نال، اوہنوں سکھاؤن لئی اوہدی شفائیہ قابلیت تے صحتمندی نوں درج کردا اے۔ جیہڑا تسی جان دے او پئی تہانوں ایہدے اْتے بوہت چنگی طراں عمل کرنا چاہیدا اے، تے فیر تسی اپنی ایمانداری تے خلوص دے تناسب وچ اگے ودھو گے، ایہہ اوہ خاصیتاں نیں جیہڑیاں ایس سائنس وچ کامیابی دی ضمانت دیندیاں نیں۔

12۔ 483: 10۔ 12

اخلاقی جہالت یا پاپ تہاڈے اظہار اْتے اثر انداز ہندے نیں تے کرسچن سائنس دے معیاراں دی پہنچ وچ رکاوٹ دی وجہ بن دے نیں۔

13۔ 455: 8۔16، 20۔27

تہانوں غلطی دیاں لہراں اْتے ٹرن لئی اپنی ذہنی طاقت نوں ورتنا چاہیدا اے تے اظہار دے راہیں اپنے دعویاں دی حمایت کرنی چاہیدی اے۔ جے تسی علاج نوں جان دیاں ہوئے، آپ ای پاپ تے بیماری دے ڈر تے یقین وچ گواچ جانے آں تے تسی اپنے ولوں ذہنی توانائیاں نوں ورتن وچ ناکام ہوجاؤ گے، تے تسی دوجیاں دی مدد نہ کرن لئی بوہت تھوڑی یا بالکل طاقت نہ ہوون دا تجربہ کر سکدے او۔ ’’پہلاں اپنی اکھ وچوں شہتیر کڈھ فیر توں اپنے پراہ دی انکھ وچ چنگی طراں تنکا ویکھ کے کڈھ سکیں گا۔‘‘

اْچے درجے والے کم لئی رب کسے بندے دی ودھن والی صحتمندی نوں چْن دا اے تاں جو کسے غیر ممکنہ مہم نوں ختم کر ن لئی ایہہ پیش کیتی جا سکے۔ وہ حکمت والا اپنا اعتبار کسے نااہل بندے نوں نئیں دیندا۔ جدوں وہ کسے قاصد نوں مختار بناؤندا اے تے ایہہ اوہ ہْندا اے جیہڑا روحانی طور تے آپ اوہدے نال ہووے۔ کوئی بندہ ایس ذہنی طاقت نوں غلط نئیں ورت سکدا، جے اوہنوں رب ولوں ایہدی تعلیم دتی گئی ہووے۔

14۔ 403: 14۔23

جے تسی ایہہ سمجھ جاؤ پئی ایہہ فانی وجود آپ اک فریب اے تے اوہ سْچا نئیں اے تے تسی صورت حال اْتے قابو پا لیندے او۔ فانی سیان لگاتار فانی جسم دیاں غلط صلاحواں دے نتیجیاں نوں جنم دیندی اے؛ تے اوہدوں تیکر جاری رہندا اے جدوں تیکر سچیائی فانی غلطی نوں ایہدیاں فرضی طاقتاں توں برطرف نئیں کر دیندا، جیہڑا فانی فریب دے ہولے جیئے جالے نوں صاف کر دیندا اے۔ بوہت سارے مسیحیاں دی حالت چنگیائی تے روحانی سیان والی ہندی اے ، تے ایہہ بیماراں دی شفا دا بوہت ودھیا تصرف اے۔ 

15۔ 288: 10۔ 19

جدوں کرسچ سائنس دے ظاہری تے فانی اثراں نوں پوری طراں سمجھ لیا جاندا اے تے سچیائی تے غلط ی، سیان تے یقین، سائنس تے مادی احساس دے وچکائے تصادم، جیدا پیش خیمہ نبیاں نے دِتا تے جیہنوں یسوع نے شروع کیتا، رد ہو جاوے گا تے روحانی ہم آہنگی بادشاہی کرے گی۔ غلطی دی گرج تے چمک اوہدوں تیکر ورھدی تے بلدی رہوے گی جدوں تیکر بدّل ہٹ نہ جان تے ایہدا شور دور نہ ہو جاوے۔ فیر رب ولوں مینہ دے چھِٹے دھرتی نوں تازہ کردے نیں۔ جیویں مقدس پولوس آکھدا اے: ’’ایس لئی رب دے لوکاں لئی آرام باقی اے‘‘ (جان دا)۔

16۔ 273: صرف 18

جدوں روح ولوں حکمرانی ہندی اے تے انسان سکون وچ آ جاندا اے۔