اتوار 14  اپریل ، 2019 |

اتوار 14  اپریل ، 2019



مضمون۔کیہ پاپ، بیماری تے موت اصلی نیں؟

زبور 107: 20 آیت



’’اوہ اپنا کلام نازل کر کے اوہناں نوں شفا دیندا اے تے اوہناں نوں اوہناں دی ہلاکت توں رہائی دیندا اے۔‘‘





>سبق دی آڈیو لئی ایتھے کلک کرو

یوٹیوب تے سنن لئی ایتھے کلک کرو

████████████████████████████████████████████████████████████████████████


جوابی پڑھائی: رومیوں 8باب1توں 9آیتاں


1۔ ایس لئی ہْن جیہڑے مسیح یسوع وچ نیں اوہناں اْتے سزا دا حْکم نئیں۔ 

2۔ کیوں جے حیاتی دے روح دی شریعت نے مسیح یسوع وچ مینوں پاپ تے موت دی شریعت توں آزاد کردِتا۔

3۔ ایس لئی پئی جیہڑا کم شریعت جسم دے پاروں ماڑی ہو کے نہ کر سکی اوہ رب نے کیتا یعنی اوہنے اپنے پْتر نوں پاپ آلود جسم دی صورت وچ تے پاپ دی قربانی لئی گھل کے جسم وچ پاپ دی سزا دا حکم دِتا۔ 

4۔ تاں جو شریعت دا تقاضا ساڈے وچ پورا ہووے جسم دے مطابق نئیں بلکہ روح دے مطابق چل دے آں۔

5۔ کیوں جے جیہڑے جسمانی نیں اوہ جسمانی گلاں دے خیال وچ رہندے نیں پر جیہڑے روحانی نیں اوہ روحانی گلاں دے خیال وچ رہندے نیں۔ 

6۔ تے جسمانی نیت موت اے پر روحانی نیت حیاتی تے اطمینان اے۔

7۔ ایس لئی پئی جسمانی نیت رب دی دْشمنی اے کیوں جے نہ تے رب دی شریعت دے ہیٹھاں اے نہ ہو سکدی اے۔

8۔ تے جیہڑے جسمانی نیں اوہ رب نوں خوش نئیں کر سکدے۔

9۔ پر تسی جسمانی نئیں بلکہ روحانی او بشرطیکہ رب دا روح تہاڈے وچ وسدا ہووے۔پر جیدے وچ مسیح دا روح نئیں اوہ اوہدا نئیں۔



درسی وعظ



بائب


1۔ پیدائش 1باب 1، 31آیت (توں پہلا (

1۔ رب نے شروع وچ دھرتی تے اسمان نوں بنایا۔ 

31۔ تے رب نے سب کجھ ول جو اوہنے بنایا سی نظر کیتی تے ویکھیا پئی بوہت چنگا اے۔

2۔ پیدائش 2باب6، 9، 15توں17آیتاں

6۔ بلکہ دھرتی وچوں کہر اْٹھدی سی تے ساری دھرتی نوں سیراب کردی سی۔

9۔ تے خداوند رب نے ہر رْکھ نوں جیہڑا ویکھن وچ خوشنما تے کھان ولئی چنگا سی دھرتی توں اگایا تے باغ دے وچکار حیاتی دا رْکھ تے نیکی تے بدی دی پچھان دا رْکھ وی لایا۔ 

15۔ تے خداوند رب نے آدم نوں لے کے عدن دے باغ وچ رکھیا پئی اوہدی راکھی تے نگہبانی کرے۔

16۔ تے خداوند رب نے آدم نوں حکم دِتا تے آکھیا پئی تْوں باغ دے ہر رْکھ دا پھل بغیر روک ٹوک کھا سکدا ایں۔

17۔ پر نیکی تے بدی دی پچھان دے رْکھ دا کدی نہ کھائیں کیوں جے جیس دن تْوں اوہدے وچوں کھادا تْو مریا۔ 

3۔ پیدائش 3باب1توں6، 13، 17آیتاں

1۔ سپ سارے دشتی جانوراں وچوں جنہاں نوں خداوند رب نے بنایا سی چالاک سی تے اوہنے عورت نوں آکھیا پئی کیہ سچی مْچی رب نے آکھیا اے پئی باغ دے کسے رْکھ دا پھل تْسی نئیں کھانا۔ 

2۔ عورت نے سپ نوں آکھیا پئی باغ دے رْکھاں دا پھل تے اسی کھاندے آں۔ 

3۔ پر جیہڑا رْکھ باغ دے وچکار اے اوہدے پھل دے بارے رب نے آکھیا اے پئی تسی نہ اوہنوں کھانا نہ ہتھ لانا نئیں تے مر جاؤ گے۔

4۔ تد سپ نے عورت نوں آکھیا پئی تْسی بالکل نئیں مرو گے۔ 

5۔ بلکہ رب جان د اے پئی جیس دن تْسی اوہنوں کھاؤ گے تہاڈی اکھیاں کھْل جان گئیاں تے تسی رب وانگر نیکی تے بدی نوں جانن والے بن جاؤ گے۔ 

6۔ عورت نے جدوں ویکھیا پئی اوہ رْکھ کھان نوں چنگا تے اکھیاں لئی خوشنما لگدا اے تے سیان دین لئی واواہ اے تے اوہدے پھل وچوں لَیا تے کھادا تے اپنے بندے نوں وی دِتا تے اوہنے کھادا۔ 

13۔ تد خداوند رب نے عورت نوں آکھیا پئی تْو ایہہ کیہ کیتا؟ عورت نے آکھیا پئی سپ نے مینوں ورغلایا تے میں کھادا۔ 

17۔ تے آدم نوں اوہنے آکھیا کیوں جے تْو اپنی بْڈھی دی گل منی تے اوس رْکھ دا پھل کھادا جیدے بارے میں تینوں حکم دِتا سی پئی نہ کھائیں ایس لئی دھرتی تیرے پاروں لعنتی ہوئی۔ مشقت دے نال تْو اپنی ساری عمر اوہدی پیداوار کھائیں گا۔

4۔ مرقس 8باب27 (توں پہلا، (

27۔ فیر یسوع چلا گیا۔

5۔ مرقس 9باب14توں29آیتاں

14۔ تے جدوں اوہ شاگردوں دے کول آئے تے ویکھیا پئی اوہناں دے چاروں پاسے اک وڈھا جتھا اے فقیہ اوہناں نال بحث کر رہئے نیں۔

15۔ تے اوسے ویلے سارا جتھا اوہنوں ویکھ کے حیران ہوئیا تے اوہدے ول نس کے اوہنوں سلام کرن لگے۔ 

16۔ اوہنے اوہناں نوں پچھیا تْسی اوہناں نال کیہ بحث کر دے او؟

17۔ تے جتھے وچوں اک نے اوہنوں جواب دِتا اے استاد میں اپنے پتر نوں جیدے وچ گْنگی روح اے تیرے کول لیایا سی۔ 

18۔ اوہ جِتھے اوہنوں پھڑدی اے چْک کے ماردی اے تے اوہ کف بھرلیاؤندا اے تے دند پِیسدا تے سْک دا جاندا اے تے مَیں تیرے شاگرداں نوں آکھیا سی پئی اوہ ایہنوں کڈھ دین پر اوہ نہ کڈھ سکے۔

19۔ اوہنے جواب وچ اوہناں نوں آکھیا اے بے ایمان قوم مَیں کدو تیکر تہاڈے نال رہواں گا؟ کدوں تیکر تہانوں برداشت کراں گا؟ اوہنے میرے کول لیاؤ۔

20۔ ایس لئی اوہ اوہنوں اوہدے کول لیائے تے جدوں اوہنے اوہنوں ویکھیا تے اوسے ویلے روح نے اوہنوں مروڑیا تے اوہ پْنجے ڈِگ گیا تے کف بھر کے تے لِٹن لگ گیا۔

21۔ اوہنے اوہدے پیو کولوں پچھیا ایہہ اوہنوں کنہے چِر توں اے؟ اوہنے آکھیا بچپن توں؟

22۔ تے اوہنے کئی واری اوہنوں اگ تے پانی وِچ سْٹیا پئی اوہنوں مار دیووے پر جے توں کجھ کر سکدا ایں تے ساڈے اْٹے ترس کھا کے ساہنوں مدد کر۔ 

23۔ یسوع نے اوہنوں آکھیا کیہ! جے توں کر سکدا ایں! جیہڑا ایمان رکھدا اوہدے لئی سب کجھ ہو سکدا اے۔ 

24۔ اوس مْنڈے دے پیو نے اوسے ویلے اْچی آواز نال آکھیا میں ایمان رکھدا آں۔ تو میری بے اعتقادی دا علاج کر۔ 

25۔ جدوں یسوع نے ویکھیا پئی لوگ دوڑ دوڑ کے اکٹھے ہو رہئے نیں تے اوس ناپاک روح نوں جھڑ ک کے آکھیا پئی اے گْنگی بولی روح! مَیں تینوں حکم دیندا آں ایہدے وچوں نکل آ تے اوہدے وچ فیر کدی نہ وڑِیں۔ 

26۔ اوہ چِیک کے تے وہنوں مروذ کے نکل آئی تے اوہ مردہ جیا ہو گیا اینویں پئی کئی لوکاں نے آکھیاپئی اوہ مر گیا۔

27۔ پر یسوع نے اوہدا ہتھ پھڑ کے اوہنوں اَٹھایا تے اوہ اٹھ کھلوتا۔ 

28۔ جدوں اوہ گھر وچ آیا تے اوہدے شاگرداں نے اوہلے وچ اوہنوں پچھیا پئی اسی اوہنوں کیوں نئیں کڈھ سکے؟

29۔ اوہنے اوہناں نوں آکھیا پئی ایہہ قِسم دعا دے علاوہ کِسے ہور طراں نئیں نکل سکدی۔

6۔ یوحنا 14باب10 (لفظ) توں12آیتاں

10۔ ۔۔۔ایہہ گلاں جیہڑیاں میں تہانوں آکھدا میرے ولوں نئیں آکھدا پر پیو میرے وچ رہ کے اپنا کم کردااے۔

11۔ میرا یقین کرو پئی میں پیو و چ آں تے پیو میرے وچ۔ نئیں تے میرے کماں پاروں ہی میرا یقین کرو۔ 

12۔ میں تہانوں سچی آکھدا آں پئی جیہڑا میرے اْتے ایمان رکھدا اے ایہہ کم جیہڑے میں کردا واں اوہ وی کرے گا بلکہ ایہناں توں وی وڈھے کم کرے گا کیوں جے میں پیو کول جاناں واں۔ 

7۔ یوحنا 15باب11آیت

11۔ میں ایہہ گلاں ایس لئی تہاڈے نال کیتیاں نیں پئی میر ی خوشی تہاڈے وچ ہووے تے تہاڈی خوشی پوری ہو جاووے۔



سائنس تے صحت


1۔ 526: 15۔17

رب نے جو کجھ بنایا سی اوہنوں چنگا آکھیا تے کلام واضح کردا اے پئی سب کجھ اوہنے ای بنایا ۔

2۔ 71: 1۔ 4

کجھ وی اصلی تے ابدی نئیں اے، کجھ وی روح نئیں اے، سوائے رب تے اوہدے خیال دے۔ بدی وچ کوئی اصلیت نئیں اے۔ ایہہ نہ تے کوئی بندہ، تھاں تے نہ ای کوئی شے اے، بلکہ صرف اک عقیدہ ، مادی حِس دا اک وہم اے۔

3۔ 228: 25۔ 29 (دوجے توں)

رب توں وکھ کوئی طاقت نئیں اے۔ قادر مطلق وچ ساری طاقت اے، تے کسے ہور طاقت نوں منناں رب دی بے عزتی کرن دے برابر اے۔ حلیم ناصری نے ایس مفرقضے نوں رد کردِتا سی پئی پاپ، بیماری تے موت وچ کوئی طاقت اے۔ اوہنے ایہناں نوں بے اختیار ثابت کیتا۔ 

4۔ 538: 13۔ 22

’’حیاتی دا رْکھ‘‘ ابدی اصلیت یا ہستی دی علامت اے۔ ’’پچھان دا رْکھ‘‘ غیر اصلیت دی نشانی بن دا اے۔ سپ دی گواہی غلطی تے اوس جھوٹے دعوے دی علامت اے جیہڑا رب یعنی چنگیائی نوں غلط بیان کر دا اے۔پاپ، بیماری تے موت دے حوالے نال پیدائش وچ دِتے ہوئے الوہیت دے تعارف وچ کوئی ریکارڈ نہیں مِلدا، جیدے وچ رب اسمان، دھرتی تے انسان نوں بناؤندا اے۔ بدی دی کوئی تاریخ نئیں سوائے ایہدے پئی جیہڑا میدان وچ وڑن دی سچیائی دی مخالفت کردا اے، تے بدی نوں بس اصلیت تے ابدیت دے مقابلے وچ غیر حقیقی دے طور تے ای پیش کیتا گیا اے۔ 

5۔ 567: 18۔ 23

ایہہ جھوٹا دعویٰ ، ایہہ پرانا عقیدہ پئی پرانا سپ جیدا ناں شیطان (بدکار) اے، جیہڑا مادے دی ذہانت دا دعویٰ کردا اے بھانویں اوہ انسان دے فائدے لئی ہووے یا نقصان لئی ، اوہ بڑا واضح وہم، لال اژدھا اے تے اوہنوں مسیح، سچیائی ، روحانی خیال نے باہر کڈھ کے سْٹ دِتا اے، تے ایس لئی ایہہ بے اختیار ثابت ہوئیا اے۔

6۔ 492: 22۔ 28

ایہہ قیاس پئی سیان تے مادا پاپ، بیماری تے موت دے انسانی وہم وچ گھْل مل جاندے نیں اخیریں الٰہی سائنس دے ہیٹھاں ہو جاندا اے، جیہڑا ایس قیاس توں انکار کرد ااے۔ رب سیان اے، رب حدوں باہر اے؛ ایس لئی سب کجھ سیان ای اے۔ شخصی سائنس ایہدے اْتے ای اے، تے ایس سائنس دا اصول الٰہی اے، جیہڑا ہم آہنگی تے لافانیت نوں ظاہر کردا اے۔

7۔ 385: 31۔ 15

کسے اک عاقل دے طور تے تہاڈے جسم یا سست مادے ولوں آؤن والی فرضی معلومات فانی سوچ دی فریب نظری اے، ایہہ اوہدے سْفنیاں وچوں اک اے۔ایس گل نوں جانو پئی حِساں دا ثبوت بیماری دے معاملے وچ ہور ایہناں قبول نئیں کیتا جاندا جنہاں پاپ دے معامے وچ کیتا جاندا اے۔

جسم نوں خاص درجہ حرارت اْتے ننگا کرئیے تے عقیدہ آکھدا اے پئی تہانوں نزلہ زکام ہو جاندا اے، پر سیان ولوں مطلوب تے پیدا کیتے بغیر ایہدا کوئی نتیجہ نئیں نکل سکدا۔ جیویں پئی بشر ایہہ واضح کر دے نیں پئی کجھ حالتاں نزلہ، بخار، گیٹھیا یا تب دق پیدا کردیاں نیں جیہڑیاں ایہناں اثراں نوں جنم دیندیاں نیں موسم دے پاروں نئیں بلکہ عقیدے دی بنیاد اْتے۔ لکھاری نے بوہت ساریاں مثالاں وچ فانی سوچ اْتے سچیائی دے کم پوروں تے جسم اْتے سچیائی دے اثراں دے پاروں بیماری توں شفا دِتی، ایہہ جانن توں بغیر پئی ایہہ اینج دا اے۔

8۔ 230: 1۔ 10

جے بیماری اصلی اے تے ایہہ لافانیت نال تعلق رکھدی اے؛ جے سچی اے تے ایہہ سچیائی دا حصہ اے۔ نشے دے نال یا ایہدے بغیر کیہ تْسی سچیائی دی حالت یا خصوصیت نوں تباہ کرو گے؟ پر جے پاپ تے بیماری وہم نیں، تے ایس فانی سْفنے یا وہم توں جاگنا ساہنوں صحتمندی، پاکیزگی تے لافانیت حاصل کردا اے۔ ایہہ جاگنا مسیح دا آؤنا اے، سچیائی دا ویلے توں پہلاں اظہار جیہڑا غلطی نوں باہر کڈھدا تے بیمار نوں ٹھیک کردیندا اے۔ ایہہ اوہ مکتی اے جیہڑی رب، الٰہی اصول ، اوس محبت پاروں مِلدی اے جنہوں یسوع نے ظاہر کیتا اے۔ 

9۔ 427: 13۔ 14، 29۔ 3

موت سْفنے دا اک مرحلہ اے کیوں جے وجود مادی ہو سکدا اے۔

ایتھے تے آخرت وچ موت دے سْفنے دی قیادت سیان کردی اے۔ اپنے آپ دے مادی اظہار توں سوچ ’’میں مردہ آں‘‘ پیدا ہْندی اے تاں جو سچیائی دے ایس چھنکن والے لفظ نوں پھڑ سکے، ’’کوئی موت، بے عملی، بیماری والا عمل، رد عمل تے نہ ای شدید رد عمل اے۔‘‘

حیاتی اصلی اے، تے موت وہم اے۔

10۔ 428: 6۔ 14

ایس مقتدر ویلے وچ انسان دی ترجیح اپنے مالک دے ایہناں لفظاں نوں ثابت کرنا اے: ’’جے کوئی بندہ میرے کلام اْتے عمل کرے گا تے اوہ ہمیشہ تیکر کدی موت نوں نہ ویکھے گا۔‘‘ جھوٹے بھروسیاں تے مادی ثبوتاں دے خیالاں نوں مْکان لئی ، تاں جو شخصی روحانی حقیقتاں سامنے آؤن، ایہہ اک بوہت وڈھا حاصل کنندہ اے جیدے راہیں اسی غلط نوں مکا دیواں گے تے سچیائی نوں تھاں دیواں گے۔ ایس طراں اسی سچیائی دی اوس ہیکل یا بدن نوں بناؤندے آں ، ’’جیہدا مستری یا بناؤند والا رب سے‘‘۔ 

11۔ 570: 26۔ 29

جدوں رب بیمار یا پاپ کرن والے نوں شفا دیندا اے تے اوہناں نوں اوس وڈھے فائدے توں واقف ہونا چاہیدا اے جیہڑا سیان اوہناں لئی لیائی اے۔ اوہناں نوں سیان دے اوس وڈھے وہم توں وی واقف ہونا چاہیدا اے جیہڑا اوہناں نوں بیمار یا پاپی بناؤندااے۔

12۔ 572: 12۔ 17

محبت کرسچ سائنس دے قانون نوں پورا کرد ی اے، تے ایس الٰہی اصول توں بگیر کجھ وی، سمجھیا جان والا تے ظاہر ہون والا، اسمانی کتاب دی بصیرت نوں آراستہ نئیں کر سکدا، ایہہ کتاب جیہڑی سچیائی دے نال غلطی دیاں ست مہراں کھولدی اے یا پاپ، بیماری تے موت دے ہزاراں وہماں نوں بے نقاب کردی اے۔ 

13۔ 242: 9۔ 20

اسمان اْتے جان دا کلّا راستہ ہم آہنگی اے تے مسیح الٰہی سائنس وچ ساہنوں ایہہ راستہ وکھاؤندا اے۔ ایہدا مطلب رب، چنگیائی تے اوہدے پرچھانویں توں علاوہ کسے ہور اصلیت نوں نہ جاننا، حیاتی دے کسے ہور ضمیر نوں نہ جاننا اے، تے بس ناں دی ای پِیڑ تے خوشی دے احساساں توں برتر ہونا اے۔

خود پرستی اک مضبوط جسم توں بوہتی غیر شفاف اے۔ صابر رب دی صابر تابعداری وچ آؤ غلطی، خودارادی، خود جوازی تے خود پرستی دے سخت پتھر نوں پیار دے محلول نال حل کرنے لئی کوشش کرئیے جیہڑا روحانیت دے خلاف جنگ کردااے تے ایہہ پاپ تے موت دا قانون اے۔

14۔ 227: 21۔ 29

کرسچن سائنس آزاد نوں اْچا کردی تے چِیکدی اے پئی: ’’میرے مگر ٹْرو! بیماری، پاپ تے موت دے بندھناں توں بچو!‘‘ یسوع نے راستہ سِدھا کیتا اے۔ جگ دے واسیو! ’’رب دے بچیاں دی جلالی آزادی‘‘ نوں قبول کرو، تے آزاد ہوو! ایہہ تہاڈا الٰہی حق اے۔ مادی حس دے وہم نے ، نہ کہ الٰہی قانون نے، تہانوں بنھیاں ہوئیا اے، تہاڈے آزاد حصیاں نوں جکڑیا ہوئیا اے، تہاڈی صلاحتاں نوں پھڑ کے رکھیا اے، تہاڈے جسم نوں ماڑا کیتا ہوئیا اے، تے تہاڈی ہستی والی تختی نوں خرب کے کے رکھیا اے۔

15۔ 390: 20۔ 26

سوچ نوں وڈھا کرن لئی کسے پاپ یا بیمارے دے دعوے نوں برداشت نہ کرو۔ ایک مضبوط عقیدے دے راہیں ایہنوں خارج کرو پئی ایہہ غیر قانون اے کیوں جے تسی چاؤندے اور پئی رب بیماری دا مصنف نئیں اے جیویں پئی اوہ پاپ دا نئیں اے۔ تہاڈے کول پاپ یا بیماری وچ کسے اک دی لوڑدی حمایت لئی اوہدا کوئی قانون نئیں اے، پر تہاڈے کول ایس لوڑ دا انکار کرن تے بیمار نوں شفا دین دا اختیار ضرور اے۔


روزانہ دے فر

میری بیکر ایڈی ولو

روز انہ دی دع

ایس چرچ دے ہر رکن دا ایہہ فرض اے پئی ہر روز اوہ ایہہ دعا کرے: ’’تیری بادشاہی آوے؛‘‘ الٰہی سچیائی، حیاتی تے پیار دی سلطنت میرے اندر قائم ہووے، تے سارے پاپ میتھوں نکل جان؛ تے تیرا کلام سارے انساناں دے پیار نوں ودھاوے، تے اوہناں اْتے حکومت کرے۔

چرچ مینوئیل، آرٹیکل VIII، س

مقصداں تے کماں دا اک اصول

نہ کوئی مخالفت تے نہ کوئی ذاتی تعلق مادری چرچ دے کسے رکن دے مقصداں یا کماں اْتے اثر نئیں کرنے چاہیدے۔ سائنس وچ، بس الٰہی پیار ای حکومت کردا اے، تے اک مسیحی سائنسدان پاپ نوں رد کردیاں ہوئے، سْچی پراہ بندی، خیرات پسندی تے معافی نال پیار دیاں مِٹھیاں سچیائیاں دا پرچھانواں بن دا اے۔ ایس چرچ دے سارے رکناں نوں سارے پاپاں توں، غلط طراں دیاں پیشن گوئیاں ، منصفیاں، مذمتاں، صلاحواں، غلط اثراں نوں لین تے غلط اثر دین توں آزاد رہن لئی ہر روز خیال رکھنا چاہیدا اے تے دعا کرنی چاہیدی اے

چرچ مینوئیل، آرٹیکل VIII، سیکشن 1۔

فرض لئی چْستی

ایس چرچ دے ہر رکن دا ایہہ فرض اے پئی اوہ ہر روز جارحانہ ذہنی صلاحواں دے خلاف اپنے آپ نوں تیار رکھے، تے رب، اپنے قائد تے انساناں لئی اپنے فرضاں نوں نہ کدی بھْلے تے نہ کدی نظر انداز کرے۔ اوہدے کماں دے راہیں اوہدا انصاف ہووے گا، اوہ بے قصور یا قصور وار ہووے گا۔

چرچ مینوئیل، آرٹیکل VIII، سیکشن 6۔


████████████████████████████████████████████████████████████████████████